Horoscope Today: నేటి మీ రాశి ఫలాలు ఇలా (18/11/2024)

Horoscope Today Telugu, 18 November 2024: నేటి రాశి ఫలాలు..12 రాశుల వారికి సోమవారం నాటి రాశిఫలాలు.

కాలాదులు: శ్రీ క్రోధి నామ సంవత్సరం, కార్తీక మాసం, దక్షిణాయనం, శరదృతువు, కృష్ణ పక్షం.

తిధి: తదియ సాయంత్రం గం.6.55 ని.ల వరకు ఆ తర్వాత చవితి.

నక్షత్రం: మృగశిర మధ్యాహ్నం గం.3.49 ని.ల వరకు ఆ తర్వాత ఆరుద్ర.

అమృతఘడియలు: ఉదయం గం.7.35 ని.ల నుంచి గం.9.05 ని.ల వరకు మళ్లీ రేపు తె.వా. గం.5.18 ని.ల నుంచి గం.6.50 ని.ల వరకు.

వర్జ్యం: రాత్రి గం.11.54 ని.ల నుంచి అర్ధరాత్రి గం.1.27 ని.ల వరకు.

దుర్ముహూర్తం: మధ్యాహ్నం గం.12.24 ని.ల నుంచి గం.1.09 ని.ల వరకు మళ్లీ మధ్యాహ్నం గం.2.39 ని.ల నుంచి గం.3.24 ని.ల వరకు.

రాహుకాలం: ఉదయం గం.7.47 ని.ల నుంచి గం.9.12 ని.ల వరకు.

సూర్యోదయం: తె.వా. గం. 6.23 ని.లకు.

సూర్యాస్తమయం: సా. గం. 5.40 ని.లకు.

మేషం

అన్ని వ్యవహారాలూ జయప్రదంగా సాగుతాయి. ఆర్థిక లావాదేవీలు లాభసాటిగా ఉంటాయి. ఆత్మధైర్యం పెరుగుతుంది. ఇష్టమైన వారిని కలుస్తారు. సోదరులతో సఖ్యత పెరుగుతుంది. కీలక సమాచారం తృప్తినిస్తుంది.

వృషభం

ఆశించిన రీతిలో పనులు సాగవు. బ్యాంకు లావాదేవీల్లో జాగ్రత్త. అకారణ విరోధం ఏర్పడుతుంది. ఇతరుల వ్యవహారాల్లో తలదూర్చకండి. నోటిదురుసును తగ్గించుకుంటే మంచిది. ఎవరికీ పూచీకత్తుగా ఉండకండి.

మిథునం

అన్ని కార్యాలూ సఫలమవుతాయి. ధనలాభం ఉంది. చక్కటి సౌకర్యాలు సమకూరతాయి. కుటుంబ సౌఖ్యాన్ని పొందుతారు. విందుకు హాజరవుతారు. బాల్యస్నేహితులను కలుస్తారు. ఉత్సాహంగా గడుపుతారు.

కర్కాటకం

అన్ని వ్యవహారాల్లో అప్రమత్తంగా ఉండాలి. దూర ప్రయాణం గోచరిస్తోంది. కోర్టు వ్యవహారాలను నిర్లక్ష్యం చేయకండి. మిత్రులతోనూ విరోధం గోచరిస్తోంది. బాధ్యతల నుంచి తప్పుకోవాల్సి వస్తుంది. బద్ధకాన్ని వీడాలి.

సింహం

శుభకార్యాల్లో పాల్గొంటారు. ప్రయత్నాలన్నీ సఫలం అవుతాయి. ఆర్థిక లావాదేవీలు ఆనందాన్నిస్తాయి. బంధువులతో విందులకు వెళతారు. సంతాన వ్యవహారాలు తృప్తిగా సాగుతాయి. ఆరోగ్యం మెరుగ్గా ఉంటుంది.

కన్య

చేపట్టిన ప్రతి కార్యమూ సఫలమవుతుంది. అభీష్టం నెరవేరుతుంది. పోటీలలో విజయం సాధిస్తారు. అధికారుల అభిమానాన్ని పొందుతారు. అవకాశాలను ఉపయోగించుకోండి. కుటుంబ సౌఖ్యాన్ని పొందుతారు.

తుల

పనులకు అడ్డంకులొస్తాయి. కలహాలకు ఆస్కారముంది. అనవసర వ్యవహారాల్లో జోక్యం చేసుకోకండి. భవిష్యత్తు గురించిన ఆలోచన చేస్తారు. వృథా ఖర్చులుంటాయి. అశాంతి పెరుగుతుంది. ఆరోగ్యం జాగ్రత్త.

వృశ్చికం

ఇష్టం లేని పని చేయాల్సి వస్తుంది. ఉ‘ద్యోగులు అప్రమత్తంగా ఉండాలి. పోటీలకు దిగకండి. ఉద్రేకాన్ని అణచుకోవాలి. వాహనం నడిపేటప్పుడు జాగ్రత్త. కొత్త విషయాలు తెలుస్తాయి. ఆందోళనకు కారణమౌతాయి.

ధనుస్సు

ఆశించిన రీతిలో పనులు సాగుతాయి. ఆర్థిక లావాదేవీలు లాభసాటిగా ఉంటాయి. కీలక వ్యవహారాల్లో జీవిత భాగస్వామి సూచనలను పాటించండి. ఇతరులతోనూ సత్సంబంధాలు ఏర్పడగాయి. ప్రయాణం లాభిస్తుంది.

మకరం

వ్యవహారాల్లో విజయం సాధిస్తారు. స్వస్థాన ప్రాప్తి ఉంది. ధనలాభం గోచరిస్తోంది. కీర్తి ప్రతిష్టలు పెరుగుతాయి. న్యాయ వివాదాలు అనుకూలంగా పరిష్కారమవుతాయి. శత్రువులను గెలుస్తారు. ఆరోగ్యం బావుంటుంది.

కుంభం

తెలివితేటలకు గుర్తింపు లభించదు. వ్యవహారాలు సజావుగా సాగవు. దురాలోచనలను దూరం చేయండి. వృథా ఖర్చులను తగ్గించాలి. విద్యార్థులు రెట్టింపు స్థాయిలో కష్టపడాలి. ముందుచూపు లేక ఉద్యోగులు నష్టపోతారు.

మీనం

వ్యవహారాలు అనుకున్నరీతిలో సాగవు. డబ్బుకి ఇబ్బందిగా ఉంటుంది. ప్రతి పనికీ అడ్డంకులు వస్తాయి. తల్లివైపు బంధువుల గురించిన కీలక సమాచారం అందుతుంది. ప్రయాణాల్లో జాగ్రత్త. మనశ్శాంతి ఉండదు.