Chandrababu: రెండో రోజు చంద్రబాబును విచారించనున్న సీఐడీ

Chandrababu: స్కిల్ స్కాం కేసులో కుంభకోణానికి పాల్పడినట్లు అభియోగాలు ఎదుర్కొంటున్న మాజీ ముఖ్యమంత్రి చంద్రబాబునాయుడిని ఇవాళ సీఐడీ అధికారులు విచారించనున్నారు. సీబీఐ కోర్టు సూచించిన విధంగానే రాజమండ్రి సెంట్రల్ జైల్లోనే విచారణ చేపట్టబోతున్నారు. తొలిరోజు విచారించినట్లే ఇవాళకూడా విచారణ చేపడుతారు. నిన్న దాదాపు 7 గంటల పాటు చంద్రబాబును విచారించిన సీఐడీ అధికారులు కీలకాంశాలపై సమాధానాలను రాబట్టే ప్రయత్నం చేశారు.

స్కిల్ స్కాం కేసుకు సంబంధించి ప్రశ్నల వర్షం కురిపించారు అధికారులు. 12 మంది సీఐడీ అధికారుల బృందం.. రెండు టీమ్ లుగా చంద్రబాబును విచారించారు. స్కిల్ డెవలప్ మెంట్ ప్రాజెక్ట్ ను ఎలా నిర్ణయం చేశారు..? సీమెన్స్ కంపెనీకి తెలియకుండా ఆ కంపెనీ పేరుతో జీవో ఎలా ఇచ్చారు..? అగ్రిమెంట్ ఏ విధంగా జరిగింది..? జీవోకు విరుద్ధంగా ఒప్పందం ఉండటం ఏమిటి..? పీఏ పెండ్యాల శ్రీనివాస్ కు రూ.241 కోట్లు ఎందుకు ఇచ్చారు..? అనే అంశాలపై ప్రశ్నించారు సీఐడీ అధికారులు. చంద్రబాబు ఇచ్చిన సమాదానాల వీడియో, ‎ఆడియో రికార్డు చేశారు. మరోసారి సీఐడీ అధికారులు ఇవాళ చంద్రబాబును విచారించనున్నారు.