BSA Goldstar: దేశంలోనే అతిపెద్ద సింగిల్ సిలిండర్ బైక్ ఇదే.. మహీంద్రా నుంచి ఐకానిక్ మోటార్‌సైకిల్.. ధరెంతంటే?

BSA Goldstar: మహీంద్రా గ్రూప్ యాజమాన్యంలోని ఐకానిక్ మోటార్‌సైకిల్ బ్రాండ్ BSA గురువారం 652cc గోల్డ్ స్టార్ 650 మోడల్‌ను పరిచయం చేయడం ద్వారా భారతదేశంలోకి ప్రవేశించింది. ఢిల్లీలోని షోరూమ్‌లో దీని ధర రూ.2.99 లక్షలుగా ఉంది. ప్రపంచంలోని పురాతన మోటార్‌సైకిల్ కంపెనీలలో ఒకటైన బర్మింగ్‌హామ్ స్మాల్ ఆర్మ్స్ కంపెనీ (BSA), మహీంద్రా గ్రూప్‌కు చెందిన ప్రీమియం మోటార్‌సైకిల్ విభాగం క్లాసిక్ లెజెండ్స్ 2016లో కొనుగోలు చేసింది.

క్లాసిక్ లెజెండ్స్ దేశంలో జావా, యెజ్డీ మోటార్‌సైకిళ్లను విక్రయిస్తోంది. BSA గోల్డ్ స్టార్ 650 2021లో UKకి తిరిగి వచ్చింది. ప్రస్తుతం యూరప్, టర్కీ, న్యూజిలాండ్, ఫిలిప్పీన్స్‌లో విక్రయింస్తోంది. ఈ సందర్భంగా మహీంద్రా గ్రూప్ చైర్మన్ ఆనంద్ మహీంద్రా మాట్లాడుతూ, “భారత్‌కు BSA తీసుకురావడం ప్రపంచ మోటార్‌సైకిల్ చరిత్రలో భారతదేశంతో ఒక భాగం చేసింది. త్వరలో అమెరికా, ఆస్ట్రేలియా, జపాన్ మార్కెట్లలోకి బీఎస్ఏ బ్రాండ్ ప్రవేశిస్తుంది" అంటూ తెలిపారు.

వివిధ మోడళ్ల ధరలు ఎలా ఉన్నాయో ఓసారి చూద్దాం..

గోల్డ్ స్టార్ హైలాండ్ గ్రీన్ - రూ 2,99,990.

గోల్డ్ స్టార్ రెడ్ - రూ 2,99,990.

గోల్డ్ స్టార్ మిడ్‌నైట్ బ్లాక్- రూ. 3,11,990.

గోల్డ్ స్టార్ డాన్ సిల్వర్- రూ. 3,11,990.

గోల్డ్ స్టార్ షాడో బ్లాక్- రూ. 3,15,900.

గోల్డ్ స్టార్ లెగసీ ఎడిషన్ - షీన్ సిల్వర్ - రూ 3,34,900.

బైక్ స్పెసిఫికేషన్స్..

గోల్డ్ స్టార్ 652cc సింగిల్-సిలిండర్, లిక్విడ్-కూల్డ్ ఇంజన్‌ని కలిగి ఉంది. ఇది దేశంలోనే అతిపెద్ద సింగిల్-సిలిండర్ మోటార్‌సైకిల్‌గా నిలిచింది. దీని మోటార్ 45 bhp శక్తిని, 55 Nm గరిష్ట టార్క్‌ను ఉత్పత్తి చేస్తుంది. ఇది 5-స్పీడ్ ట్రాన్స్‌మిషన్‌తో జత చేసింది. మోటార్‌సైకిల్ డ్యూయల్ క్రెడిల్ చట్రం మీద కూర్చుంది. ఇది టెలిస్కోపిక్ ఫ్రంట్ ఫోర్క్స్, 5-దశల ప్రీలోడ్ అడ్జస్టబుల్ ట్విన్ షాక్ అబ్జార్బర్‌లను కలిగి ఉంది.