AP Elections 2024 Polling: ఏపీలో పోటెత్తుతున్న ఓటర్లు.. పోలింగ్ కేంద్రాల వద్ద భారీగా క్యూ

AP Elections 2024 Polling: ఓట్ల పండగలో ఉత్సాహంగా పాల్గొంటున్నారు ఏపీ ఓటర్లు. బాధ్యతగా ఓటేస్తూ.. ప్రజాస్వామ్య స్ఫూర్తిని చాటుతున్నారు. మొన్నటి వరకు చిర్రెత్తిన సూర్యుడు కూడా శాంతించడంతో పోలింగ్ పెరిగేందుకు దోహదం చేస్తోంది. వాతావరణం చల్లబడటంతో ఉదయం నుంచే పోలింగ్ కేంద్రాలకు బారులు తీరుతున్నారు ఓటర్లు. ఫస్ట్ టైం ఓటేస్తున్న యువతతో పాటు.. పురుషులు, మహిళలు, వృద్ధులు కూడా పోలింగ్ కేంద్రాలకు క్యూ కడుతున్నారు.

భవిష్యత్తును తీర్చిదిద్దే.. ప్రభుత్వాల ఎన్నికలో.. భాగస్వామ్యం అవుతున్నారు. ప్రస్తుతం ఏపీలోని అన్ని పోలింగ్ కేంద్రాల వద్ద ఓటర్లతో సందడి నెలకొంది. మెల్లమెల్లగా ఓటర్ల సంఖ్య పెరుగుతుండటంతో..భారీగా క్యూ లైన్‌లో వేచిస్తున్నారు ఓటర్లు. ఇటు ఈసీ కూడా పకడ్బందీ ఏర్పాటు చేసింది. సాధారణ పోలింగ్ కేంద్రాలతో పాటు..మోడల్ పోలింగ్ కేంద్రాలను ఏర్పాటు చేసింది.