Kotamreddy Sridhar Reddy: అరెస్టులతో ప్రజా ఉద్యమాలను కట్టడి చేయలేరు

Kotamreddy Sridhar Reddy: చంద్రబాబు అరెస్టును నిరసిస్తూ ఏపీ వ్యాప్తంగా ‎ఆందోళనలు కొనసాగుతున్నాయి. ఇందులో భాగంగా చంద్రబాబుకు మద్దతుగా దివ్యాంగులు నిరసన చేపట్టారు. నెల్లూరు రూరల్ ఎమ్మెల్యే కోటంరెడ్డి శ్రీధర్‌రెడ్డి కార్యాలయంలో నిరసన కార్యక్రమం చేపట్టారు. ఈ నిరసనలకు దివ్యాంగులు సంఘీబావం ప్రకటించారు. ఈ కార్యక్రమంలో స్థానిక ఎమ్మెల్యే శ్రీధర్‌రెడ్డి దివ్యాంగులతో కలిసి పాల్గొని నిరసన తెలిపారు. రాబోయే ఎన్నికల్లో వైసీపీ ప్రభుత్వం ప్రజాగ్రహానికి గురికాక తప్పదని హెచ్చరించారు. అరెస్టులతో ప్రజా ‎ఉద్యమాలను కట్టడి చేయలేరన్నారు. చంద్రబాబు అక్రమ అరెస్టుకు వ్యతిరేకంగా నిరసనలు కొనసాగిస్తామని స్పష్టం చేశారు ఎమ్మెల్యే కోటంరెడ్డి శ్రీధర్‌రెడ్డి.