7 Seater Car: 7 సీటర్ కారు కొనాలని ప్లాన్ చేస్తున్నారా.. రూ. 10 లక్షల కంటే తక్కువ ధరకే.. లిస్టులో 5 కార్లు..!

7 Seater Cars Under 10 Lakhs: పెద్ద కుటుంబాల కోసం 7 సీట్ల కార్ల డిమాండ్ భారతదేశంలో నిరంతరం పెరుగుతోంది. దీని వెనుక కారణం ఏమిటంటే, ఈ కార్లు సౌకర్యవంతంగా, కుటుంబంతో దూర ప్రయాణాలకు సరైనవి. అనేక కార్ కంపెనీలు భారతీయ మార్కెట్లో 7 సీటర్ కార్ల ఎంపికను అందిస్తున్నాయి. అయితే, అన్నింటి ధరలు ఒకేలా ఉండవు. కొన్ని కార్లు రూ. 10 లక్షల కంటే తక్కువ ధరకు లభిస్తాయి. వీటిలో మీరు చాలా మంచి ఫీచర్లను కూడా పొందుతారు. కాబట్టి, మీరు రూ. 10 లక్షల కంటే తక్కువ ధరతో కొనుగోలు చేయగల 5 ఉత్తమ 7 సీటర్ కార్లు ఏంటో ఇప్పుడు తెలుసుకుందాం.

మారుతి సుజుకి ఎర్టిగా దాని విశ్వసనీయత, ఇంధన సామర్థ్యానికి ప్రసిద్ధి చెందింది. ఈ కారు పెట్రోల్, CNG వేరియంట్లలో అందుబాటులో ఉంది. ఎర్టిగాలో SmartPlay ఇన్ఫోటైన్‌మెంట్ సిస్టమ్, ABS, ఎయిర్‌బ్యాగ్‌లు వంటి ఫీచర్లు ఉన్నాయి. ఇవి భద్రత పరంగా కూడా అద్భుతమైనవి. దీని ధర రూ. 8 లక్షల నుంచి రూ. 10 లక్షల వరకు ఉంటుంది. ఇది బడ్జెట్‌కు అనుకూలమైనది.

మహీంద్రా బొలెరో దాని బలం, కఠినమైన స్వభావానికి ప్రసిద్ధి చెందింది. ముఖ్యంగా గ్రామీణ ప్రాంతాల్లో ఇది బాగా ప్రాచుర్యం పొందింది. ఇందులో 1.5 లీటర్ డీజిల్ ఇంజన్ కలదు. దీని మైలేజ్ కూడా బాగుంది. బొలెరో ప్రారంభ ధర సుమారు రూ. 9 లక్షలు. ఇది బడ్జెట్‌లో కూడా సరిపోతుంది.

రెనాల్ట్ ట్రైబర్ అనేది 7 సీట్ల కార్ సెగ్మెంట్‌లో పాపులర్ పేరు. దీని మాడ్యులర్ సీటింగ్ అరేంజ్‌మెంట్, స్మార్ట్ ఇంటీరియర్స్ దీనిని ప్రత్యేకంగా చేస్తాయి. ఇది 1.0 లీటర్ పెట్రోల్ ఇంజిన్‌ను కలిగి ఉంది. దీని ధర సుమారు రూ. 5.50 లక్షల నుంచి ప్రారంభమవుతుంది. ట్రైబర్ మైలేజ్ కూడా చాలా బాగుంది. ఇది మధ్యతరగతి కుటుంబాలకు గొప్ప ఎంపిక.

మహీంద్రా బొలెరో నియో 7 సీట్ల కారు. దీని ధర రూ. 9.95 లక్షల నుంచి రూ. 12.15 లక్షల మధ్య ఉంటుంది. ఈ కారు దాని బలం, విశ్వసనీయతకు ప్రసిద్ధి చెందింది.

మారుతి ఈకో అనేది బడ్జెట్-స్నేహపూర్వక ఎంపిక. దీని ధర రూ. 5.32 లక్షల నుంచి రూ. 6.58 లక్షల మధ్య ఉంటుంది. ఈ కారు తక్కువ ధరకు, మంచి మైలేజీకి ప్రసిద్ధి చెందింది.