Honda April Discounts: హోండా బంపర్ ఆఫర్.. ఈ కార్లరు తక్కువ ధరకు కొనే ఛాన్స్.. లిమిటెడ్ కాలం వరకే అవకాశం..!

Honda April Discounts: హోండా కార్స్ ఇండియా తన పోర్ట్‌ఫోలియోలో ఉన్న అన్ని కార్లపై డిస్కౌంట్లను ప్రకటించింది. కంపెనీ పోర్ట్‌ఫోలియోలో 2 సెడాన్‌లు, ఒక ఎస్‌యూవీ ఉన్నాయి. ఇందులో సిటీ, అమేజ్ సెడాన్‌లు ఉన్నాయి. అయితే ఎలివేట్ అనేది ఎస్‌యూవీ. మీరు ఈ కార్లలో దేనినైనా కొనాలని చూస్తున్నట్లయితే ఈ నెలలో వాటిపై లభించే డిస్కౌంట్ల గురించి తెలుసుకోవాలి. ఇప్పుడు వివిధ ప్లాట్‌ఫామ్‌ల నుండి కార్లపై లభించే తగ్గింపులను వివరాలను అందించాము.

Honda City

ఏప్రిల్ 2025లో లగ్జరీ సెడాన్ సిటీపై గొప్ప తగ్గింపులను తీసుకొచ్చింది. ఈ నెలలో మీరు ఈ కారును కొనుగోలు చేస్తే రూ. 65,000 తగ్గింపును పొందుతారు. కంపెనీ హోండా సిటీ ఇ:హెచ్‌ఈవీపై రూ.65,000 వరకు నగదు తగ్గింపును అందిస్తోంది. అయితే, ఈ నెలలో ఇతర ప్రయోజనాలు ఏవీ అందుబాటులో ఉండవు. సిటీ SV, V, VX, ZX అన్ని ఇతర వేరియంట్‌లపై రూ. 63,300 వరకు మొత్తం ప్రయోజనం లభిస్తుంది. భారతీయ మార్కెట్లో ఇది స్కోడా స్లావియా, హ్యుందాయ్ వెర్నా,ఫోక్స్‌వ్యాగన్ వర్టస్‌లతో పోటీపడుతుంది. దీని ఎక్స్-షోరూమ్ ధరలు రూ.12.28 లక్షల నుండి రూ.16.55 లక్షల వరకు ఉన్నాయి.

Honda Amaze

హోండా తన ప్రముఖ సెడాన్ అమేజ్‌పై రూ.77,200 వరకు ప్రయోజనాలను అందిస్తోంది. రెండవ తరం అమేజ్‌పై కంపెనీ భారీ తగ్గింపులను ఇచ్చింది. అయితే, ఇది ఎస్ వేరియంట్‌కు మాత్రమే. అమేజ్ ఎస్ పెట్రోల్ మోడల్‌కు దాదాపు రూ.57,200 తగ్గింపు లభిస్తోంది. అయితే S CNG వెర్షన్ ఈ నెలలో రూ. 77,200 వరకు ప్రయోజనాలను పొందుతోంది. కంపెనీ తన వెబ్‌సైట్ నుండి ఎంట్రీ-లెవల్ అమేజ్ ఇ వేరియంట్‌ను తొలగించింది. మార్చిలో కంపెనీ దీనిపై అత్యధిక తగ్గింపును ఇస్తోంది. దీని ధర రూ.7.62 లక్షల నుండి రూ.9.86 లక్షల మధ్య ఉంటుంది.

Honda Elevate

హోండా ఏప్రిల్‌లో ఎలివేట్ ఎస్‌యూవీ పై రూ.76,100 వరకు ప్రయోజనాలను అందిస్తోంది. దీని టాప్-స్పెక్ ఎలివేట్ ZX CVT అత్యధిక తగ్గింపును పొందుతోంది. ఎంట్రీ-లెవల్ SV, మిడ్-స్పెక్ V, VX వేరియంట్‌లు రూ. 56,100 వరకు తగ్గింపును పొందుతున్నాయి. ఎలివేట్ అపెక్స్ ఎడిషన్, రూ. 35,000 ప్రీమియంతో యాక్సెసరీలను కలిగి ఉంది, రూ. 56,100 వరకు ప్రయోజనాలను కూడా అందిస్తుంది. దీని ఎక్స్-షోరూమ్ ధరలు రూ.11.91 లక్షల నుండి రూ.16.73 లక్షల వరకు ఉన్నాయి. భారతీయ మార్కెట్లో, ఇది హ్యుందాయ్ క్రెటా, మారుతి గ్రాండ్ విటారా, టాటా కర్వ్ వంటి మోడళ్లతో పోటీపడుతుంది.