Top 5 SUVs: సేల్స్‌లో దూసుకెళ్తోన్న టాప్ 5 ఎస్‌యూవీలు.. దిగ్గజ కంపెనీలకే షాకిస్తోన్న టాటా పంచ్.. ధర, ఫీచర్లు ఎలా ఉన్నాయంటే?

Top 5 SUVs: భారతీయ ఆటో మార్కెట్‌కు గత నెల చాలా బాగుంది. అన్ని వాహనాల తయారీ కంపెనీలు ఫిబ్రవరి 2024 నెల వారి విక్రయ నివేదికలను విడుదల చేశాయి. అమ్మకాల నివేదిక ప్రకారం, టాటా పంచ్ ఫిబ్రవరిలో అద్భుతమైన అమ్మకాలను సాధించింది. ఫిబ్రవరి 2024లో విక్రయించిన టాప్ 5 SUVల గురించి ఈ కథనంలో తెలుసుకుందాం..

ప్రస్తుతం, భారతీయ మార్కెట్లో SUVలకు డిమాండ్ స్థిరంగా ఉంది. టాటా మోటార్స్ నుంచి రెండు ఎంట్రీ-లెవల్ SUVలు; పంచ్, నెక్సన్ చాలా కాలంగా అత్యధికంగా అమ్ముడవుతున్న SUVలలో ఒకటిగా ఉన్నాయి. అయితే ఫిబ్రవరి విక్రయాల నివేదికలో టాటా నెక్సాన్ ఐదో స్థానానికి పడిపోయింది.

టాటా పంచ్: టాటా పంచ్ ఫిబ్రవరి నెలలో అత్యధికంగా అమ్ముడైన SUVగా మారింది. ఫిబ్రవరి 2024లో, పంచ్ మైక్రో SUV 18,438 యూనిట్లు అమ్ముడయ్యాయి. గత సంవత్సరం ఇదే కాలంలో 11,169 యూనిట్లు అమ్ముడయ్యాయి.

మారుతి బ్రెజ్జా: మారుతి బ్రెజ్జా కూడా అద్భుతంగా పనిచేసింది. ఫిబ్రవరి-2024లో 15,765 యూనిట్లు విక్రయించబడ్డాయి. ఫిబ్రవరి 2023లో 15,787 యూనిట్లు అమ్ముడయ్యాయి. గతేడాదితో పోలిస్తే మారుతి బ్రెజ్జా విక్రయాల్లో స్వల్పంగా 0.14 శాతం క్షీణత నమోదైంది.

హ్యుందాయ్ క్రెటా: హ్యుందాయ్ ప్రసిద్ధ SUV క్రెటా ఫిబ్రవరి 2024లో 15,276 యూనిట్లను విక్రయించింది. ఈ అద్భుతమైన పనితీరుతో, క్రేటా విక్రయాలలో మూడవ స్థానంలో ఉంది. ఫిబ్రవరి 2023లో క్రెటా 10,421 యూనిట్లను విక్రయించింది.

ఈ విధంగా, క్రెటా వార్షిక ప్రాతిపదికన 46.59 శాతం వృద్ధిని నమోదు చేసింది. హ్యుందాయ్ గత సంవత్సరం చివరిలో కొత్త క్రెటా ఫేస్‌లిఫ్ట్‌ని విడుదల చేసింది. దీని కారణంగా ఈ SUV విక్రయాలలో విపరీతమైన పెరుగుదల కనిపించింది.

మహీంద్రా స్కార్పియో: ఫిబ్రవరి 2024లో 15,051 యూనిట్ల విక్రయాలతో మహీంద్రా స్కార్పియో నాల్గవ స్థానంలో నిలిచింది. గత ఏడాది ఫిబ్రవరిలో మహీంద్రా స్కార్పియో కేవలం 6,950 యూనిట్లు మాత్రమే విక్రయించబడింది. ఈ విధంగా, మహీంద్రా స్కార్పియో వార్షిక ప్రాతిపదికన 116.56 శాతం వృద్ధిని సాధించింది.

టాటా నెక్సాన్: టాటా నెక్సాన్ ఫిబ్రవరి 2024లో ICE, EV రెండింటిలో 14,395 యూనిట్లను విక్రయించింది. ఫిబ్రవరి-2023లో 13,914 యూనిట్లు అమ్ముడయ్యాయి. తద్వారా వార్షిక విక్రయాల్లో 3.46% పెరుగుదల నమోదైంది. అయినప్పటికీ, టాటా నెక్సాన్ ఫిబ్రవరి 2024లో టాప్ 5 అమ్ముడవుతున్న SUVల జాబితాలో 5వ స్థానానికి చేరుకుంది. టాటా జనాదరణ పొందిన ఉత్పత్తులలో నెక్సాన్ ఒకటి.