5-Star Child Safety Cars: 5 స్టార్ రేటింగ్‌తో చెల్డ్ సేఫ్టీకి బెస్ట్ కార్లు ఇవే.. టాప్ 6 లిస్టులో ఏమున్నాయంటే?

Cars With 5-Star Child Safety Rating: ప్రస్తుతం ప్రజలు కారు భద్రతపై ఎక్కువ శ్రద్ధ చూపడం ప్రారంభించారు. ఇది మంచి విషయం. ఏదైనా కారు దాని భద్రతా లక్షణాల పారామితులపై తప్పనిసరిగా పరిగణించాలి. అందుకే, ఈ రోజు మేం మీ కోసం 6 కార్ల జాబితాను సిద్ధం చేశాం. వీటికి గ్లోబల్ NCAP ద్వారా క్రాష్ టెస్ట్‌లో పిల్లలకు 5 స్టార్ సేఫ్టీ రేటింగ్ ఇచ్చారు.

టాటా సఫారి, టాటా హారియర్..

ఇటీవలే టాటా సఫారీ, టాటా హారియర్ ఫేస్‌లిఫ్ట్ వెర్షన్‌లు ప్రారంభించారు. లాంచ్‌తో పాటు, గ్లోబల్ NCAP రేటింగ్ కూడా వెల్లడైంది. పిల్లల భద్రతలో ఇద్దరికీ 5 స్టార్ రేటింగ్ అందించారు. పిల్లల భద్రత కోసం మొత్తం 49 పాయింట్లకు గాను 45 పాయింట్లు ఇచ్చారు.

వోక్స్‌వ్యాగన్ వర్టస్, స్కోడా స్లావియా..

GNCAP నిర్వహించిన క్రాష్ టెస్ట్‌లలో పిల్లల భద్రత కోసం వోక్స్‌వ్యాగన్ వర్టస్, స్కోడా స్లావియా 5-స్టార్‌లను సాధించాయి. దీనిరి 49 మార్కులకు 42 మార్కులు ఇచ్చారు. ఈ రెండు కార్లు ఒకే ప్లాట్‌ఫారమ్‌పై నిర్మించారు.

వోక్స్‌వ్యాగన్ టైగన్, స్కోడా కుషాక్..

జాబితాలో తర్వాతి స్థానాల్లో వోక్స్‌వ్యాగన్ టిగువాన్, స్కోడా కుషాక్ ఉన్నాయి. టైగున్, కుషాక్ రెండూ ఒకే వేదికపై ఆధారపడి ఉన్నాయి. గ్లోబల్ ఎన్‌సీఏపీ దీనికి పిల్లల భద్రత కోసం 5-స్టార్ సేఫ్టీ రేటింగ్ ఇచ్చింది. దీనికి 49 మార్కులకు 42 మార్కులు వచ్చాయి.

సురక్షితమైన కారును కలిగి ఉండటం ముఖ్యం..

భారతదేశంలో రోడ్డు ప్రమాదాల మరణాల సంఖ్య చాలా ఆందోళన కలిగిస్తుంది. ఏటా 1.5 లక్షల మందికి పైగా రోడ్డు ప్రమాదాల్లో మరణిస్తున్నారు. ఇటువంటి పరిస్థితిలో, మీకు, మీ పిల్లలకు సురక్షితమైన కారు ఎంత ముఖ్యమో వీటిని బట్టి అర్థం చేసుకోవచ్చు.