Best Selling SUVs: దేశంలో సంచలనం సృష్టిస్తోన్న 5 ఎస్‌యూవీలు.. బడ్జెట్ కార్లను మంచిన సేల్స్.. ఫీచర్లు చూస్తే బాప్‌రే అనాల్సిందే..!

Best Selling SUVs: ఇండియన్ మార్కెట్‌లో రూ.10 లక్షల లోపు ఉన్న ఎస్‌యూవీలు అత్యధికంగా అమ్ముడవుతున్నాయి. అయితే 4 మీటర్ల కంటే ఎక్కువ ఉన్న ఎస్‌యూవీలకు చాలా క్రేజ్ ఉంది. ఇటువంటి SUVని కొనుగోలు చేయాలనుకునే వ్యక్తులు సాధారణంగా 10 లక్షల రూపాయల కంటే ఎక్కువ బడ్జెట్ కలిగి ఉంటారు. దేశంలో 4 మీటర్ల కంటే పెద్ద SUVల కోసం అనేక ఎంపికలు ఉన్నాయి. ఖరీదైనవి అయినప్పటికీ, వీటిలో కొన్ని కార్లు బాగా అమ్ముడవుతున్నాయి. 4 మీటర్ల కంటే పెద్ద SUVల గురించి మాట్లాడితే, వాటిలో కొన్ని 4.2 మీటర్లు, కొన్ని 4.4 మీటర్లు ఉంటాయి. వీటిని కొంతమంది కాంపాక్ట్ SUV అని పిలుస్తుంటారు. మరికొందరు వీటిని మిడ్ సైజ్ SUV అని పిలుస్తుంటారు. భారతీయ మార్కెట్లో అత్యధిక డిమాండ్ ఉన్న 4-మీటర్ల కంటే ఎక్కువగల 5 SUVల గురించి ఇప్పుడు చూద్దాం..

హ్యుందాయ్ క్రెటా..

ఈ జాబితాలో హ్యుందాయ్ క్రెటా మొదటి స్థానంలో ఉంది. హ్యుందాయ్ క్రెటా గత నెలలో, అంటే ఏప్రిల్ 2024లో దాని విభాగంలో అత్యధికంగా అమ్ముడైన SUVగా ఉంది. దీనిని 15,447 మంది వ్యక్తులు కొనుగోలు చేశారు. ఫేస్‌లిఫ్ట్ మోడల్‌ను ప్రారంభించిన తర్వాత, క్రెటాకు డిమాండ్‌లో విపరీతమైన పెరుగుదల ఉంది.

మహీంద్రా స్కార్పియో..

రెండవ స్థానంలో మహీంద్రా స్కార్పియో ఉంది. దీనిని గత నెలలో 14,807 మంది వినియోగదారులు కొనుగోలు చేశారు. మహీంద్రా స్కార్పియో స్కార్పియో ఎన్, స్కార్పియో క్లాసిక్ మోడళ్లలో విక్రయించబడుతోంది.

మారుతి సుజుకి గ్రాండ్ విటారా..

మారుతి సుజుకి కొత్త గ్రాండ్ విటారా SUV కూడా ఉంది. ఈ జాబితాలో మూడో స్థానంలో నిలిచి 7,651 యూనిట్ల విక్రయాలను సాధించింది.

కియా సెల్టోస్..

గత నెలలో 6,734 మంది కస్టమర్లు కొనుగోలు చేసిన కియా సెల్టోస్ నాల్గవ స్థానంలో ఉంది. కియా మోటార్స్ ఈ ఏడాది ప్రారంభంలో సెల్టోస్ ఫేస్‌లిఫ్ట్‌ను విడుదల చేసింది.

టయోటా అర్బన్ క్రూయిజర్ హైరైడర్..

ఏప్రిల్ నెలలో, టయోటా అర్బన్ క్రూయిజర్ హైరైడర్ 3,252 యూనిట్లను విక్రయించింది.