Upcoming Premium Cars: కారు కొనే ప్లాన్‌లో ఉన్నారా.. అక్టోబర్‌లో రోడ్లపైకి వస్తున్న కొత్త కార్లు.. ఫీచర్లు హైలెట్..!

Upcoming Premium Cars: మీరు వచ్చే నెలలో కారు కొనాలని ఆలోచిస్తున్నట్లయితే మీకు గొప్ప వార్త ఉంది. ఎందుకంటే ప్రముఖ కంపెనీలు 5 కొత్త కార్లను వచ్చే నెల అక్టోబర్ 2024లో విడుదల చేయబోతున్నాయి. ఇవి భారతీయ మార్కెట్లో ప్రకంపనలు సృష్టించబోతున్నాయి. పండుగ సీజన్‌లో వచ్చే చాలా కార్లు మార్కెట్‌లోని ప్రీమియం సెగ్మెంట్ కోసం విడుదల చేయబడుతున్నాయి. కొన్ని కార్లు మాస్-మార్కెట్‌ను లక్ష్యంగా చేసుకుంటాయి. ఈ క్రమంలో వాటి గురించి వివరంగా తెలుసుకుందాం.

Kia Carnival
కియా కార్నివాల్ గత జూన్‌లో పాత మోడల్‌ను నిలిపివేసిన తర్వాత దాని కొత్త జనరేషన్ తిరిగి రావడానికి సిద్ధంగా ఉంది. ఇది మొదటి మోడల్ కంటే పెద్దదిగా, విలాసవంతమైనదిగా ఉంటుంది. ఇది ప్రారంభంలో లిమోసిన్, లిమోసిన్ ప్లస్ అనే రెండు ట్రిమ్‌లలో అందించబడుతుంది. ప్రారంభ సమయంలో కొత్త కార్నివాల్ 7-సీటర్ (2+2+3)గా మాత్రమే అందుబాటులో ఉంటుంది. రెండో వరుసలో కెప్టెన్ సీట్లు, మూడో వరుసలో బెంచ్ సీట్లు ఉంటాయి. ఇది మొదట CBUగా ప్రారంభించబడుతోంది. దీని ధర రూ. 50 లక్షల కంటే ఎక్కువగా ఉండవచ్చని అంచనా.

Kia EV9
కియా కార్నివాల్‌తో పాటు కంపెనీ ఎలక్ట్రిక్ SUV కొత్త EV9ని కూడా విడుదల చేస్తుంది. ఇండియా-స్పెక్ EV9 99.8kWh బ్యాటరీ ప్యాక్‌తో వస్తుంది. ఇది 561కిమీ రేంజ్ అందిస్తుంది. దీని ధర దాదాపు రూ. 1 కోటి (ఎక్స్-షోరూమ్) ఉండవచ్చని అంచనా.

Nissan Magnite Facelift
ప్రారంభించిన నాలుగు సంవత్సరాల తర్వాత నిస్సాన్ మాగ్నైట్ ఈ అక్టోబర్‌లో దాని మొదటి మిడ్-లైఫ్ సైకిల్ అప్‌డేట్‌ను పొందుతుంది. ఇది కొత్త ఫ్రంట్ బంపర్, గ్రిల్‌ని పొందుతుందని స్పై షాట్‌లు చూపిస్తున్నాయి. కొత్త LED డేలైట్ రన్నింగ్ ల్యాంప్ సిగ్నేచర్‌లతో రీప్రొఫైల్డ్ హెడ్‌ల్యాంప్‌లు కూడా ఉండవచ్చు. పాత మోడల్‌తో పోలిస్తే కంపెనీ ధరలను కొద్దిగా పెంచవచ్చు.

BYD eMax 7
బివైడి eMax 7 అనేది ఫేస్‌లిఫ్టెడ్ E6, ఇది 2021లో భారతదేశంలో BYD ఫస్ట్ మోడల్. ఈ ఎలక్ట్రిక్ MPV కొత్త హెడ్‌ల్యాంప్‌లు, టెయిల్-ల్యాంప్‌లు, మరిన్ని క్రోమ్ ఎలిమెంట్‌లతో కూడిన కొత్త బంపర్‌లను పొందుతుంది. ఇంటీరియర్ వైపు, డ్యాష్‌బోర్డ్ చాలా వరకు అలాగే ఉంటుంది. అయితే అతిపెద్ద అప్‌డేట్ 12.8 అంగుళాల ఫ్లోటింగ్ టచ్‌స్క్రీన్. BYD eMax 7 6- 7 సీటర్ కాన్ఫిగరేషన్‌లను పొందవచ్చని భావిస్తున్నారు. ఇది పనోరమిక్ సన్‌రూఫ్, ADAS వంటి లక్షణాలను కూడా కలిగి ఉంటుంది. దీని ధర దాదాపు రూ. 30 లక్షల నుండి మొదలై రూ. 33 లక్షల వరకు (ఎక్స్-షోరూమ్) వరకు ఉంటుంది.

Mercedes-benz e-class
ఆరవ తరం లాంగ్-వీల్‌బేస్ E-క్లాస్ (V214) ధర రూ. 80 లక్షల కంటే ఎక్కువగా ఉండవచ్చని అంచనా. కొత్త E-క్లాస్ దాని పాత మోడల్ కంటే చాలా పెద్దది. ఇందులో రెండు 2.0-లీటర్ 4-సిలిండర్ ఇంజన్లు ఉంటాయి. రెండు ఇంజన్లు 48V మైల్డ్-హైబ్రిడ్ సిస్టమ్‌లుగా ఉంటాయి. కొత్త ఇ-క్లాస్ డెలివరీలు అక్టోబర్ చివరి నాటికి ప్రారంభమవుతాయి.