తెలంగాణలో సంచలనం సృష్టించిన విద్యార్థిని శ్రావణి హత్య కేసులో పోలీసులు విచారణ వేగవంతం చేశారు. హాజిపూర్ లో పాతనేరస్తుడితో పాటు ఏడుగురు యువకులను అదుపులోకి తీసుకుని విచారిస్తున్నారు. శ్రావణి హత్యకు ముందు జరిగిన సంఘటనలపై తల్లిదండ్రుల నుంచి ప్రత్యేకంగా వివరాలు అడిగి తెలుసుకుంటున్నారు. శ్రావణిపై అత్యాచారం. హత్య నేపథ్యంలో హజీపూర్ కు చెందిన ఎనిమిది మంది యువకుల నుంచి సేకరించిన స్పెర్మ్ శాంపిల్స్ ఫోరెన్సిక్ ల్యాబ్ కు పంపించారు. ఈ కేసులో సైతం డగ్స్‌కు అలవాటు పడిన పలువురు యువకుల ప్రమేయం ఉందన్న ఫిర్యాదుల నేపథ్యంలో ఆ కోణంలోనే పో లీసులు దర్యాప్తు చేపడుతున్నారు. అయితే మండల యువతకు డ్రగ్స్‌ ఎలా సరఫరా అవుతోందని అం తుచిక్కని ప్రశ్నగా మిగిలింది. మీస్టరీగా మారిన ఈ హత్య కేసుల్లో నేరస్తులు ఎవరోనని మండల ప్రజలు ఉత్కంఠగా ఎదురుచూస్తున్నారు.