Horoscope Today: నేటి మీ రాశి ఫలాలు ఇలా (11/11/2024)

Telugu Horoscope Today, November 11, 2024: నేటి రాశి ఫలాలు..12రాశుల వారికి సోమవారం నాటి రాశిఫలాలు.

కాలాదులు: శ్రీ క్రోధి నామ సంవత్సరం, కార్తీక మాసం, దక్షిణాయనం, శరదృతువు, శుక్ల పక్షం

తిధి: దశమి సాయంత్రం గం.6.46 ని.ల వరకు ఆ తర్వాత ఏకాదశి

నక్షత్రం: శతభిషం ఉదయం గం. 9.40 ని.ల వరకు ఆ తర్వాత పూర్వాభాద్ర

అమృతఘడియలు: అర్ధరాత్రి గం.12.28 ని.ల నుంచి గం.1.57 ని.ల వరకు

వర్జ్యం: మధ్యాహ్నం గం.3.35 ని.ల నుంచి గం.5.04 ని.ల వరకు

దుర్ముహూర్తం: మధ్యాహ్నం గం.12.23 ని.ల నుంచి గం.1.08 ని.ల వరకు మళ్లీ మధ్యాహ్నం గం.2.39ని.ల నుంచి గం.3.25 ని.ల వరకు

రాహుకాలం: ఉదయం గం.7.44 ని.ల నుంచి గం.9.10 ని.ల వరకు

సూర్యోదయం: తె.వా. గం. 6.19 ని.లకు

సూర్యాస్తమయం: సా. గం.5.41 ని.లకు

మేషం

అన్ని రకాల పనులూ లాభసాటిగా ఉంటాయి. ఆకాంక్ష నెరవేరుతుంది. నూతన వస్తువులను సేకరిస్తారు. ఆర్థిక లావాదేవీలు తృప్తినిస్తాయి. శుభకార్యాల్లో పాల్గొంటారు. పెద్దవారిని కలిసి ఆశీస్సులను పొందుతారు.

వృషభం

పనులు ఆశించిన రీతిలో సాగుతాయి. అన్ని ప్రయత్నాలూ సఫలం అవుతాయి. అవకాశాలు అందివస్తాయి. కొత్త బాధ్యతలను స్వీకరిస్తారు. పోటీల్లో విజయం సాధిస్తారు. గౌరవం పెరుగుతుంది.మనశ్శాంతి లభిస్తుంది.

మిథునం

కొద్దిపాటి ఆటంకాలు ఎదురైనా పనులు సజావుగా పూర్తి చేస్తారు. మిత్రులు తోడుగా నిలుస్తారు. సంతానం తీరు చికాకు పెడుతుంది. ఉద్యోగులు బాధ్యతతో మెలగాలి. ఉదర సంబంధ సమస్య వచ్చే అవకాశముంది.

కర్కాటకం

వ్యవహారాలన్నింట్లోనూ అప్రమత్తంగా ఉండాలి. తగాదాలకు ఆస్కారముంది. ఉద్యోగులు, అధికారుల కోపానికి గురయ్యే సూచన ఉంది. ఇష్టం లేని పని చేయాల్సి వస్తుంది. పైత్య సంబంధ సమస్య ఉంటుంది.

సింహం

అన్ని కార్యాలూ జయప్రదం అవుతాయి. ఆర్థిక లావాదేవీలు లాభసాటిగా ఉంటాయి. బంధాలు బలపడతాయి. ప్రయాణం లాభిస్తుంది. జీవిత భాగస్వామితో సఖ్యత ఉంటుంది. బంధువులతో విందుకు హాజరవుతారు.

కన్య

అభీష్టం నెరవేరుతుంది. స్వస్థానప్రాప్తి ఉంది. వివాదాలు పరిష్కారమవుతాయి. అదృష్టం తోడుంటుంది. కీలక వేళ బంధు, మిత్రుల సహకారం లభిస్తుంది. పోటీల్లో విజయాన్ని పొందుతారు. ఆరోగ్యం బావుంటుంది.

తుల

వ్యవహారాల్లో అప్రమత్తంగా ఉండాలి. అనవసర విషయాల్లో జోక్యాల వల్ల విరోధం పెరుగుతుంది. ముఖ్యమైన ప్రయత్నం విఫలం కావడం వేదనను కలిగిస్తుంది. వృథా ఖర్చులను తగ్గించాలి. అనుమానాన్ని వదిలిపెట్టాలి.

వృశ్చికం

పనులు అనుకున్నట్లుగా సాగవు. కీలక వ్యవహారం చెడిపోయే వీలుంది. బుద్ధి నిలకడ లోపిస్తుంది. ఆత్మీయులతోనే గొడవలొస్తాయి. డబ్బుకి ఇబ్బందిగా ఉంటుంది. అందరినీ గుడ్డిగా నమ్మకపోవడం మంచిది.

ధనుస్సు

పనులు సజావుగా సాగుతాయి. ఆర్థిక లావాదేవీలు ఉత్సాహాన్నిస్తాయి. సోదరుల వల్ల లబ్ది కలుగుతుంది. కుటుంబ సౌఖ్యం లభిస్తుంది. నాయకత్వ పటిమకు గుర్తింపు ఉంటుంది. కీలక కమ్యూనికేషన్ అందుతుంది.

మకరం

తొందరపడి ఎవరికీ హామీలు ఇవ్వకండి. నిందలు భరించాల్సి వస్తుంది. వేళకు భోజనముండదు. ఆర్థిక లావాదేవీల్లో జాగ్రత్త. మీ సూచనలకు పెద్దగా గుర్తింపు ఉండదు. ఆస్తి వ్యవహారాలు బెడిసి కొట్టే సూచన ఉంది.

కుంభం

కార్యాలన్నీ సఫలం అవుతాయి. వ్యక్తిత్వానికి తగ్గ గుర్తింపు లభిస్తుంది. ఉద్యోగులకు మేలిమి కాలం. కుటుంబంతో ఆనందంగా గడుపుతారు. విందులో పాల్గొంటారు. మానసిక స్థితి ఉత్సాహకరంగా ఉంటుంది.

మీనం

వ్యవహారాలు ఆశించినట్లుగా సాగవు. ఆర్థిక చికాకులుంటాయి. అనవసర జోక్యాలు వద్దు. ఇంటికి దూరంగా వెళ్లే సూచన ఉంది. వేళకు భోజనముండదు. కోర్టు వ్యవహారాల్లో జాగ్రత్త. మిత్రుల తీరు కలవర పరుస్తుంది.