జమ్మూ కాశ్మీర్‌లో పుల్వామా తరహా ఉగ్ర కుట్ర భగ్నం..

పుల్వామా తరహా ఉగ్రవాద కుట్రను జమ్మూ కాశ్మీర్‌లోని భద్రతా దళాలు భగ్నం చేశాయి. గురువారం ఈ ఘటన వెలుగులోకి వచ్చింది. రాజ్‌పురా రోడ్‌లోని షాదిపుర సమీపంలో తెల్లని రంగు గల శాంట్రో కారును గుర్తించారు, ఇందులో 20 కిలోల ఐఇడి (ఇంప్రొవైజ్డ్ పేలుడు పరికరం) స్వాధీనం చేసుకున్నారు. కారు లోపల డ్రమ్స్‌లో పేలుడు పదార్థాలు ఉంచారు. కారును సీజ్ చేసిన తరువాత, భద్రతా దళాలు చుట్టుపక్కల ప్రాంతాన్ని ఖాళీ చేశాయి. పేలుడు పరికరం (IED)ని సురక్షితంగా నిర్వీర్యం చేశారు.. పుల్వామా పోలీసులు, సిఆర్పిఎఫ్, ఆర్మీ కూడా ఈ ఆపరేషన్లో పాల్గొన్నాయి.

కాగా కొంతమంది ఉగ్రవాదులు పేలుడు పధార్ధాలతో కారులో వెళుతున్నారని పుల్వామా పోలీసులకు బుధవారం అర్థరాత్రి సమాచారం అందిందని వర్గాలు తెలిపాయి. దీని ద్వారా, కొన్ని ప్రదేశాలలో పేలుళ్లు చేయాలనీ ప్లాన్ చేశారు ఉగ్రవాదులు.. అయితే భద్రతా దళాలు వెంటనే అప్రమత్తమై అన్ని మార్గాలకు సీలు వేశాయి. ఈ సమయంలో ఆ అనుమానాస్పద కారు కనిపించింది. భద్రతా దళాలను చూసిన ఆ కారు డ్రైవర్ చీకటిలో పారిపోయాడు. అనంతరం భద్రతా దళాలు వాహనాన్ని స్వాధీనం చేసుకున్నాయి. ఈ కారు హిజ్బుల్ ముజాహిదీన్ కు చెందినదిగా గుర్తించినట్టు తెలుస్తోంది.  

హెచ్ఎంటీవీ లైవ్ వార్తలు ఎప్పటికప్పుడు గూగుల్ న్యూస్ లో చూడటానికి ఇక్కడ క్లిక్ చేయండి