Telangana: టీఎస్ ఆర్టీసీ మహాలక్ష్మి స్కీమ్ మరో రికార్డ్

Mahalakshmi: టీఎస్ ఆర్టీసీ మహాలక్ష్మి స్కీమ్ మరో రికార్డ్ బ్రేక్ చేసింది. రాష్ట్ర వ్యాప్తంగా 2023 డిసెంబర్ 9 నుంచి ఈనెల 6 తేదీ వరకూ గణాంకాలు తీయగా.. 15 కోట్ల 21 లక్షల మంది మహిళలు ఉచిత బస్సు ప్రయాణాన్ని ఉపయోగించారని టీఎస్ఆర్టీసీ నివేదిక విడుదల చేసింది. ఈ పథకాన్ని వినియోగించుకోవడం ద్వారా మహిళలు దాదాపు రూ.535 కోట్లు ఆదా చేశారని టీఎస్‌ఆర్టీసీ తెలిపింది. ఈ పథకం కింద ప్రతిరోజు 27 లక్షల మంది మహిళలు, బాలికలు, ట్రాన్స్ జెండర్లు ఉచిత బస్సు ప్రయాణం సౌకర్యాన్ని వినియోగించుకుంటున్నారని ఆర్టీసీ విడుదల చేసిన నివేదికలో పేర్కొంది. కాగా... 6 గ్యారెంటీల్లో భాగంగా తెలంగాణ ప్రజా ప్రభుత్వం ప్రతిష్టాత్మకంగా అమలు చేసిన రెండు పథకాల్లో మహలక్ష్మీ పథకం ఒకటి. 2023 డిసెంబర్ 9 నుంచి తెలంగాణలో ఈ పథకం అమలవుతోంది.