Post Office: ఈ పథకంలో పెట్టుబడి పెడితే.. ప్రతినెలా ఆదాయమే.. ఈ పోస్టాఫీస్ స్కీమ్ గురించి తెలుసా?

Post Office Monthly Income Scheme: నెలవారీ ఆదాయ పథకం కోసం బ్యాంకులు, పోస్టాఫీసులు సామాన్యుల పెట్టుబడి కోసం అనేక రకాల పెట్టుబడి ప్రణాళికలను అందిస్తాయి. ఇందులో పోస్టాఫీసులో ఓ అద్భుతమైన ప్లాన్ కూడా ఉంది. దీని ద్వారా మీరు ప్రతి నెల డబ్బు సంపాదించవచ్చు. పోస్టాఫీసు 'నెలవారీ ఆదాయ పథకం' గురించి ఇప్పుడు తెలుసుకుందాం..

ఏప్రిల్ 1 నుంచి పెరిగిన వడ్డీ రేటు..

ఏప్రిల్ 1 నుంచి పోస్టాఫీసులో నెలవారీ ఆదాయ పథకం కింద పెట్టుబడిపై ఇచ్చే వడ్డీ రేటును పెంచారు. ప్రభుత్వం ప్రతి మూడు నెలలకు MIS పై వడ్డీ రేట్లను సవరిస్తుంది. ఈ పథకం కింద, ఇప్పుడు మీరు ప్రతి సంవత్సరం 7.4 శాతం వడ్డీని పొందుతారు. ఇది పెట్టుబడిదారులకు ప్రతి నెలా చెల్లించనున్నారు.

రూ. 1000తో ఖాతా తెరిచే ఛాన్స్..

కేవలం 1000 రూపాయలతో పోస్టాఫీసులో MIS ఖాతాను తెరవవచ్చు. మీరు ఈ స్కీమ్‌లో ఒకే ఖాతాను తెరిస్తే, మీరు గరిష్టంగా రూ. 9 లక్షలు, ఉమ్మడి ఖాతాలో గరిష్టంగా రూ. 15 లక్షలు పెట్టుబడి పెట్టవచ్చు.

పథకం 5 సంవత్సరాలలో మెచ్యూరిటీ..

మంత్లీ ఇన్‌కమ్ స్కీమ్ గురించి గుర్తుంచుకోవలసిన అతి పెద్ద విషయం ఏమిటంటే, ఈ స్కీమ్‌పై వచ్చే వడ్డీ ప్రతి నెలా చెల్లిస్తారు. పోస్టాఫీసు నెలవారీ ఆదాయ పథకం 5 సంవత్సరాలలో మెచ్యూర్ అవుతుంది.

మెచ్యూరిటీకి ముందే డబ్బు విత్‌డ్రా..

ఖాతా తెరిచిన తేదీ నుంచి 3 సంవత్సరాల తర్వాత, 5 సంవత్సరాల ముందు మూసివేస్తే, ప్రధాన మొత్తంలో 1% తగ్గింపుతో మిగిలిన మొత్తం ఇస్తారు.