ఇండియాలో అత్యంత చౌకైన బైకులు ఇవే.. ధర 55 వేల రూపాయల నుంచి ప్రారంభం..!

Cheapest Bikes: భారతదేశంలో ద్విచక్రవాహనాలకి చాలా డిమాండ్‌ ఉంటుంది. ఈ రంగంలో పలురకాల కంపెనీలు పోటీపడుతున్నాయి. పోటాపోటీగా కొత్తరకం బైక్‌లు తయారుచేస్తూ వినియోగదారులని ఆకట్టుకుంటున్నాయి. అయితే పెట్రోల్‌ ధరలు పెరగడంతో చాలామంది ధర తక్కువగా ఉండి మైలేజ్‌ ఎక్కువగా ఇచ్చే బైక్‌ల కొనుగోలుకి మొగ్గుచూపుతున్నారు. మీరు చౌకైన బైక్‌ను కొనుగోలు చేయడానికి ప్లాన్ చేస్తున్నట్లయితే మార్కెట్లో చాలా ఎంపికలు ఉన్నాయి. అందులో కొన్ని బైక్‌ల గురించి తెలుసుకుందాం.

హీరో హెచ్‌ఎఫ్ 100: హీరో హెచ్‌ఎఫ్ 100 భారతదేశంలోనే అత్యంత చౌకైన బైక్. దేశంలో విక్రయిస్తున్న అత్యంత సరసమైన మోటార్‌సైకిల్ ఇదే. దీని ఎక్స్-షోరూమ్ ధర రూ.56,968. ఇది హీరో సరసమైన బైక్ 97 cc ఇంజిన్ శక్తితో నడుస్తుంది.

హీరో హెచ్‌ఎఫ్ డీలక్స్: హీరో హెచ్‌ఎఫ్ డీలక్స్ దేశంలో రెండవ చౌకైన మోటార్‌సైకిల్. ఈ బైక్‌ చాలా ప్రజాదరణ పొందింది. దీని ఎక్స్-షోరూమ్ ధర రూ.59,990 నుంచి ప్రారంభమవుతుంది. దీనికి 97 సిసి స్లోపర్ ఇంజన్ ఉంటుంది.

TVS స్పోర్ట్: TVS స్పోర్ట్స్ 109.7 cc ఇంజన్ పవర్‌తో వస్తుంది. భారతదేశంలోని హాటెస్ట్ బైక్‌లలో TVS స్పోర్ట్స్ ఒకటి. దీని ఎక్స్-షోరూమ్ ధర రూ.64,050 నుంచి ప్రారంభమవుతుంది. బేస్ మోడల్ కిక్ స్టార్టర్‌తో వస్తుంది. కొన్ని సెల్ఫ్-స్టార్ట్ వెర్షన్‌లు ఉన్నాయి.

హోండా షైన్ 100: ఈ జాబితాలో తాజా పేరు హోండా షైన్ 100. కంపెనీ దీనిని ఇటీవలే రూ.64,900 ప్రారంభ ధరతో పరిచయం చేసింది. ప్రత్యేక విషయం ఏంటంటే షైన్ 100 ఇంజిన్ OBD-2 కంప్లైంట్, E20కి అనుకూలంగా ఉంటుంది. ఈ బైక్‌కు సెల్ఫ్ స్టార్టర్ కూడా ఉంది. ఇది దేశంలోనే అత్యంత చౌకైన సెల్ఫ్ స్టార్ట్ మోటార్‌సైకిల్‌గా చెప్పవచ్చు.

బజాజ్ ప్లాటినా 100: బజాజ్ ప్లాటినా 100 చౌకైన బైక్. ఇది దేశంలో 5వ అత్యంత సరసమైన మోటార్‌సైకిల్. ఇది బజాజ్ DTS-i టెక్నాలజీతో వచ్చే 102 cc ఇంజన్‌ని పొందుతుంది. ఈ బైక్ ఎక్స్-షోరూమ్ ధర రూ.65,856 నుంచి ప్రారంభమవుతుంది.