రాశిఫలం 26-12-2024 (గురువారం)

రాశిఫలం

26-12-2024 (గురువారం)

కాలాదులు: శ్రీ క్రోధి నామ సంవత్సరం, మార్గశిర మాసం, దక్షిణాయనం, హేమంత రుతువు, కృష్ణ పక్షం

తిధి : ఏకాదశి ఇవాళ అర్ధరాత్రి గం.12.43 ని.ల వరకు ఆ తర్వాత ద్వాదశి

నక్షత్రం: స్వాతి సాయంత్రం గం.6.09 ని.ల వరకు ఆ తర్వాత విశాఖ

అమృతఘడియలు: ఉదయం గం.8.20 ని.ల నుంచి గం.10.07 ని.ల వరకు

వర్జ్యం: ఇవాళ అర్ధరాత్రి గం.12.18 ని.ల నుంచి గం.2.03 ని.ల వరకు

దుర్ముహూర్తం : ఉదయం గం.10.26 ని.ల నుంచి గం.11.10 ని.ల వరకు మళ్లీ మధ్యాహ్నం గం.2.52 ని.ల నుంచి గం.3.37 ని.ల వరకు

రాహుకాలం : మధ్యాహ్నం గం.1.40 ని.ల నుంచి గం.3.03 ని.ల వరకు

సూర్యోదయం : తె.వా. గం. 6.43 ని.లకు

సూర్యాస్తమయం :సా. గం. 5.48 ని.లకు

మేషం :

పనులు ఆశించిన స్థాయిలో జరుగుతాయి. వివిధ సౌఖ్యాలను పొందుతారు. బంధువులను కలుస్తారు. నూతన పరిచయాలు ఏర్పడతాయి. కొత్త విషయాలు తెలుస్తాయి. ప్రయాణం లాభిస్తుంది. వాహనయోగం ఉంది.

వృషభం :

అడ్డంకులను అవలీలగా దాటేస్తారు. చేపట్టిన పనిని దిగ్విజయంగా పూర్తి చేస్తారు. ఆర్థిక లబ్ది చేకూరుతుంది. శారీరక సౌఖ్యం లభిస్తుంది. కోర్టు వ్యవహారాలు అనుకూలిస్తాయి. పోయిందనుకున్న వస్తువు దొరుకుతుంది.

మిథునం :

కార్య నిర్వహణ సామర్థ్యం సన్నగిల్లుతుంది. బద్ధకం కూడా తోడవడంతో ఆశించిన ఫలితం లభించదు. వాత సంబంధ సమస్య వస్తుంది. ప్రేమ వ్యవహారాల్లో జాగ్రత్త. సంతానం తీరు బాధిస్తుంది. గురువులను కలుస్తారు.

కర్కాటకం:

పనులు ఆశించిన రీతిలో జరగవు. మానసిక ఒత్తిడి పెరుగుతుంది. వృథా ఖర్చులను నియంత్రించాలి. తల్లివైపు బంధువుల గురించిన వర్తమానం అందుతుంది. కుటుంబ వ్యవహారాల్లో జాగ్రత్త. ఆస్తి అమ్మే ప్రయత్నం వద్దు.

సింహం :

పట్టుదలతో పనులను పూర్తి చేస్తారు. అన్ని వర్గాల సహకారం లభిస్తుంది. ధైర్యసాహసాలను ప్రదర్శిస్తారు. ఆదాయం పెరుగుతుంది. బోళాతనం మంచిది కాదు. సామర్థ్యానికి గుర్తింపు లభిస్తుంది. శుభవార్తను వింటారు.

కన్య :

పనులకు ఆటంకాలు ఎదురవుతాయి. మనసులోని భావాన్ని స్పష్టంగా చెప్పలేక పోతారు. ఇతరుల వల్ల ఇబ్బందులొస్తాయి. అకారణ విరోధం ఉంది. కుటుంబంలో చికాకులు వస్తాయి. కంటి సమస్య ఉంటుంది.

తుల :

ఉన్నత స్థానం చేరేందుకు చేసే ప్రయత్నం అనుకూలిస్తుంది. చక్కటి అవకాశం అందిస్తుంది. బంధువులతో విందుకు హాజరవుతారు. మానసిక స్థితి ఉత్సాహంగా ఉంటుంది. కీర్తిప్రతిష్టలు పెరుగుతాయి. ధనలాభముంది.

వృశ్చికం :

వ్యవహారాల్లో నష్టం సంభవిస్తుంది. మానసిక దిగులు ఏర్పడుతుంది. బంధువులతో సఖ్యత చెడుతుంది. ఇతరుల కారణంగా ఇబ్బందులు వస్తాయి. దూర ప్రయాణం ఉంది. కోర్టు వ్యవహారాల్లో జాగ్రత్తగా ఉండాలి.

ధనుస్సు :

ప్రయత్నాలు ఫలిస్తాయి. శుభకార్యాల్లో పాల్గొంటారు. సంతాన సంబంధ సౌఖ్యాన్ని ఆస్వాదిస్తారు. కుటుంబ వ్యవహారాలు తృప్తినిస్తాయి. ఇతరుల నుంచి సహకారం లభిస్తుంది. ఆత్మీయులతో విందులో పాల్గొంటారు.

మకరం :

చేపట్టిన ప్రతి కార్యమూ విజయవంతం అవుతుంది. అభీష్టం నెరవేరుతుంది. శుభవార్తను వింటారు. సహచరుల తోడ్పాటు లభిస్తుంది. వృత్తిపర నైపుణ్యానికి తగిన గుర్తింపును పొందుతారు. ప్రత్యర్థులపై విజయం సాధిస్తారు.

కుంభం :

పనులు నత్తనడకన సాగుతాయి. బాధ్యతల నుంచి తప్పుకోవాల్సి రావచ్చు. ఆర్థిక చికాకులు ఉంటాయి. వివాద పరిష్కారానికి ప్రయత్నించాలి. దూర ప్రయాణం గోచరిస్తోంది. అశాంతి, అలసట ఏర్పడతాయి.

మీనం :

ఇష్టం లేని పనిని చేయాల్సి వస్తుంది. నిర్దేశిత రీతిలో వ్యవహారాలు సాగవు. ఆర్థిక సమస్యలు వస్తాయి. కీళ్లకు సంబంధించిన సమస్య ఉంటుంది. తగాదాలకు దూరంగా ఉండండి. చెడు ఆలోచనలను నియంత్రించుకోవాలి.

శుభమస్తు