Bike Servicing Tips: బైక్ సర్వీసింగ్ చేపిస్తున్నారా.. మెకానిక్ చెప్పినా పొరపాటున కూడా ఆ పని చేయకండి..!

Bike Servicing Tips: ఇటీవల కాలంలో మోటార్ సైకిల్ రైడింగ్ (బైక్ రైడింగ్) అంటే యువతకు యమ క్రేజ్. ప్రస్తుతం ప్రతి ఇంటికి రెండు, మూడు మోటార్ సైకిళ్లు, స్కూటర్లు ఉంటున్నాయి. పట్టణాలు, పల్లెలు అనే తేడా లేకుండా ప్రతి ఒక్కరికీ బైక్‌ సర్వసాధారణమైపోయింది. బైక్‌ని ఎంత పిచ్చిగా డ్రైవ్ చేస్తున్నారో దాని నిర్వహణ కూడా అంతే ముఖ్యం. ఎందుకంటే మోటార్ సైకిల్ సర్వీసింగ్ క్రమం తప్పకుండా చేయాలి. అజాగ్రత్త వల్ల అనేక సమస్యలు వస్తాయి. బైక్ సర్వీసింగ్ ఎంత ముఖ్యమో వాషింగ్ కూడా అంతే ముఖ్యం. ప్రతిసారీ బైక్‌ సర్వీస్‌ సెంటర్‌కు వెళ్లే పరిస్థితి ఉండదు. అయితే కనీసం మన బైక్‌ని మనమే శుభ్రం చేసుకోవాలి. ఇంట్లోనే క్లీన్ చేయడం వల్ల డబ్బు కూడా ఆదా అవుతుంది.

బైక్‌ను సర్వీసింగ్ చేయడానికి కరెక్ట్ టైం ఎప్పుడు? బైక్ సాఫీగా నడిస్తే ప్రతి రెండు వేల కిలోమీటర్లకు ఒకసారి సర్వీస్ చేయాలని మెకానిక్స్ చెబుతుంటారు. రెండు, మూడు నెలలకు ఒకసారి బైక్‌ సర్వీస్‌ చేయించాలని అంటారు. బైక్ పర్ఫెక్ట్ గా ఉండాలి అంటే వాహనం టైమ్ టేబుల్ ప్రకారం సర్వీసింగ్ చేయాలి. బండి సర్వీస్ చేయకపోతే బండిలోని చిన్న చిన్న సమస్యలు పెద్ద సమస్యలుగా మారి బండి స్మూత్‌ నెస్ ని పాడు చేస్తాయి. బండి 2000 కిలోమీటర్లు ప్రయాణించినట్లయితే, దానిని సర్వీస్ చేయాలి. కానీ సర్వీసింగ్ చేసేటప్పుడు కొన్ని ముఖ్యమైన అంశాలను గుర్తుపెట్టుకోవాలి. మెకానిక్స్ తరచుగా బైక్ సర్వీసింగ్ సమయంలో కార్బ్యురేటర్‌ను శుభ్రం చేయలా అని అడుగుతుంటారు. అయితే బైక్ బాగా నడుస్తుంటే కార్బ్యురేటర్ శుభ్రం చేయాల్సిన అవసరం ఉండదు. మెకానిక్ ఏం చెప్పినా కూడా ఆ పని మాత్రం చేయవద్దు.

ఎందుకంటే కార్బ్యురేటర్ బైక్ ఇంజిన్‌లో చాలా ముఖ్యమైన భాగం. ఇంధనం , గాలి సరైన నిష్పత్తిలో మిక్స్ చేయబడి ఇంజిన్‌కి పంపిస్తుంది. ఇది బైక్ పనితీరు, మైలేజీని ప్రభావితం చేస్తుంది. అయితే ఇటీవల కార్బ్యురేటర్ వ్యవస్థ లేని బైక్‌లలో చాలా కొత్త మోడల్స్ మార్కెట్లోకి వచ్చాయి. ఫ్యూయల్ ఇంజెక్ట్ ఇంజిన్ అందిస్తున్నాయి కంపెనీలు. కానీ చాలా పాత బైక్‌లు ఇప్పటికీ ఈ సిస్టమ్‌పై నడుస్తాయి. కార్బ్యురేటర్‌ని పదే పదే తెరవడం వల్ల పలు రకాల సమస్యలు వస్తుంటాయి. కార్బ్యురేటర్ డిజైన్ చాలా క్లిష్టంగా ఉంటుంది. ఒకసారి తీసివేసిన తర్వాత మళ్లీ పెట్టుకోవడం కష్టం. అంతేకాకుండా, బైక్ తయారీ సమయంలో కార్బ్యురేటర్ ఫ్యాక్టరీలో సీలు చేయబడి ఉంటుంది. ఆ ముద్ర ఒక సారి కట్ అయితే దానిని తిరిగి అతికించడం కష్టం. సీలింగ్ సరిగ్గా చేయకపోతే గాలి , ఇంధనం లీక్ అయ్యే అవకాశాలు పెరుగుతుంటాయి. ఇది ఇంజిన్ పనితీరుపై తీవ్ర ప్రభావితం చూపిస్తుంది. బైక్ మైలేజీ కూడా తగ్గుతుంది.

మెకానిక్ కార్బ్యురేటర్ ఇంధన మిశ్రమాన్ని సరిగ్గా సెట్ చేయకపోతే బైక్ మధ్యలోనే ఆగిపోతుంది. ఇది ఇంజన్ దెబ్బతినడమే కాకుండా రహదారి మధ్యలో డ్రైవర్ భద్రతపై కూడా ప్రభావం చూపుతుంది. ఫ్యాక్టరీ నుండి సీల్ చేయబడిన లేదా చాలా క్లిష్టమైన డిజైన్ ఉన్న కార్బ్యురేటర్‌ను ఎప్పుడూ శుభ్రం చేయకూడదు. ప్రత్యేక పరిస్థితుల్లో మాత్రమే కార్బ్యురేటర్ శుభ్రం చేయాలి. ఇంజిన్‌ను స్టార్ట్ చేసేటప్పుడు చాలా సార్లు సమస్య వస్తుంది. కార్బ్యురేటర్‌లో ధూళి పేరుకుపోవడం వల్ల ఇది జరుగుతుంది. తర్వాత శుభ్రం చేయాలి. మళ్ళీ, ఇంధనం లీక్ అయితే కార్బ్యురేటర్ తెరిచి మరమ్మత్తు చేయవలసి ఉంటుంది. కార్బ్యురేటర్ వల్ల బైక్‌లోని ఏదైనా భాగానికి సమస్య వచ్చినా ఇలాగే చేయాలి. అంతే కానీ ఎప్పుడూ కాదు. అసలు సమస్య ఉన్నప్పుడే బైక్ కార్బ్యురేటర్ తెరవాలని టూ వీలర్‌ టెక్నికల్ పర్సన్స్ అంటున్నారు.