Srisailam: శ్రీశైలంలో వైభవంగా లక్ష దీపోత్సవం

Srisailam: శ్రీశైలంలో కార్తీకమాసం మొదటి సోమవారం పురస్కరించుకొని ఆలయ పుష్కరిణి వద్ద లక్ష దీపోత్సవం, దశ హారతులిచ్చారు ఆలయ పండితులు. కార్తీకమాసం తొలి సోమవారం కావడంతో పుష్కరిణి వద్ద దేవస్థానం ఆధ్వర్యంలో లక్ష దీపోత్సవం కన్నులపండువగా జరిగింది. పుష్కరిణి వద్ద ప్రత్యేక వేదికపై భ్రమరాంబ సమేత మల్లికార్జునస్వామి అమ్మవారి ఉత్సవమూర్తులను ఆశీనులను చేసి.. అర్చకులు, వేదపండితులు.. దీపోత్సవ సంకల్పాన్ని పఠించి ప్రత్యేక పూజలు నిర్వహించారు. అనంతరం ఉత్సవ మూర్తులకు, పుష్కరిణికి శాస్త్రోక్తంగా దశ హారతులిచ్చి భక్తులను దీవించారు. ఈ దీపోత్సవానికి భక్తులు భారీ సంఖ్యలో తరలివచ్చారు.