Electric Cars: మారుతి-టాటా నుంచి మహీంద్రా వరకు.. ఈ 5 ఎలక్ట్రిక్ కార్ల కోసం జనాలు వెయిటింగ్.. ధరలు, ఫీచర్లపై పెరిగిన ఉత్కంఠ..!

Electric Cars In India: కస్టమర్లలో ఎలక్ట్రిక్ కార్ల డిమాండ్ వేగంగా పెరిగింది. దీనికి మొదటి కారణం పెట్రోల్, డీజిల్ ధరలను తప్పించుకోవడమే. రెండవది ఈవీలకు మంచి భవిష్యత్తు ఉంది. దేశంలోని ప్రముఖ ఆటోమొబైల్ కంపెనీలు అనేక ఎలక్ట్రిక్ కార్లను మార్కెట్లోకి విడుదల చేశాయి. అయితే కస్టమర్లు ఇంకా 5 ఎలక్ట్రిక్ కార్ల కోసం ఆసక్తిగా ఎదురుచూస్తున్నారు. వీటిలో టాటా, మహీంద్రా, మారుతి సుజుకీ కార్లు కూడా ఉన్నాయి. ఈ 5 కార్లను ఈ ఏడాది విడుదల చేయనున్నారు. ఈ కార్లు మారుతి సుజుకి EVX, స్కోడా ఇనియాక్, టాటా హారియర్ EV, టాటా కర్వ్ EV, మహీంద్రా XUV800.

మహీంద్రా XUV.E8..

మహీంద్రా & మహీంద్రా ఈ ఏడాది ఆగస్ట్‌లో మహీంద్రా XUV.E8ని భారతదేశంలో అలాగే గ్లోబల్ మార్కెట్‌లో విడుదల చేయవచ్చు. ప్రస్తుతం కంపెనీ టెస్టింగ్‌లో నిమగ్నమై ఉంది. ఈ ఎలక్ట్రిక్ SUV XUV700 ఆధారంగా ఉంటుంది. లుక్స్, ఫీచర్ల పరంగా ఇది చాలా బాగుంటుందని భావిస్తున్నారు.

టాటా హారియర్ EV..

టాటా మోటార్స్ ఈ సంవత్సరం దాని శక్తివంతమైన మధ్యతరహా SUV హారియర్ ఎలక్ట్రిక్ వేరియంట్‌ను పరిచయం చేయబోతోంది. ఇది ఇటీవల ఇండియా మొబిలిటీ గ్లోబల్ ఎక్స్‌పో 2024లో ప్రదర్శించారు. ఈ ఎలక్ట్రిక్ SUV శక్తివంతమైన బ్యాటరీతో అందించబడుతుంది. దాని సింగిల్ ఛార్జ్ పరిధి 500 కిలోమీటర్ల కంటే ఎక్కువగా ఉంటుంది.

టాటా కర్వ్ EV..

ఇటీవల జరిగిన భారత్ మొబిలిటీ గ్లోబల్ ఎక్స్‌పో 2024లో టాటా కర్వ్ పరిచయం చేసింది. కర్వ్ ఎలక్ట్రిక్ వేరియంట్‌లను ఈ సంవత్సరం భారతదేశంలో కూడా ప్రారంభించవచ్చు. టాటా కర్వ్ EV పరిధి, వేగంలో Nexon EV కంటే మెరుగ్గా ఉంటుంది.

మారుతి సుజుకి EVX..

మారుతి సుజుకి తన మొదటి ఎలక్ట్రిక్ కారును EVX రూపంలో విడుదల చేయవచ్చు. ఈ ఏడాది పండుగ సీజన్ నాటికి ఈ కారును విడుదల చేయవచ్చు. మారుతి సుజుకి EVX 400 కిలోమీటర్ల వరకు ఒకే ఛార్జ్ పరిధితో అందించనుంది.

స్కోడా ఎన్యాక్..

స్కోడా ఆటో ఇండియా తన ఎలక్ట్రిక్ SUV ఇనిక్‌ని భారత్ మొబిలిటీ గ్లోబల్ ఎక్స్‌పో 2024లో ప్రదర్శించింది. ఇది ఈ సంవత్సరం ప్రీమియం EV విభాగంలోకి ప్రవేశించవచ్చు.