Hyundai EV Offers: ఐయోనిక్ 5 ఈవీపై బంపర్ ఆఫర్.. రూ.2 లక్షల డిస్కౌంట్‌తో ఇంటికి తీసుకెళ్లచ్చు

Hyundai EV Offers: దేశంలో ఎలక్ట్రిక్ కార్లకు విపరీతమైన డిమాండ్ ఉంది. ఈ విభాగంలో ఇప్పటికీ టాటా మోటార్స్ పూర్తిగా ఆధిపత్యం చెలాయిస్తోంది. దేశంలోని మొత్తం కార్ల అమ్మకాల్లో టాటా మోటర్స్ 65 శాతం వాటాను కలిగి ఉంది. ఈ నేపథ్యంలోనే మీరు కూడా రానున్న రోజుల్లో కొత్త కారును కొనాలని చూస్తున్నట్లయితే ప్రముఖ కార్ల తయారీ సంస్థ హ్యుందాయ్ తన ఫ్లాగ్‌షిప్ ఎలక్ట్రిక్ కార్ ఐయోనిక్ 5 EVపై నవంబర్ నెలలో బంపర్ డిస్కౌంట్లను అందిస్తోంది. కస్టమర్‌లు దీనిపై రూ. 2 లక్షల నగదు తగ్గింపును పొందుతున్నారు. డిస్కౌంట్ గురించి మరిన్ని వివరాల కోసం సమీప డీలర్‌షిప్‌ను సంప్రదించవచ్చు. హ్యుందాయ్ ఐయోనిక్ 5 EV ఫీచర్లు, ధర గురించి వివరంగా తెలుసుకుందాం.

హ్యుందాయ్ Ioniq 5 అనేది 72.6kWh బ్యాటరీతో కూడిన 5-సీటర్ ఎలక్ట్రిక్ కారు. ఇది గరిష్టంగా 217బీహెచ్‌పీ పవర్, 350ఎన్ఎమ్ పీక్ టార్క్‌ను ఉత్పత్తి చేస్తుంది. ఇది ఫుల్ ఛార్జ్‌పై 631 కిలోమీటర్ల రేంజ్‌ను అందించే రియర్ వీల్ డ్రైవ్ కారు. ఈ ఎలక్ట్రిక్ కారు 150kWh ఛార్జర్ ద్వారా 21 నిమిషాల్లో 0 నుండి 80 శాతం వరకు ఛార్జ్ అవుతుంది. 50kWh ఛార్జర్ ద్వారా పూర్తిగా ఛార్జ్ చేయడానికి 1 గంట పడుతుంది. ఈ కారు కస్టమర్లకు 4 కలర్ ఆప్షన్లలో అందుబాటులో ఉంది.

మరోవైపు కస్టమర్లు ఈ ఎలక్ట్రిక్ కారు క్యాబిన్‌లో డ్యూయల్ ఇంటిగ్రేటెడ్ 12.3-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, డిజిటల్ డ్రైవర్ డిస్‌ప్లేను పొందుతారు. ఇది కాకుండా కస్టమర్‌లు కారు క్యాబిన్‌లో పనోరమిక్ సన్‌రూఫ్, వైర్‌లెస్ ఫోన్ ఛార్జర్, వెంటిలేటెడ్ ఫ్రంట్ సీట్లు, డ్యూయల్ జోన్ క్లైమేట్ కంట్రోల్, హెడ్స్ అప్ డిస్‌ప్లే వంటి ఫీచర్లను పొందుతారు. మరోవైపు భద్రత కోసం కారులో 6-ఎయిర్‌బ్యాగ్‌లు, 360-డిగ్రీ కెమెరా, అడ్వాన్స్‌డ్ డ్రైవర్ అసిస్టెంట్ సిస్టమ్ (ADAS) వంటి ఫీచర్లు అందించారు. Ionic 5 ఎక్స్-షోరూమ్ ధర రూ. 46.05 లక్షలు.