Amaravati: అభ్యర్థులకు పోస్టింగ్ లు ఇవ్వాలని ముఖ్యమంత్రికి నారా లోకేష్ లేఖ

అమరావతి:

- గ్రామ/వార్డు సచివాలయ సిబ్బంది నోటిఫికేషన్లో సర్టిఫికెట్ వెరిఫికేషన్ పూర్తై మెరిట్ లిస్ట్లో వున్న అభ్యర్థులకు పోస్టింగ్ లు ఇవ్వాలని ముఖ్యమంత్రికి నారా లోకేష్ లేఖ

- నారా లోకేష్, తెదేపా జాతీయ ప్రధాన కార్యదర్శి

- సచివాలయ ఉద్యోగాలకు అర్హత సాదించిన అభ్యర్ధులందరికీ ఉద్యోగ అవకాశం కల్పిస్తామని హామీ ఇచ్చారు.

- గ్రామ స్వరాజ్యం అంటూ ఆర్భాటంగా ప్రకటించారు.

- కానీ రాష్ట్ర వ్యాప్తంగా గ్రామ/వార్డు సచివాలయాల్లో సిబ్బంది నియామకానికి సంబంధించి నిర్వహించిన పరీక్షలో అర్హత సాధించి సర్టిఫికెట్ వెరిఫికేషన్ పూర్తైనప్పటికీ చాలా మంది అపాయింట్ మెంట్ లెటర్ అందక ప్రభుత్వ నిర్ణయం కోసం ఎదురు చూస్తున్నారు.

- 0.25, 0.50, 0.75 & 1 మార్కుల తేడాతో అన్ని పోస్టులకు వెరిఫికేషన్ పూర్తైన అభ్యర్థులు రాష్ట్రంలోని 13 జిల్లాల నుండి వేలల్లో ఉన్నారు.

- వీరికి సంబంధించిన ప్రభుత్వ ఉత్తర్వుల గురించి అధికారులను సంప్రదిస్తే ఎటువంటి ఆదేశాలు లేవని చెబుతున్నారు

- ఇదే సమయంలో రెండో దఫా నోటిఫికేషన్ విడుదల చేయడంతో ఇప్పటికే వెరిఫికేషన్ పూర్తైన వారు, స్వల్ప తేడాతో ఎంపికై వెయిటింగ్ లో ఉన్నవారిలో ఆందోళన మొదలైంది.

- కొత్త నోటిఫికేషన్ నిర్వహించడమంటే ఇప్పటి వరకు వెయిటింగ్ లో ఉన్న వారందరికీ అన్యాయం చేయడమే.

- గ్రామ/వార్డ్ సచివాలయంలోని ఉద్యోగాలకు రాజీనామా చేసిన, ఇతరాత్రా కారణాలతో ఖాళీ అయిన స్థానాలను, తొలి విడత పరీక్షలో అర్హత సాధించి మెరిట్ లిస్ట్ లో వున్న వారితో, సర్టిఫికెట్ వెరిఫికేషన్ పూర్తైన అభ్యర్థులతో భర్తీ చేయాలి.

- అదనంగా ప్రభుత్వం ప్రకటిoచిన 3000 పోస్టులను మొదటి నోటిఫికేషన్లో అర్హత సాధించి ఉద్యోగాల కోసం ఎదురు చూస్తున్న అభ్యర్థులతో భర్తీ చేయాలి.

- అర్హులైన అభ్యర్థులు ఉన్నప్పటికీ పోస్టులు మిగిలిపోయాయనే కారణంతో రెండో నోటిఫికేషన్ ఇవ్వడం సరికాదు.

- ప్రస్తుత పరిస్థితులలో రెండవసారి పరీక్షలు నిర్వహించి, అభ్యర్ధులను ఎంపిక చేసే అవకాశం లేనందున మొదటి నోటిఫికేషన్ లో అర్హత సాధించిన అభ్యర్దులచే ఆయా పోస్టులన్నింటినీ భర్తీ చేయాలి.

- నిరుద్యోగ యువతకు ఉద్యోగ భద్రత కల్పించాలి.