Weekly Horoscope: ఈ వారం మీ రాశిఫలం (నవంబరు 10 - నవంబరు 16)

Weekly Horoscope in Telugu, November 10 to 16, 2024: ఈ వారం మీ రాశి ఫలాలు ఎలా ఉన్నాయంటే.

మేషం

అభీష్టాలు నెరవేరతాయి. అన్ని సందర్భాల్లోనూ అదృష్టం తోడుగా ఉంటుంది. కొత్త పరిచయాలు ఏర్పడతాయి. శత్రువుల పీడ తొలగిపోతుంది. విద్యారంగంలోని వారికి శుభప్రదంగా ఉంటుంది. ఇతరుల నుంచి సంపూర్ణ సహకారం లభిస్తుంది. సంతాన సంబంధ శుభ కార్యాల గురించి ఆలోచిస్తారు. బంధువులతో కలిసి విందుకు హాజరవుతారు. చక్కటి వ్యక్తిత్వంతో పెద్దలను మెప్పిస్తారు. తెలివితేటలకు తగిన గుర్తింపు లభిస్తుంది. వృథా ఖర్చులను తగ్గించుకోవాలి. అనవసర వ్యవహారాల్లో జోక్యం వద్దు. ప్రయాణాల్లో జాగ్రత్త.

పరిహారం: శ్రీ లక్ష్మీవేంకటేశ్వరస్వామిని పూజించండి. బంగారు రంగు కలిసిన వస్త్రాలను ధరించండి.

వృషభం

అన్ని రంగాల్లోని వారికీ అనుకూలమైన వారమిది. ఇష్టకార్యాలన్నీ నెరవేరతాయి. ఇతరులతో విరోధంలో మీరే విజేతలుగా నిలుస్తారు. అధికారులు, పెద్దల మన్ననలను పొందుతారు. కొత్త బాధ్యతలను స్వీకరిస్తారు. మెలకువలతో వృత్తిలో రాణిస్తారు. కొత్త పరిచయాలు లాభసాటిగా ఉంటాయి. రుణ విముక్తి యత్నాలు అనుకూలిస్తాయి. ఆత్మవిశ్వాసం పెరుగుతుంది. ఆరోగ్యం మెరుగ్గా ఉంటుంది. కుటుంబ వ్యవహారాలు సంతృప్తినిస్తాయి. కోర్టు వ్యవహారాలను నిర్లక్ష్యం చేయకండి. దూర ప్రయాణాల్లో జాగ్రత్త. ఖర్చు తగ్గించాలి.

పరిహారం: పార్వతీదేవిని పూజించండి. కుంకుమ రంగు కలిసి వస్త్రాలను ధరించండి.

మిథునం

యత్న కార్యాలన్నీ సఫలం అవుతాయి. ఆశించిన ప్రయోజనాలు నెరవేరతాయి. ఉద్యోగులకు అత్యంత యోగదాయకంగా ఉంటుంది. మీ కృషిని అధికారులు గుర్తిస్తారు. మేలిమి అవకాశాలు కల్పిస్తారు. సద్వినియోగం చేసుకోండి. పోటీల్లో విజయం సాధిస్తారు. విదేశాలు లేదా దూర ప్రాంతాల్లో స్థిర నివాసం కోసం చేసే ప్రయత్నాలు అనుకూలిస్తాయి. కుటుంబ సౌఖ్యాన్ని పొందుతారు. రుణ విముక్తి యత్నాలు ఓ కొలిక్కి వస్తాయి. సంతానం తీరుతో విభేదిస్తారు. కడుపులో సమస్య తలెత్తుతుంది. ఆధ్యాత్మిక చింతన పెరుగుతుంది.

పరిహారం: శ్రీ లక్ష్మీనృసింహ స్వామిని పూజించండి. కాషాయం రంగు కలిసిన దుస్తులను ధరించండి.

కర్కాటకం

కార్యసాధనలో ముందడుగు వేస్తారు. వ్యవహారాల్లో విజయం లభిస్తుంది. బంధువుల సహకారం లభిస్తుంది. శుభకార్యాల్లో పాల్గొంటారు. ఉద్యోగుల్లో ఆత్మవిశ్వాసం పెరుగుతుంది. అవకాశాలను చేజార్చుకోరాదు. కుటుంబ సౌఖ్యాన్ని పొందుతారు. గౌరవ మర్యాదలు పెరుగుతాయి. వాహనం నడిపేటప్పుడు జాగ్రత్తగా ఉండండి. తగాదాలకు ఆస్కారముంది. ఇతరుల వ్యవహారాల్లో జాగ్రత్త. ఉద్రేకం కారణంగా, మానసిక చిక్కులు వస్తాయి. తండ్రితో సఖ్యత చెడుతుంది. ఇంటికి దూరంగా వెళతారు. కోర్టు వ్యవహారాల్లో నిర్లక్ష్యం తగదు.

పరిహారం: శ్రీ సుబ్రహ్మణ్యస్వామిని పూజించండి. లేత పసుపు రంగు కలిసిన దుస్తులను ధరించండి.

సింహం

పనులు సవ్యంగా సాగుతాయి. ఆర్థిక లావాదేవీలు సంతృప్తినిస్తాయి. జీవిత భాగస్వామి సూచనలు మేలు చేస్తాయి. బంధువులతో విందులకు హాజరవుతారు. ప్రయాణాలు లాభసాటిగా ఉంటాయి. ఇతరులతోనూ మంచి సంబంధాలు ఏర్పడతాయి. కొత్త విజ్ఞానాన్ని పొందేందుకు అనుకూలం. స్వేచ్ఛా జీవితంపై ఆసక్తి వృద్ధి చెందుతుంది. తగాదాలకు ఆస్కారముంది. ఇష్టం లేని పనులు చేయాల్సి రావచ్చు. చెడు ఆలోచనలను విడిచి పెట్టాలి. ప్రయాణాల్లో జాగ్రత్త అవసరం. కొంత మేలైన సౌకర్యాలు కలుగుతాయి. వృథా ఖర్చులను తగ్గించాలి.

పరిహారం: గాయత్రీమాతను పూజించండి. ఎర్రటి రంగు కలిసిన దుస్తులను ధరించండి.

కన్య

వ్యవహారాలు విజయవంతంగా సాగుతాయి. అన్ని రంగాల్లోని వారికి శుభప్రదంగా ఉంటుంది. వృత్తులలోని వారికి అధికారుల సహకారం లభిస్తుంది. మిత్రుల తోడ్పాటుతో కీలక వ్యవహారాన్ని జయప్రదం చేస్తారు. కొత్త వస్తువులను కొంటారు. కుటుంబ వ్యవహారాల్లో జీవిత భాగస్వామి సూచనలను పాటించండి. శారీరక, మానసిక సౌఖ్యం లభిస్తుంది. విజ్ఞానాన్ని పెంపొందించుకునేందుకు అనువుగా ఉంది. బంధాలు బలపడతాయి. భాగస్వామ్య వ్యవహారాలు తృప్తికరంగా సాగుతాయి. అనవసర పోటీలకు దిగకండి. ఆరోగ్యం జాగ్రత్త.

పరిహారం : శ్రీ దత్తాద్రేయ స్వామిని పూజించండి. తెల్లటి రంగు కలిసిన దుస్తులను ధరించండి.

తుల

అభీష్టం నెరవేరుతుంది. వ్యవహారాలు విజయవంతంగా సాగుతాయి. వృత్తి ఉద్యోగాల్లో శుభ ఫలితాలను పొందుతారు. ఆర్థిక స్థితి మెరుగ్గా ఉంటుంది. కొత్త వస్తువులను కొంటారు. బంధువుల సహకారం లభిస్తుంది. కీర్తి పెరుగుతుంది. ప్రత్యర్థులపై విజయం సాధిస్తారు. అపార్థాలు తొలగిపోతాయి. కోర్టు వ్యవహారాలు అనుకూలంగా సాగుతాయి. ప్రయాణాలు లాభసాటిగా ఉంటాయి. జీవిత భాగస్వామితో సఖ్యత పెరుగుతుంది.

సంతానం తీరు చికాకు పెడుతుంది. నిరాశ, అనుమానాలను వదిలిపెట్టాలి. వృథా ఖర్చులను బాగా తగ్గించాలి.

పరిహారం: శ్రీ సూర్యభగవానుడిని ఆరాధించండి. తెల్లటి రంగు కలిసిన దుస్తులను ధరించండి.

వృశ్చికం

చేస్తున్న పనులు విజయవంతంగా సాగుతాయి. స్వస్థాన ప్రాప్తి ఉంది. ధర్మమార్గంలో పయనిస్తారు. కీర్తి ప్రతిష్టలు పెరుగుతాయి. బంధుమిత్రుల సహాయ సహకారాలు లభిస్తాయి. బలహీనతలను జయిస్తారు. ఆరోగ్యం మెరుగ్గా ఉంటుంది. ప్రత్యర్థులపై విజయం సాధిస్తారు. స్థిరాస్తి కొనుగోలు ప్రయత్నాలు వాయిదా వేయండి. బంధాలు చెడిపోయే సూచన ఉంది. ఆత్మీయులతో చేసే వ్యవహారాల్లో జాగ్రత్తగా ఉండండి. బద్ధకాన్ని వదిలించుకోండి. ప్రేమ వ్యవహారాలు వేదనను కలిగిస్తాయి. వాత సంబంధ సమస్యలు వేధిస్తాయి.

పరిహారం: శ్రీ శనైశ్చరుడికి నువ్వుల నూనెతో అభిషేకం చేయండి. నల్లటి రంగు కలిసిన దుస్తులు ధరించండి.

ధనుస్సు

పనులు సజావుగా సాగుతాయి. సాహసోపేతమైన మీ నాయకత్వ లక్షణాలకు గుర్తింపు లభిస్తుంది. అన్ని వైపులా మంచే జరుగుతుంది. ఆత్మవిశ్వాసం పెరుగుతుంది. తోబుట్టువుల సహాయ సహకారాలు ఆనందాన్నిస్తాయి. ముఖ్యమైన సమాచారం అందుతుంది. ఇరుగు పొరుగు, సహచరులతో సత్సంబంధాలు ఏర్పడతాయి. ప్రయాణాలు లాభసాటిగా ఉంటాయి. తల్లి ఆరోగ్యంపై శ్రద్ధ వహించాలి. వృథా ఖర్చులు తగ్గించుకోవాలి. విద్యారంగంలోని వారు అప్రమత్తంగా ఉండాలి. విలువైన వస్తువులు, డాక్యుమెంట్లు జాగ్రత్త.

పరిహారం: శివుణ్ణి పూజించండి. ఊదా రంగు కలిసిన దుస్తులను ధరించండి.

మకరం

ప్రయత్నపూర్వకంగా చేసే పనులు విజయవంతం అవుతాయి. వస్త్రాభరణాలను కొంటారు. కీలక వ్యవహారంలో విజయం లభిస్తుంది. సోదరులు తోడుగా నిలుస్తారు. ఆత్మవిశ్వాసం పెరుగుతుంది. ఆదాయం మెరుగ్గానే ఉంటుంది. ఆత్మీయ వ్యక్తులను కలుస్తారు. తొందరపాటు నిర్ణయాలు వద్దు. కీలక సమయంలో తోబుట్టువుల సూచనలు మేలు చేస్తాయి. ఎవరికీ హామీలు ఇవ్వకండి. నోటిదురుసు తగ్గించుకోవాలి. ఆస్తి వ్యవహారాలను వాయిదా వేయండి. వాహన సంబంధ చిక్కులుంటాయి. సేవా రంగంలోని జాగ్రత్తగా ఉండాలి.

పరిహారం: శ్రీఆంజనేయ స్వామిని పూజించండి. సిందూరపు రంగు కలిసిన దుస్తులను ధరించండి.

కుంభం

మేలిమి కాలమిది. చేపట్టిన ప్రతి కార్యమూ సఫలమవుతుంది. నాయకత్వ లక్షణానికి గుర్తింపు లభిస్తుంది. అదృష్టం కూడా తోడవుతుంది. నిరుద్యోగులకు శుభవార్త అందుతుంది. ఉన్నత స్థాయికి ఎదగాలనే ఆకాంక్ష నెరవేరే పరిస్థితులున్నాయి. కీర్తి ప్రతిష్టలు పెరుగుతాయి. కుటుంబ పరిస్థితులు ఆనందంగా ఉంటాయి. తోబుట్టువుల చిక్కులను పరిష్కరిస్తారు. దాయాదుల వ్యవహారాలు మీకు అనుకూలంగా ఉంటాయి. ప్రయాణం లాభిస్తుంది. అకారణ విరోధాలకు ఆస్కారముంది. మనశ్శాంతి లోపిస్తుంది. ఖర్చు తగ్గించాలి.

పరిహారం: నవగ్రహాలకు ప్రదక్షిణలు చేయండి. వంకాయ రంగు కలిసిన దుస్తులను ధరించండి.

మీనం

స్వల్పంగా ఆటంకాలు ఎదురైనా, వ్యవహారాలు సజావుగా సాగుతాయి. ధనలాభం ఉంది. ఉద్యోగులకు శుభప్రదంగా ఉంటుంది. వ్యాపార రంగంలోని వారికి స్వల్ప చికాకులు ఎదురవుతాయి. కుటుంబ వ్యవహారాలు ఆనందాన్నిస్తాయి. సంతానం పురోభివృద్ధిలోకి రావడం సంతోషాన్నిస్తుంది. బాల్య స్నేహితులతో వినోదంగా గడుపుతారు. కీర్తి పెరుగుతుంది. అదృష్టం తోడుగా ఉంటుంది. బ్యాంకు లావాదేవీల్లో జాగ్రత్త. కోర్టు వివాదాలను నిర్లక్ష్యం చేయకండి. బంధువుల వైద్యం కోసం ఖర్చు చేయాల్సి రావచ్చు. వృథా ఖర్చులొద్దు.

పరిహారం: శ్రీగణపతిని పూజించండి. లేత ఆకుపచ్చ రంగు కలిసిన దుస్తులను ధరించండి.