Pawan Kalyan Donates Rs 6 cr: అందరికంటే ఎక్కువగా భారీ విరాళం ప్రకటించిన పవన్ కల్యాణ్

Pawan Kalyan Donates Rs 6 cr: ఏపీ డిప్యూటీ సీఎం పవన్ కల్యాణ్ వరద బాధితుల సహాయార్ధం మొత్తం రూ. 6 కోట్ల భారీ విరాళం ప్రకటించారు. అందులో ఏపీ సీఎం రిలీఫ్ ఫండ్‌కి కోటి రూపాయలు కాగా తెలంగాణ సీఎం రిలీఫ్ ఫండ్‌కి కోటి రూపాయలు విరాళం అందిస్తున్నట్లు పవన్ కల్యాణ్ స్పష్టంచేశారు. మిగతా రూ. 4 కోట్లలో ఏపీలోని 400 గ్రామ పంచాయతీలకు ఒక్కో పంచాయతీకి లక్ష చొప్పున విరాళం అందజేయనున్నట్లు పవన్ కల్యాణ్ తెలిపారు. ఇప్పటివరకు రెండు తెలుగు రాష్ట్రాల్లోని సినీ, రాజకీయ, వ్యాపార ప్రముఖులు ప్రకటించిన విరాళాలలో ఇదే అతి పెద్ద మొత్తం కావడం గమనార్హం.

నిన్న మంగళవారమే ఏపీకి రూ. 1 కోటి రూపాయల ఆర్ధిక సహాయం ప్రకటించిన పవన్ కల్యాణ్.. ఇవాళ మీడియాతో మాట్లాడుతూ తాజాగా తెలంగాణకు కోటి రూపాయలు, ఏపీలోని గ్రామ పంచాయతీల కోసం మరో 4 కోట్లు అందించనున్నట్లు పేర్కొన్నారు.