Hero Splendor: ఈ బైక్ క్రేజ్ ఆపే దమ్ముందా.. లీటర్‌పై 95 కిమీ మైలేజ్

Hero Splendor: భారతీయ ద్విచక్ర వాహన పరిశ్రమలో ప్రజలు ఎక్కువగా ప్రయాణానికి స్కూటర్లను ఇష్టపడతారు. ఇక హీరో హోండా తన స్ప్లెండర్‌ని పరిచయం చేసి కొత్త అధ్యాయాన్ని ప్రారంభించింది. అప్పటి నుండి నేటి వరకు, హీరో స్ప్లెండర్ మధ్యతరగతి ప్రజలు సులభంగా కొనుగోలు చేయగల మోటార్‌సైకిల్‌గా ప్రాచుర్యం పొందింది. అలాగే మైలేజీ పరంగా ఈ బైక్ క్రేజ్ ను ఏ వెహికల్ కూడా బ్రేక్ చేయలేదు. ఈ కథనంలో ఎవరికీ తెలియని ఈ అద్భుతమైన బైక్ గురించిన మరింత సమాచారం తెలుసుకుందాం.

ఇంతకుముందు హీరో మోటోకార్ప్ జపనీస్ ఆటోమేకర్ హోండాతో కలిసి ఉంది. ఈ రెండు బ్రాండ్ల భాగస్వామ్యంతో 1994లో స్ప్లెండర్ ప్రారంభారు. తక్కువ నిర్వహణ, అధిక మైలేజీ ఈ బైక్‌ను త్వరగా మార్కెట్ లీడర్‌గా మార్చాయి. భారతీయ వినియోగదారులను స్కూటర్ల నుంచి బైక్‌లకు మార్చేలా చేసింది.

అప్పటికి ఈ బైక్‌లో 97.2 సిసి ఎయిర్ కూల్డ్ 4 స్ట్రోక్ ఇంజన్ ఉంది. ఇది 7.44 బిహెచ్‌పి పవర్, 7.95 ఎన్ఎమ్ టార్క్ ఉత్పత్తి చేస్తుంది. 50 కిమీ కంటే ఎక్కువ మైలేజీని ఇచ్చిందని అప్పటి స్ప్లెండర్ ఓనర్లు ఇప్పటికీ పేర్కొంటున్నారు. ప్రారంభించిన 10 సంవత్సరాల తర్వాత, Splendor అప్‌డేట్ అయింది. అదే స్ప్లెండర్ ప్లస్. మళ్లీ 2005లో స్ప్లెండర్ కొత్త శక్తితో వచ్చింది.

ఆ తర్వాత కొత్త బైక్‌ను 125సీసీ అడ్వాన్స్‌డ్ స్విర్ల్ ఫ్లో ఇండక్షన్ సిస్టమ్ (ఏఎస్‌ఎఫ్‌ఎస్) ఇంజన్‌తో విడుదల చేశారు. ఇది హీరో, హోండా సహకారం నుండి వచ్చిన చివరి స్ప్లెండర్. ఈ జాయింట్ వెంచర్ 2010లో నిలిచిపోయింది. అయితే ఒప్పందం ప్రకారం Honda టెక్నాలజీగా 2014 వరకు హీరోకి సపోర్ట్ ఇవ్వాల్సి వచ్చింది. ఈ సమయంలో స్ప్లెండర్ ప్రో ప్రారంభించారు.

2014 తర్వాత హీరో స్ప్లెండర్ బైక్‌ను సొంతంగా అభివృద్ధి చేయడం ప్రారంభించింది. ప్రస్తుతం హీరో స్ప్లెండర్‌ను అనేక వేరియంట్‌లలో విక్రయిస్తోంది. ప్రస్తుతం స్ప్లెండర్ ప్లస్ స్టాండర్డ్, i3S, i3S, బ్లాక్ అండ్ యాక్సెంట్ i3S, మ్యాట్ యాక్సిస్ గ్రే అనే నాలుగు వేరియంట్‌లలో అందుబాటులో ఉంది. ధర రూ.75,441 నుండి రూ.78,286 (ఎక్స్-షోరూమ్) వరకు ఉంది.

అనేక నివేదికల ప్రకారం టెస్టింగ్‌‌లో స్ప్లెండర్ ప్లస్ నగరంలో 83.2 kmpl, హైవేలో 95.8 kmpl మైలేజీని ఇస్తుంది. 9.8 లీటర్ల ఇంధన ట్యాంక్ సామర్థ్యంతో మీరు ఫుల్ ట్యాంక్‌పై సుమారు 800 కి.మీ ప్రయాణించచ్చు. ఈ కారణంగా హీరో స్ప్లెండర్ ప్లస్‌ను మరే ఇతర వాహనం అధిగమించలేదు. విశ్వసనీయత, పనితీరు, మంచి మైలేజీ, సౌకర్యవంతమైన రైడ్‌కి చాలా ప్రసిద్ధి.

స్ప్లెండర్ ప్లస్ ఖచ్చితంగా కొనుగోలు చేయాల్సిన బైక్. సౌకర్యవంతమైన రైడ్ ఫీల్, మంచి ఫీచర్లు, అద్భుతమైన మైలేజీని కలిగి ఉంది. కాబట్టి మీరు నమ్మదగిన 110cc కమ్యూటర్ బైక్‌ను కొనుగోలు చేయాలని చూస్తున్నట్లయితే స్ప్లెండర్ ప్లస్ మీ జాబితాలో అగ్రస్థానంలో ఉండే అవకాశం ఉంది.

మార్కెట్లో పదేళ్లపాటు బైక్ నిలదొక్కుకోవడం కష్టతరమైన నేటి పరిస్థితుల్లో స్ప్లెండర్ దాదాపు మూడు దశాబ్దాల పాటు విజయవంతంగా అమ్ముడుపోయింది. ప్రస్తుతం ఈ హీరో స్ప్లెండర్ ప్లస్ బైక్‌కు పోటీగా హోండా సీడీ 110 డ్రీమ్, బజాజ్ సిటీ 110ఎక్స్, హోండా షైన్ 100, టీవీఎస్ రేడియన్, టీవీఎస్ స్పోర్ట్ బైక్‌లు ఉన్నాయి.