YS Vijayamma: వైఎస్ఆర్ బిడ్డ కడప ఎంపీగా పోటీ చేస్తుంది.. షర్మిలను గెలిపించండి..

YS Vijayamma: కడప లోక్‌సభ కాంగ్రెస్ అభ్యర్థిగా పోటీచేస్తున్న షర్మిలకు మద్దతుగా వైఎస్ విజయమ్మ వీడియో విడుదల చేశారు. ఎన్నికల ప్రచారానికి దూరంగా విదేశాల్లో విజయమ్మ ఉన్నారు. ఎన్నికల ప్రచారం చివరి రోజైన ఇవాళ షర్మిలను గెలిపించాల్సిందిగా కోరారు. వైఎస్ఆర్ బిడ్డ షర్మిలమ్మ కడప ఎంపీగా పోటీ చేస్తోందని.... ఆమెను గెలిపించాల్సిందిగా ప్రార్థిస్తున్నా అని తెలిపారు.

‘‘కడప ప్రజలకు నా విన్నపం. వైఎస్సార్‌ను అభిమానించే, ప్రేమించే వారికి నా హృదయ పూర్వక నమస్కారాలు. వైఎస్సార్‌ బిడ్డ షర్మిలమ్మ ఎంపీగా పోటీ చేస్తోంది. కడప జిల్లా ప్రజలకు సేవ చేసే అవకాశం కల్పించండి. ఆమెను గెలిపించి పార్లమెంటుకు పంపాలని మిమ్మల్ని ప్రార్థిస్తున్నా’’ అని విజ్ఞప్తి చేశారు.