eBikeGo: 3 గంటల్లో 80 శాతం ఛార్జింగ్.. 100 కిమీల మైలేజీ.. కళ్లు చెదిరే ఫీచర్లతో వచ్చేసిన ఈబైక్‌గో స్కూటర్

Muvi 125 5G Electric Scooter: ఎలక్ట్రిక్ స్కూటర్ తయారీదారు eBikeGo తన కొత్త ఎలక్ట్రిక్ స్కూటర్ Muvi 125 5Gని బెంగళూరులోని ఆర్ట్ ఆఫ్ లివింగ్ ఇంటర్నేషనల్ సెంటర్‌లో ఆవిష్కరించింది. కంపెనీ సమాచారం ప్రకారం, ఎలక్ట్రిక్ వాహనం కోరుకునే కస్టమర్లను దృష్టిలో ఉంచుకుని ఈ కొత్త స్కూటర్‌ను రూపొందించారు.

Muvi 125 5G ఎలక్ట్రిక్ స్కూటర్ ఆధునిక డిజైన్, సరికొత్త ఫీచర్లతో పరిచయం చేసింది. ఈ ఎలక్ట్రిక్ స్కూటర్‌తో, పెట్రోల్ స్కూటర్‌ల కంటే బలమైన గ్రీన్ మొబిలిటీ సొల్యూషన్‌ను అందించాలని eBikeGo లక్ష్యంగా పెట్టుకుంది.

భారతీయ ఎలక్ట్రిక్ టూ వీలర్ మార్కెట్లో కొత్త విప్లవాన్ని తీసుకురావాలనే లక్ష్యంతో, కస్టమర్ల అవసరాలను దృష్టిలో ఉంచుకుని కంపెనీ ఈ స్కూటర్‌ను అభివృద్ధి చేసింది. ఈ ఎలక్ట్రిక్ స్కూటర్ దాని పోటీదారులందరితో పోలిస్తే అత్యంత స్మార్ట్ టెక్నాలజీలను కలిగి ఉంది.

Muvi 125 5G ఎలక్ట్రిక్ స్కూటర్ 5 kW బలమైన బ్యాటరీ ప్యాక్‌ను కలిగి ఉంది. పూర్తి ఛార్జ్‌పై 100Km పరిధిని కలిగి ఉంటుంది. ఈ స్కూటర్‌ను ఒకసారి పూర్తిగా ఛార్జ్ చేస్తే 100కిలోమీటర్ల వరకు నడపవచ్చని కంపెనీ పేర్కొంది.

3 గంటల్లో 80% వరకు ఛార్జ్ అవుతుందని కంపెనీ తెలిపింది. ఈ స్కూటర్ ఫాస్ట్ ఛార్జింగ్ టెక్నాలజీని కూడా కలిగి ఉంది. దీని సహాయంతో, మీరు మీ EVని 3 గంటలలోపు 80% వరకు ఛార్జ్ చేయవచ్చు. స్టాండర్డ్ ఛార్జింగ్ టెక్నిక్ కంటే ఇది చాలా మెరుగ్గా, వేగవంతమైనదని కంపెనీ పేర్కొంది.

స్కూటర్‌లో స్మార్ట్ LED డిజిటల్ డిస్‌ప్లే డ్యాష్‌బోర్డ్..

రైడర్‌కు పూర్తి డిజిటల్ అనుభవాన్ని అందించడానికి, Muvi 125 5G ఎలక్ట్రిక్ స్కూటర్‌లో 5G మొబైల్ యాప్ కనెక్టివిటీతో కూడిన స్మార్ట్ LED డిజిటల్ డిస్‌ప్లే డాష్‌బోర్డ్ ఉంది. దీని డిజైన్ చాలా సులభం, నిర్వహణ కూడా చాలా సులభం.

ముఖ్యంగా మహిళా రైడర్ల కోసం ఇది సొగసైన డిజైన్‌లో తయారు చేశారు. దీంతో మహిళలు కూడా ఈ స్కూటర్‌ను సులభంగా నడపగలరు. అంటే ప్రస్తుతం ఉన్న పెట్రోల్ స్కూటర్ల కంటే Muvi 125 5G స్కూటర్ బరువు చాలా తేలికగా ఉంటుంది.

ధరను ప్రకటించని కంపెనీ..

కాలేజీకి వెళ్లే విద్యార్థులు కూడా దీన్ని సులభంగా నడపగలరు. అయితే, ఈ స్కూటర్ ధర, డెలివరీకి సంబంధించి కంపెనీ ఇంకా స్పష్టమైన సమాచారం ఇవ్వలేదు.