AP News: బుల్లెట్ గెలిచిన కోడి.. సన్మానం చేసిన యజమాని

AP News: ఏపీలో కోడి పందేలు జోరుగా సాగుతున్నాయి. ఇప్పటికే లక్షల రూపాయలు చేతులు మారుతుండగా.. పోటీపోటీగా పందెం రాయుళ్లు బరుల్లోకి దిగి.. బెట్టింగ్‌లు వేస్తున్నారు. పందేల్లో గెలిచిన వారికి బహుమతులు కూడా ప్రకటిస్తున్నారు. తాజాగా పశ్చిమ గోదావరి జిల్లా పాలకోడేరు మండలం పెన్నాడ గ్రామంలో నిర్వహించిన కోడిపందేల్లో ఓ వ్యక్తి రాయల్ ఎన్‌ఫీల్డ్ బైక్ గెలుచుకున్నాడు. అయితే పందెంలో భాగంగా దుర్గాప్రసాద్ అనే వ్యక్తి రాయల్‌ ఎన్‌ఫీల్డ్ బైక్‌ను పందెం కాసాడు.

ఈ పందెంలో భాగంగా శృంగవృక్షం గ్రామానికి చెందిన వెంకటశివ అనే వ్యక్తి కోడి పోటీలో గెలిచింది. దీంతో ప్రత్యర్థి ఛాలెంజ్ చేసిన బైక్‌ను సొంతం చేసుకున్నాడు. మరో వైపు పందెంలో గెలిచిన కోడిపుంజుకు బంగారంతో సన్మానం చేశాడు దాని యజమాని. మొత్తానికి పందెంలో కోడి పుంజు గెలవడం.. రాయల్ ఎన్‌ఫీల్డ్ బైక్ వరించడం పట్ల ఆ కోడి యజమాని ఆనందానికి అవధుల్లేకుండా పోయాయి.