iPhone 16 Price Comparison: ఈ దేశాల్లో ఐఫోన్ 16 చాలా సవక గురూ.. ధర తెలిస్తే వదిలిపెట్టరు..!

iPhone 16 Price Comparison: ఆపిల్ కొత్త స్మార్ట్‌ఫోన్ iPhone 16 మార్కెట్‌లో సందడి చేస్తోంది. చాలా మంది కొత్త iPhoneకి అప్‌గ్రేడ్ అవ్వాలని ఆలోచిస్తున్నారు. అయితే చాలా మందిలో దీన్ని భారతదేశం నుండి లేదా విదేశాల నుండి కొనుగోలు చేయాలా అనే ప్రశ్న తలెత్తుతుంది. విదేశాల్లో ఐఫోన్ ధర చాలా తక్కువ అని తరచుగా వినే ఉంటారు. అయితే ఇది నిజమేనా? మీ మనస్సులో కూడా ఈ ప్రశ్న ఉంటే, ఈ రోజు మనం ఐఫోన్ 16 ఏ దేశంలో ధర ఎంత ఉందో తెలుసుకుందాం. మీరు దీన్ని భారతదేశం నుండి మాత్రమే ఎందుకు కొనుగోలు చేయాలో కూడా ఇప్పుడు చూద్దాం.

1. భారతదేశంలో iPhone 16 ధర

భారతదేశంలో ఐఫోన్ 16 ధర రూ.79,900 కాగా, ఐఫోన్ 16 ప్లస్ ధర రూ.89,900.

2. అమెరికాలో ఐఫోన్ 16 ధర

యుఎస్‌లో ఐఫోన్ 16 ధర దాదాపు రూ. 75,000 కాగా, ఐఫోన్ 16 ప్లస్ ధర దాదాపు రూ. 84,000, ఇందులో పన్ను కూడా ఉంది.

3. దుబాయ్‌లో iPhone 16 ధర

దుబాయ్‌లో ఐఫోన్ 16 ధర దాదాపు రూ.82,000 కాగా, ఐఫోన్ 16 ప్లస్ ధర రూ.92,000.

4. సింగపూర్‌లో iPhone 16 ధర

సింగపూర్‌లో ఐఫోన్ 16 ధర దాదాపు రూ.84,000 కాగా, ఐఫోన్ 16 ప్లస్ ధర రూ.90,000.

విదేశాల నుండి ఐఫోన్ 16 కొనడం మంచిదేనా..?
యుఎస్‌లో ఐఫోన్ 16 ధరను చూస్తే మొదటి చూపులో విదేశాల నుండి ఐఫోన్ కొనడం చౌకగా అనిపించవచ్చు. కానీ ఇక్కడ కూడా తక్కువేమి కాదు. మీరు భారతదేశంలోని బ్యాంక్ కార్డ్ ఆఫర్‌ల ద్వారా కూడా దీనికన్నా ఎక్కువ తగ్గింపును పొందవచ్చు. అఫీషియల్ ధరను పరిశీలిస్తే విదేశాల నుండి ఐఫోన్ 16 కొనుగోలు చేయడం ప్రయోజనకరంగా అనిపించదు. అయితే మీరు విదేశాల్లోని లోకల్ స్టోర్‌ల నుండి మరిన్ని డిస్కౌంట్లను పొందవచ్చు.

అమెరికాలో ట్యాక్స్‌లు రాష్ట్రాన్ని బట్టి మారుతూ ఉంటాయి. మీరు భారతదేశంలో ఐఫోన్‌ను కొనుగోలు చేసినప్పుడు, ధరలో పన్నులు ఉంటాయి. అందువల్ల మీరు అమెరికా నుండి కొనుగోలు చేస్తే మీరు అదనపు పన్ను చెల్లించాలి. భారతదేశంలోని అనేక బ్యాంకులు ఐఫోన్ కొనుగోలుపై గొప్ప ఆఫర్లు, తగ్గింపులను ఇస్తున్నాయి. ఇది మీ మొత్తం ఖర్చులను తగ్గించవచ్చు.

మీరు విదేశాల నుండి ఐఫోన్‌ను ఆర్డర్ చేస్తే కస్టమ్ డ్యూటీని చెల్లించాల్సి ఉంటుంది, ఇది మీ మొత్తం ఖర్చులను పెంచుతుంది. US నుండి కొనుగోలు చేయబడిన iPhoneలు నిర్దిష్ట క్యారియర్‌కు లాక్ చేయబడవచ్చు. దాన్ని అన్‌లాక్ చేయడానికి మీరు అదనపు డబ్బు చెల్లించాల్సి రావచ్చు. విదేశాల నుండి ఐఫోన్‌ను కొనుగోలు చేయడం వలన మీకు కొన్ని బక్స్ ఆదా అవొచ్చుు. అయితే దానితో సంబంధం ఉన్న అనేక నష్టాలు న్నాయి.

భారతదేశంలో కొనుగోలు చేయడం వలన మీకు వారంటీ సులభమైన సర్వీసింగ్, బ్యాంక్ ఆఫర్‌లు వంటి అనేక సౌకర్యాలు లభిస్తాయి. అందువల్ల మీరు ఐఫోన్ 16 కొనాలని ఆలోచిస్తున్నట్లయితే దానిని దేశంలో కొనుగోలు చేయడం మీకు మరింత ప్రయోజనకరంగా ఉంటుంది.