రాశిఫలం 11-01-2025 (శనివారం)

కాలాదులు: శ్రీ క్రోధి నామ సంవత్సరం, పుష్య మాసం, దక్షినాయనం, హేమంత రుతువు, శుక్ల పక్షం

తిధి : ద్వాదశి ఉదయం గం.8.21 ని.ల వరకు తర్వాత త్రయోదశి రేపు ఉదయం గం.6.33 ని.ల వరకు

నక్షత్రం: రోహిణి మధ్యాహ్నం గం.12.29 ని.ల వరకు ఆ తర్వాత మృగశిర

అమృతఘడియలు: ఉదయం గం.9.27 ని.ల నుంచి గం.10.58 ని.ల వరకు

వర్జ్యం: సాయంత్రం గం.5.50 ని.ల నుంచి రాత్రి గం.7.22 ని.ల వరకు

దుర్ముహూర్తం : ఉదయం గం.6.50 ని.ల నుంచి గం.8.29 ని.ల వరకు

రాహుకాలం : ఉదయం గం. 9.12 ని.ల నుంచి గం.11.04 ని.ల వరకు

సూర్యోదయం : తె.వా. గం. 6.50 ని.లకు

సూర్యాస్తమయం :సా. గం.6.06 ని.లకు

మేషం :

ఆర్థిక వ్యవహారాల్లో జాగ్రత్తగా ఉండండి. మోసపోయే అవకాశం ఎక్కువగా ఉంది. విడాకులకు, రెండో పెళ్లి ప్రయత్నానికి ఇవాళ యోగదాయకం కాదు. అకారణ విరోధం గోచరిస్తోంది. ఇతరులత వ్యవహారాల్లో జాగ్రత్త.

వృషభం :

అన్ని రంగాల వారికీ అనుకూల ఫలితాలుంటాయి. మీ వ్యక్తిత్వానికి ప్రశంసలు లభిస్తాయి. అవసరమైన మేర డబ్బు అందుతుంది. బంధువులతో ఉల్లాసంగా గడుపుతారు. ఆరోగ్యం బావుంటుంది. అదృష్టం వరిస్తుంది.

మిథునం :

ఎవరికీ హామీలు ఇవ్వకండి. ఆర్థిక క్రమశిక్షణ లేకుంటే బాగా ఇబ్బంది పడతారు. తొందరపాటు నిర్ణయాల వల్ల పరిహారం చెల్లించాల్సి వస్తుంది. ఒంటరిగా గడిపే సూచన ఉంది. కోర్టు వ్యవహారాల్లో నిర్లక్ష్యంగా ఉండకండి.

కర్కాటకం:

వ్యవహారాలన్నీ అనుకూలంగా ఉంటాయి. ఆర్థికంగా లాభపడతారు. ప్రత్యర్థులను జయిస్తారు. విందుకు హాజరవుతారు. కొత్త వ్యక్తులతో పరిచయం ఏర్పడుతుంది. సంతాన సంబంధ విషయాలు ఆనందాన్నిస్తాయి.

సింహం :

అభీష్టం నెరవేరుతుంది. స్థిర నిర్ణయాల వల్ల ప్రతి కార్యమూ విజయవంతం అవుతుంది. ఆర్థిక లావాదేవీలు తృప్తినిస్తాయి. కొత్త బాధ్యతలను స్వీకరించే సూచన ఉంది. బంధువులను కలుస్తారు. ప్రశాంతత లభిస్తుంది.

కన్య :

పెద్దలను కలుస్తారు. భవిష్యత్తు చర్యల గురించి చర్చిస్తారు. కీలక నిర్ణయాల్లో ఆచితూచి వ్యవహరించండి. వేధిస్తోన్న ఓ వివాదాన్ని పరిష్కరించుకునేందుకు ప్రయత్నిస్తారు. త్వరగా అలసిపోతారు. ఆరోగ్యం జాగ్రత్త.

తుల :

కార్యనిర్వహణలో అప్రమత్తంగా ఉండాలి. ముఖ్యంగా ఆర్థిక లావాదేవీల్లో జాగ్రత్త. అనుకున్నట్లుగా సౌకర్యాలు సమకూరవు. తగాదాలకు ఆస్కారం ఉంది. పెద్దల కోపానికి గురవుతారు. వాహనం నడిపేటప్పుడు జాగ్రత్త.

వృశ్చికం :

అన్ని పనులూ సవ్యంగా జరుగుతాయి. అవసరానికి సరిపడా డబ్బు అందుతుంది. ప్రయాణం లాభిస్తుంది. కొత్త విషయాలను గ్రహిస్తారు. నిజాయితీకి తగ్గ గుర్తింపు లభిస్తుంది. సంతాన వ్యవహారాలు తృప్తినిస్తాయి.

ధనుస్సు :

శుభ ఫలితాలను పొందుతారు. ఆదాయం పెరుగుతుంది. కొత్త వస్తువులను కొంటారు. బంధువులను కలుస్తారు. శుభకార్యాల గురించిన చర్చ జరుగుతుంది. కీర్తి ప్రతిష్టలు పెరుగుతాయి. అపార్థాలు తొలగుతాయి.

మకరం :

అనుమానాలను వదిలేయండి. చిత్తశుద్ధితో చేసే ప్రతి పనీ విజయవంతం అవుతుంది. ఆలోచనలను అదుపులో ఉంచండి. బద్ధకించకండి. సంతానం తీరు కలవర పరుస్తుంది. అభీష్టం నెరవేరదు. వృథా ఖర్చులు తగ్గించాలి.

కుంభం :

పనులు సవ్యంగా సాగవు. డబ్బుకి సంబంధించిన చికాకులూ తలెత్తుతాయి. మానసిక ఒత్తిడికి గురవుతారు. రహస్యాలను బయటపెట్టకండి. తల్లి ఆరోగ్యం జాగ్రత్త. బుద్ధి నిలకడగా ఉండదు. ప్రయాణంలో జాగ్రత్త.

మీనం :

కీలక సమాచారం ఆనంద పరుస్తుంది. వ్యవహారాల్లో విశేష లాభాన్ని పొందుతారు. మిత్రులు తోడుంటారు. సోదరుల సమస్యను పరిష్కరిస్తారు. ఆత్మవిశ్వాసం పెరుగుతుంది. ఆత్మీయులతో గడపడం ఉత్తేజాన్నిస్తుంది.

శుభమస్తు