Citroen: రూ. 10 లక్షల కార్.. కేవలం రూ.25 వేలకే బుక్ చేయండి.. కొత్త సిట్రోయెన్ C3 ఎయిర్‌క్రాస్ ఫీచర్లు చూస్తే పరేషానే..!

Citroen C3 Aircross: భారతదేశంలో ఎంతో ఆసక్తిగా ఎదురుచూస్తున్న SUV ఇప్పుడు విడుదలైంది. అవును, సిట్రోయెన్ తన కొత్త C3 ఎయిర్‌క్రాస్ మధ్యతరహా SUVని విడుదల చేసింది. దీని ధర రూ. 9.99 లక్షల ఎక్స్-షో రూమ్ నుంచి ప్రారంభమవుతుంది. ప్రస్తుతం, కంపెనీ దాని బేస్ వేరియంట్ ధరలను మాత్రమే వెల్లడించింది. త్వరలో దాని మిడ్-స్పెక్ ప్లస్, టాప్-స్పెక్ మ్యాక్స్ వేరియంట్‌ల ధరలు కూడా ప్రకటించబడతాయి. రూ. 25,000 టోకెన్ మొత్తాన్ని చెల్లించి Citroen ద్వారా కారును బుక్ చేసుకోవచ్చు. దీని డెలివరీ అక్టోబర్ 15 నుంచి ప్రారంభమవుతుంది. దీని ఫీచర్లు, ఇంజన్ గురించి తెలుసుకుందాం..

డిజైన్, కొలతలు:

కొత్త సిట్రోయెన్ C3 ఎయిర్‌క్రాస్ ప్రస్తుతం ఉన్న హ్యాచ్‌బ్యాక్ మోడల్‌కు పొడవాటి వెర్షన్ వలె కనిపిస్తుంది. అయితే కొన్ని మార్పులతో ఇది హ్యాచ్‌బ్యాక్ నుంచి భిన్నంగా కనిపిస్తుంది. ఇది చాలా ఆచరణాత్మకంగా కనిపిస్తుంది. సి-క్యూబ్ ప్లాట్‌ఫారమ్‌పై నిర్మించిన భారతదేశానికి ఇది కంపెనీ రెండవ వాహనం. పరిమాణం గురించి చెప్పాలంటే, దీని పొడవు 4300 మిమీ, వెడల్పు 1796 మిమీ, ఎత్తు 1654 మిమీ, వీల్‌బేస్ 2671 మిమీ. ఈ SUV బూట్ రేంజ్ సీటింగ్ కాన్ఫిగరేషన్ ఆధారంగా 444 నుంచి 511 లీటర్ల వరకు ఉంటుంది.

ఇంటీరియర్, ఫీచర్లు:

సిట్రోయెన్ C3 ఎయిర్‌క్రాస్ లోపలి భాగం అనేక ఫీచర్లతో వస్తుంది. దీని డ్యుయల్ టోన్ డ్యాష్‌బోర్డ్ C3 హ్యాచ్‌బ్యాక్‌ను పోలి ఉంటుంది. దీనిలో మీకు హ్యాచ్‌బ్యాక్ నుంచి తీసుకోబడిన 10.2-అంగుళాల ఇన్ఫోటైన్‌మెంట్ టచ్‌స్క్రీన్ అందించింది. దానిలో కొన్ని లోపాలు కూడా ఉన్నాయి. దీనిని ఉపయోగించడం అంత సులభం కాదు. కంపెనీ దీనిపై పని చేయాలి. భద్రత కోసం, ఇందులో 6 ఎయిర్‌బ్యాగ్‌లు, యాంటీ-లాక్ బ్రేకింగ్ సిస్టమ్, EBD, ఎలక్ట్రానిక్ స్టెబిలిటీ కంట్రోల్, రియర్-వ్యూ కెమెరా, రియర్ పార్కింగ్ సెన్సార్లు, హిల్ హోల్డ్ అసిస్ట్ వంటి ఫీచర్లు ఉన్నాయి.

ఇంజిన్, పనితీరు:

పనితీరు గురించి మాట్లాడే ముందు, కొత్త సిట్రోయెన్ C3 ఎయిర్‌క్రాస్ ఇంజిన్‌ను పరిశీలించండి. ఇందులో 1.2-లీటర్ టర్బోచార్జ్డ్ పెట్రోల్ ఇంజన్ ఉంది. ఇది 110PS పవర్, 190 Nm టార్క్ ఇస్తుంది. ఈ ఇంజన్ 6కి జత చేసింది. స్పీడ్ మాన్యువల్ గేర్‌బాక్స్ వస్తుంది. ఇది ఒక లీటర్‌లో 18.5 కిలోమీటర్ల వరకు మైలేజీని అందిస్తుందని కంపెనీ పేర్కొంది.