TDP - Twitter: టీడీపీ ట్విట్టర్‌ అకౌంట్‌ హ్యాక్‌.. వివిధ రకాల పోస్టులు పెట్టిన హ్యాకర్లు

TDP - Twitter: టీడీపీ ట్విట్టర్ అకౌంట్ హ్యాక్‌కు గురైంది. ఈ విషయం గుర్తించిన ఐటీ విభాగం.. వెంటనే అప్రమత్తమైంది. ట్విట్టర్‌లో అసభ్య మెసేజ్‍లు పంపినట్టు గుర్తించింది. అయితే ఎలాంటి నష్టం జరగలేదని టీడీపీ ఐటీ విభాగం స్పష్టం చేసింది. మరోవైపు టీడీపీ ట్విట్టర్ అకౌంట్ హ్యాక్‌పై ఆ పార్టీ జాతీయ ప్రధాన కార్యదర్శి లోకేష్ స్పందించారు.

టీడీపీ ట్విట్టర్ అకౌంట్ హ్యాక్‌కు గురైనట్లు ట్వీట్ చేశారు. ఈ అకౌంట్‌ని పునరుద్ధరించేందుకు ట్విట్టర్ ఇండియాతో మాట్లాడుతున్నామని పేర్కొన్నారు. ఈ విషయాన్ని అందరూ గమనించాలని లోకేష్ ట్విట్టర్ వేదికగా విజ్ఞప్తి చేశారు.