టీడీపీ నాయకురాలు పంచుమర్తి అనురాధ తప్పులో కాలేశారా?

టీడీపీ నాయకురాలు పంచుమర్తి అనురాధ తప్పులో కాలేశారు. గంజాయి విషయంలో ప్రభుత్వాన్ని ఇరుకునపెట్టబోయి అబాసుపాలయ్యారు. జగన్ సీఎం అయ్యాక తాడేపల్లి గంజాయికి అడ్డాగా మారిందని ఆరోపించారు ఆమె. అందుకు ఉదాహరణ ఓ మహిళే అని ఆరోపించారు. ఈ క్రమంలో తాడేపల్లి ప్రాంతానికి చెందిన ఓ మహిళ తన కుమారుడు తాగుడుకు బానిసై ఇబ్బందులు పెడుతుంటే పోలీసులకు చెప్పి మార్చాలని వేడుకుంది. ఈ విషయం తెలుసుకున్న అనురాధ ఆమెను పిలిపించుకొని ప్రభుత్వంపై విమర్శలు చెయ్యాలని కోరినట్టు సదరు మహిళ చెప్పారు.

అనురాధ చెప్పినట్టే ఆమె ప్రభుత్వంపై విమర్శలు చేశారు. అనురాధ కూడా గురువారం మీడియా సమావేశంలో ఈ విషయాన్నీ ప్రస్తావించారు. మీడియా సమావేశం అనంతరం ఆ మహిళ ప్రభుత్వంపై తాను చేసిన విమర్శలకు వివరణ ఇచ్చారు. తాగుడుకు బానిసైన తన కొడుకు గంజాయి కారణంగా ఇబ్బందులు పడుతున్నాడని ప్రభుత్వంపై విమర్శలు చేయమని తనకు టీడీపీ నాయకురాలు అనురాధే చెప్పారని ఆమె చెప్పారు. దీంతో వైసీపీ నేతలు అనురాధపై మండిపడుతున్నారు.