అమెరికాలో రెండు విమానాలు ఢీ..ఆరుగురి మృతి

అమెరికాలోని అలస్కాలో రెండు తేలికపాటి విమానాలు ఢీకొనడంతో ఏడుగురు ప్రాణాలు కోల్పోయారు.

ఓ విమానంలో పైలట్ ఒక్కరే ఉండగా.. మరో విమానంలో ఆరుగురు ప్రయాణిస్తున్నట్టు భద్రతాధికారులు వెల్లడించారు.

స్థానిక కాలమానం ప్రకారం శుక్రవారం 8:27కి సోల్డోట్నా సమీపంలో ఈ ప్రమాదం చోటుచేసుకుంది.

ఆరుగురు వ్యక్తులు ఘటనా స్థలంలోనే మృతిచెందగా.. మరో వ్యక్తి ఆస్పత్రికి తరలిస్తుండగా మరణించినట్టు అధికారులు పేర్కొన్నారు.

మృతిచెందిన వారిలో అలస్కా చట్టసభ సభ్యుడు, రిపబ్లికన్ పార్టీ నేత గ్యారీ నాప్ కూడా ఉన్నారు.

ఈ ప్రమాదంపై జాతీయ రవాణా భద్రతా మండలి (ఎన్‌టీఎస్‌బీ) విచారణ చేపట్టింది.