TTD Tickets: శ్రీవారి భక్తులకు బిగ్ అలర్ట్..నేడు టికెట్లు విడుదల

TTD Tickets:తిరుమలకు వెళ్లే భక్తులకు శుభవార్త. శ్రీవారి అంగప్రదక్షిణం టోకెన్ల ఆన్ లైన్ కోటాను తిరుమల తిరుపతి దేవస్థానం బోర్డు ఇవాళ విడుదల చేయనుంది. ఆగస్టు 10వ తేదీకి సంబంధించిన 250 టోకెన్లను శుక్రవారం మధ్యాహ్నం 12గంటలకు రిలీజ్ చేయనుంది. ఈ విషయాన్ని గమనించాలని టీటీడీ భక్తులను కోరింది. భక్తులు ఈ విషయాన్ని గమనించి ఆన్ లైన్ ద్వారా అంగప్రదక్షిణం టోకెన్లను బుక్ చేసుకోవాలని టీటీడీ సూచించింది. అంగప్రదక్షిణ చేసే సమయంలో భక్తులు తప్పనిసరిగా సంప్రదాయ వస్త్రాలను ధరించాలని టీటీడీ తెలిపింది.

తిరుమల శ్రీవారి బంగారు వాకిలి ముందు నుంచి సాష్టాంగ నమస్కారం చేస్తూ..శ్రీవారి ఆలయం చుట్టూ ప్రదక్షిణ చేస్తూ హుండీ వరకు చేరుకుంటేనే అంగప్రదరక్షిణ పూర్తి అవుతుందని చెప్పారు. సుప్రభాత సేవ మొదలైన తర్వాత అంగప్రదక్షిణకు అనుమతి ఉంటుంది. ప్రస్తుతం సర్వదర్శనానికి 8గంటల సమయం ఉంటుంది. తిరుమలలోని గోవిందరాజుస్వామి ఆలయంలో ఆగస్టు 16వ తేదీన తులసి మహత్యం ఉత్సవం నిర్వహించనున్నారు.