Foldable E Bike: తొలి ఫోల్డబుల్ ఈ-బైక్‌.. ఫొటో షేర్ చేసిన ఆనంద్ మహీంద్రా.. ధర, ఫీచర్లు చూస్తే వావ్ అనాల్సిందే..!

Foldable E Bike: మహీంద్రా అండ్ మహీంద్రా గ్రూప్ చైర్‌పర్సన్ ఆనంద్ మహీంద్రా ఫోల్డబుల్ ఇ-బైక్‌ల తయారీలో స్టార్టప్‌లో పెట్టుబడి పెట్టారు. సోషల్ మీడియా ప్లాట్‌ఫామ్ ఎక్స్‌లో ఇ-బైక్ చిత్రాన్ని పంచుకోవడం ద్వారా అతను ఈ సమాచారాన్ని అందించాడు.

'ఐఐటీ బాంబేకి చెందిన కొందరు వ్యక్తులు మమ్మల్ని మళ్లీ గర్వపరిచారు. వారు పూర్తి సైజు చక్రాలతో ప్రపంచంలోనే మొట్టమొదటి ఫోల్డబుల్ డైమండ్ ఫ్రేమ్ ఇ-బైక్‌ను రూపొందించారు" అంటూ ట్వీట్ చేశారు.

ఇది బైక్‌ను ఇతర ఫోల్డబుల్ బైక్‌ల కంటే 35% మరింత సమర్థవంతంగా చేయడమే కాకుండా బైక్‌ను మీడియం నుంచి అధిక వేగంతో స్థిరంగా ఉండేలా చేస్తుంది. మడతపెట్టిన తర్వాత ఎత్తాల్సిన అవసరం లేని బైక్ ఇదేనంటూ తెలిపారు.

ఆనంద్ మహీంద్రా ఆఫీస్ ఆవరణలో తిరిగేందుకు ఈ-బైక్‌ని కొనుగోలు చేశారు.

ఆఫీస్ ఆవరణలో తిరిగేందుకు ఫోల్డబుల్ ఈ-బైక్ హార్న్‌బ్యాక్ X1ని కొనుగోలు చేసినట్లు ఆనంద్ మహీంద్రా తెలిపారు. 'నేను స్టార్టప్‌లో పెట్టుబడి పెట్టాను. హార్న్‌బ్యాక్ ఇ-కామర్స్ వెబ్‌సైట్ అమెజాన్, ఫ్లిప్‌కార్ట్‌లో అందుబాటులో ఉంది" అంటూ తెలిపారు.

హార్న్‌బ్యాక్ X1 ఇ-బైక్ ధర ₹44,999..

హార్న్‌బ్యాక్ X1 ఇ-బైక్ గ్రే-ఆరెంజ్, బ్లూ-ఆరెంజ్ రంగులలో లభిస్తుంది. దీని ప్రారంభ ధర ₹ 44,999లుగా నిలిచింది. కొనుగోలుదారులు దీనిని మూడు నెలల నో-కాస్ట్ EMI ₹14,999 వద్ద కూడా కొనుగోలు చేయవచ్చు.