BLA: పాకిస్తాన్ కు బిగ్ షాకిచ్చిన బిఎల్ఏ..ఐఎస్ఐ ఏజెంట్ ను మట్టుబెట్టి.. పాక్ సైన్యానికి వార్నింగ్

BLA: పహల్గామ్ ఉగ్రవాద దాడి తర్వాత పాకిస్తాన్ పై యుద్ధం కత్తి వేలాడుతోంది. పాకిస్తాన్ తన సొంత గడ్డపై తన ఏజెంట్లను సైనికులను రక్షించుకోలేకపోయింది. బలూచ్ లిబరేషన్ ఆర్మీ (BLA) మరోసారి పాకిస్తాన్‌ను వణికించింది. పాకిస్తానీ నిఘా సంస్థ ISI ఏజెంట్‌ను పస్ని ప్రాంతంలో మట్టుబెట్టింది. BLA ప్రకారం, మరో మూడు ఆపరేషన్లలో, బలూచ్ సైన్యం పాకిస్తాన్ సైన్యం, పోలీసులు, సైనిక ప్రాజెక్ట్ వాహనాలను లక్ష్యంగా చేసుకుని ప్రధాన జాతీయ రహదారిని దిగ్బంధించింది.

హత్యకు గురైన ఐఎస్ఐ అధికారిని ముహమ్మద్ నవాజ్‌గా గుర్తించినట్లు బలూచ్ లిబరేషన్ ఆర్మీ తెలిపింది. అతను పంజాబ్‌లోని ఖుషబ్ జిల్లా, చోరంగి జోహరాబాద్ సమీపంలోని హకీమ్ వాలా నివాసి. గ్వాదర్‌లోని పస్ని పట్టణంలో నిఘా ఆధారిత ఆపరేషన్‌లో ఈ ISI ఏజెంట్‌ను లక్ష్యంగా చేసుకున్నారు. దాడి సమయంలో ISI ఏజెంట్ తన బృందంతో ప్రయాణిస్తున్నాడు. ఈ దాడిలో ఆ బృందంలోని మరో ఏజెంట్ సల్మాన్ కూడా మరణించాడు.ఏజెంట్ షా నాజర్ గాయపడ్డాడు. వాహనం పూర్తిగా ధ్వంసమైంది.