Telugu Horoscope Today 21st September 2024: నేటి రాశి ఫలాలు.. 12 రాశుల ఫలితాలు ఇలా

21-09-2024 (శనివారం)

కాలాదులు: శ్రీ క్రోధి నామ సంవత్సరం, భాద్రపద మాసం, దక్షిణాయనం, వర్ష రుతువు, కృష్ణ పక్షం

తిధి : చవితి సాయంత్రం గం.6.13 ని.ల వరకు ఆ తర్వాత పంచమి

నక్షత్రం: భరణి అర్ధరాత్రి గం.12.36 ని.ల వరకు ఆ తర్వాత కృత్తిక

అమృతఘడియలు: రాత్రి గం.8.13 ని.ల నుంచి గం.9.41 ని.ల వరకు

వర్జ్యం: ఉదయం గం.11.28 ని.ల నుంచి మధ్యాహ్నం గం.12.55 ని.ల వరకు

దుర్ముహూర్తం : ఉదయం గం.6.05 ని.ల నుంచి గం.7.42 ని.ల వరకు

రాహుకాలం: ఉదయం గం.9.07 ని.ల నుంచి గం. 10.38 ని.ల వరకు

సూర్యోదయం: తె.వా. గం. 6.05 ని.లకు

సూర్యాస్తమయం: సా. గం. 6.13 ని.లకు

మేషం :

ప్రయత్నాలు సఫలమవుతాయి. జ్ఞానాన్ని వృద్ధి చేసుకోవడానికి అనువైన రోజు. ఆకస్మిక ధనలాభం ఉంది. ప్రత్యర్థులపై విజయం సాధిస్తారు. సామాజిక బాధ్యతను నిర్వర్తిస్తారు. తెలివితేటలకు గుర్తింపు లభిస్తుంది.

వృషభం :

వ్యవహారాల్లో నష్టం గోచరిస్తోంది. మనసు కలతబారుతుంది. వేరే వ్యక్తులతో జాగ్రత్తగా మెలగండి. అనవసర ప్రయాణాలు వద్దు. అప్పు చేయాల్సి వస్తుంది. కోర్టు వ్యవహారాల్లో నిర్లక్ష్యం తగదు. నిద్రలేమి వేధిస్తుంది.

మిథునం :

ఆకాంక్ష నెరవేరుతుంది. ప్రతిపనీ సఫలం అవుతుంది. ఆకస్మిక ధనలాభం ఉంది. స్పెక్యులేషన్స్ ఫలిస్తాయి. మేనమామ వల్ల లబ్దిని పొందుతారు. స్థలం కొనుగోలు యత్నాలు చేస్తారు. వినోద కార్యాల్లో పాల్గొంటారు.

కర్కాటకం:

పనులు విజయవంతం అవుతాయి. ఆర్థిక లబ్ది చేకూరుతుంది. పుణ్యకార్యాల్లో పాల్గొంటారు. మనోనిగ్రహం పెరుగుతుంది. అధికారుల ప్రశంసలు పొందుతారు. మిత్రుల సమస్యలు పరిష్కరిస్తారు. కీర్తి పెరుగుతుంది.

సింహం :

పిత్రార్జిత ఆస్తి కోసం చేసే ప్రయత్నాల్లో కదలిక ఉంటుంది. దూర ప్రయాణం గోచరిస్తోంది. ఉన్నత విద్య కోసం చేసే ప్రయత్నం అనుకూలిస్తుంది. గురువులను కలుస్తారు. ఆధ్యాత్మిక అంశాలపై ఆసక్తి పెరుగుతుంది.

కన్య :

నిర్దేశించుకున్న రీతిలో పనులు సాగవు. వారసత్వ సంపద గురించిన ప్రయత్నాలు అనుకూలించవు. శత్రు పీడ పెరుగుతుంది. తగాదాలకు దూరంగా ఉండండి. వేళకు భోజనం ఉండదు. ఆరోగ్యంపై శ్రద్ధ వహించండి.

తుల :

పనులు సవ్యంగా సాగుతాయి. ఆర్థిక వ్యవహారాలు లాభసాటిగా ఉంటాయి. అంతర్గత ఆనందం వృద్ధి చెందుతుంది. జీవిత భాగస్వామి తోడ్పాటు లభిస్తుంది. ప్రయాణం లాభిస్తుంది.నిజాయితీకి గుర్తింపుంటుంది.

వృశ్చికం :

ఆశించిన పని పూర్తవుతుంది. అడ్డంకులను తేలిగ్గా దాటేస్తారు. ఆర్థిక లబ్ది ఉంది. బంధువులు తోడుగా ఉంటారు. అపార్థాలు తొలగిపోతాయి. పోటీల్లో గెలుస్తారు. కొత్త వస్తువులు కొంటారు. గౌరవం పెరుగుతుంది.

ధనుస్సు :

ప్రతి పనికీ అడ్డంకులొస్తాయి. బద్ధకం విడిచిపెట్టాలి. ఆలోచన తీరును సరిచేసుకోవాలి. ఇతరుల వ్యవహారాల్లో జోక్యం తగదు. విలువైన వస్తువులు, డాక్యుమెంట్లు భద్రంగా ఉంచుకోవాలి. వాత సంబంధసమస్యలొస్తాయి.

మకరం :

పని ఒత్తిడి పెరుగుతుంది. డబ్బుకీ ఇబ్బందిగా ఉంటుంది. స్థలం కొనే ప్రయత్నం ఫలించదు. బంధువిరోధం, అవమానం గోచరిస్తున్నాయి. ఒంటరిగా గడిపేందుకు ఇష్టపడతారు. శ్వాస సంబంధ సమస్య రావచ్చు.

కుంభం :

నాయకత్వ పటిమను చూపుతారు. మీ సాహసోపేత నిర్ణయానికి ప్రశంసలు లభిస్తాయి. ఆర్థికంగా విశేష లాభం ఉంటుంది. ఆత్మీయులను కలుస్తారు. తోబుట్టువుల విషయాలపై శ్రద్ధ పెడతారు. మనశ్శాంతి లభిస్తుంది.

మీనం :

మనసులోని భావాన్ని సక్రమంగా చెప్పలేక పోతారు. అకారణ విరోధం వస్తుంది. ఆర్థిక లావాదేవీల్లో నిజాయితీగానే ఉన్నా ముందు చూపు లేక నష్టపోతారు. అనవసర జోక్యం వద్దు. ఎవరికీ పూచీలు ఇవ్వకండి.