Today Horoscope in Telugu: ఆ రాశి వారికి ఆకస్మిక ధనలాభం..12 రాశుల ఫలితాలు ఇలా.. 11 July 2024

11-07-2024 (గురువారం)

కాలాదులు: శ్రీ క్రోధి నామ సంవత్సరం, ఆషాఢ మాసం, ఉత్తరాయణం, గ్రీష్మ రుతువు, శుక్ల పక్షం

తిధి : పంచమి ఉ.గం.10.03 ని.లకు ఆ తర్వాత షష్ఠి

నక్షత్రం: పుబ్బ మధ్యాహ్నం గం.1.04 ని.ల వరకు ఆ తర్వాత ఉత్తర

అమృతఘడియలు: ఉదయం గం.5.55 ని.ల నుంచి గం.7.42 ని.లకు

వర్జ్యం: రాత్రి గం.9.11 ని.ల నుంచి గం.11.00 ని.ల వరకు

దుర్ముహూర్తం : ఉదయం గం.10.11 ని.ల నుంచి గం.11.03 ని.లకు తిరిగి మధ్యామ్నం గం.3.25 ని.ల నుంచి గం.4.17 ని.ల వరకు

రాహుకాలం : మధ్యాహ్నం గం.02.00 ని.ల నుంచి గం.గం.3.38 ని.ల వరకు

సూర్యోదయం : తెవా. గం.5.49 ని.లకు

సూర్యాస్తమయం : సా. గం.6.55 ని.లకు

మేషం :

సంతానం తీరు చికాకు పరుస్తుంది. మీ తెలివితేటలకు తగిన గుర్తింపు లభించదు. పనుల్లో ఆటంకాలు మనోవ్యధకు కారణమవుతాయి. అనుమానాలు పెరుగుతాయి. సాంత్వనకు సూర్యుణ్ణి ఆరాధించండం మేలు.

వృషభం :

పనుల్లో అడ్డంకులుంటాయి. లక్ష్య సాధనలో వెనుకబడడం ఆందోళనను కలిగిస్తుంది. స్థిరాస్తి రంగంలోని వారు చాలా జాగ్రత్తగా ఉండాలి. అప్రమత్తంగా లేకుంటే భారీ నష్టం తప్పదు. కుమారస్వామిని పూజించండి.

మిథునం :

ఆత్మ విశ్వాసంతో చేపట్టే ప్రతి పనీ విజయవంతం అవుతుంది. ఆస్తి వ్యవహారంలో సోదరులు అండగా నిలుస్తారు. కుటుంబ వ్యవహారాలు తృప్తినిస్తాయి. కీలక సమాచారం అందుతుంది. ఆదాయం బావుంటుంది.

కర్కాటకం:

బ్యాంకు లావాదేవీలు ప్రతికూలంగా ఉంటాయి. ఇతరులను నమ్మి మోసపోయే సూచన ఉంది. అనవసర వ్యవహారాల్లో తలదూర్చకండి. ఎవరితోనైనా సంయమనంతో మాట్లాడండి. ఆరోగ్యం మీద శ్రద్ధ పెట్టండి.

సింహం :

ప్రతి రంగంలోని వారికీ శుభప్రదంగా ఉంటుంది. డబ్బు సమస్యలుండవు. అభీష్టాలు నెరవేరతాయి. కొత్త విషయాలు తెలుస్తాయి. నూతన బాధ్యతలు చేపడతారు. గౌరవం పెరుగుతుంది. ఉత్సాహంగా గడుపుతారు.

కన్య :

పనులు అనుకున్న స్థాయిలో జరగవు. కలవరం కలుగుతుంది. అనవసర ప్రయాణాలు వద్దు. వేళకు భోజనం ఉండదు. ఆరోగ్యంపై శ్రద్ధ పెట్టండి. వాహనాలు నడిపేటప్పుడు జాగ్రత్త. శివపార్వతులను పూజించండి.

తుల :

సంతోషంగా గడుపుతారు. కార్యసాధనలో అందరి సహకారం లభిస్తుంది. కొత్త పరిచయాలు ఏర్పడతాయి. గృహోపకరణాలు కొంటారు. వ్యవహారాలు పురోభివృద్ధి దిశగా సాగుతాయి. ఆరోగ్యం మెరుగ్గా ఉంటుంది.

వృశ్చికం :

పోటీలో విజేతగా నిలుస్తారు. ఇష్టమైన పనిని పూర్తి చేస్తారు. ఉద్యోగులు అధికారుల దృష్టిలో పడతారు. అవకాశాన్ని దుర్వినియోగం చేయకండి. ఇంట్లో అనుకూల వాతావరణం ఉంటుంది. గౌరవం పెరుగుతుంది.

ధనుస్సు :

భవిష్యత్తు గురించిన ఆలోచనలుచేస్తారు. బలహీనతలను బయటపెట్టకండి. వృత్తిలో ప్రతికూల ఫలితాలు ఉంటాయి. ఇంటికి దూరంగా వెళ్లాల్సి వస్తుంది. ఆధ్యాత్మిక కార్యాల్లో పాల్గొనడం సాంత్వననిస్తుంది.

మకరం :

అనుకున్న రీతిలో పనులు సాగవు. కొందరిపై అకారణ ద్వేషం పెంచుకుంటారు. నచ్చని పనిని చేయాల్సి వస్తుంది. విపరీత ధోరణి మంచిది కాదు. వాహనాలు నడిపేటప్పుడు జాగ్రత్త. ఆంజనేయుణ్ణి పూజించండి.

కుంభం :

ఉద్యోగులు రివార్డులను అందుకుంటారు. భాగస్వామ్య వ్యవహారాలు లాభిస్తాయి. సహచరులతో బంధం దృఢపడుతుంది. జీవిత భాగస్వామితో సఖ్యత పెరుగుతుంది. వినోదాల్లో పాల్గొంటారు. కీర్తి పెరుగుతుంది.

మీనం :

కార్యజయం ఉంది. అభీష్టం నెరవేరుతుంది. ధనలాభం ఉంది. రుణ విముక్తి ప్రయత్నాలు కొలిక్కి వస్తాయి. శత్రుపీడ తగ్గుతుంది. ఆరోగ్యం మెరుగ్గా ఉంటుంది. స్వస్థాన ప్రాప్తి ఉంది. పుణ్య కార్యాల్లో పాల్గొంటారు.