Prabhas: ప్రభాస్ పుట్టినరోజు కోసం సర్ప్రైజ్ రెడీ అవుతోంది!

Prabhas: ప్రస్తుతం ప్రభాస్ 'జిల్' ఫేం రాధాకృష్ణ దర్శకత్వంలో ' రాధేశ్యామ్' అనే లవ్ స్టొరీ చేస్తున్న విషయం తెలిసిందే. ఈ చిత్రాన్ని యువీ క్రియేషన్స్, గోపికృష్ణ మూవీస్ సంయుక్తంగా నిర్మిస్తుంది. ఈ సినిమాలో ప్రభాస్ సరసన తొలిసారి హీరొయిన్ గా పూజ హెగ్డే నటిస్తుంది. ఇటీవలే ఈ సినిమాకి సంబంధించి ఫస్ట్ లుక్ ను రిలీజ్ చేసింది చిత్ర బృందం. తరువాత మహానటి ఫేం నాగ్ అశ్విన్, యంగ్ రెబల్ స్టార్ ప్రభాస్ కాంబినేషన్ లో ఓ సినిమా తెరకెక్కుతున్న సంగతి తెలిసిందే.. ఈ సినిమాని వైజయంతీ మూవీస్ బ్యానర్‌ పై సీ అశ్వనీదత్ భారీ బడ్జెట్ తో ఈ సినిమాని తెరకెక్కిస్తున్నారు. సైన్స్ ఫిక్షన్ నేపధ్యంలో ఈ సినిమా తెరకెక్కుతుంది. పాన్ ఇండియా మూవీగా తెరకెక్కుతున్న ఈ సినిమాలో ఇప్పటికే హీరోయిన్ గా బాలీవుడ్ హాట్ బ్యూటీ దీపికా పదుకొణేను తీసుకుంది చిత్రబృందం..

'కేజీఎఫ్'తో సంచలన దర్శకుడిగా పేరు తెచ్చుకున్న ప్రశాంత్ నీల్ ప్రభాస్‌తో ఓ సినిమాకు ప్లాన్ చేస్తున్నాడని సమాచారం. ప్రభాస్ కి ఇది 22వ చిత్రం. అలాగే ఈ మధ్య కాలంలోనే ప్రభాస్ సినిమాలు సంబంధించి వరుస పెట్టి ప్రకటనలు వస్తుండడంతో డార్లింగ్ అభిమానులు మరింత ఖుషీగా ఉన్నారు. ఇదిలా ఉండగా షూటింగ్ కు మళ్ళీ రెడీ అవుతున్న ఈ భారీ చిత్రానికి సంబంధించి ఇప్పుడు వార్తలు వినిపిస్తున్నాయి. వచ్చే అక్టోబర్ నెలలో ప్రభాస్ పుట్టినరోజు సందర్భంగా రాధే శ్యామ్ యూనిట్ ఒక సర్ప్రైజ్ గిఫ్ట్ ను ప్లాన్ చేస్తున్నట్టు తెలుస్తుంది. ఇప్పటికే ఈ చిత్రం నుంచి వచ్చిన అప్డేట్లే అరకొరగా ఉండడం వల్ల అప్పటికి సరైన ఫీస్ట్ ఇవ్వాలని చిత్ర యూనిట్ ప్లాన్ చేస్తున్నారని సమాచారం..ఈ చిత్రాలతో పాటు ప్రభాస్ బాలీవుడ్ దర్శకుడు ఓం రౌతుతో అదిపురుష్ అనే సినిమా అనౌన్స్ చేసిన విషయం తెలిసిందే.