క్లాస్ రూమ్‌లోనే పెళ్లి చేసుకున్న మైనర్లు : టీసీ ఇచ్చి పంపించేసిన ప్రిన్సిపల్

కాలేజీలో కలిశారు. ఆపై ప్రేమించుకున్నారు. కళాశాలను కళ్యాణ మండపంగా మార్చుకున్నారు. క్లాస్ రూమ్ లోని బెంచీలను పెళ్లిపీటలుగా చేసుకున్నారు. పసుపుకొమ్ముతో చేసిన తాళిని యువతి మెడలో కట్టాడు.

రాజమండ్రిలోని ఓ జూనియర్‌ కాలేజీలో ఈ మైనర్ల పెళ్లి జరిగింది. ఇంటర్‌ చదువుతున్న టీనేజర్లు ప్రేమించుకున్నారు. ఇంట్లో పెద్దలు ఒప్పుకుంటారో లేదోనన్న భయంతో కాలేజీలోనే పెళ్లి చేసుకున్నారు. ఈ విషయం తెలుసుకున్న కాలేజీ ప్రిన్సిపాల్ వారికి టీసీ ఇచ్చి పంపించి చేతులు దులుపుకున్నారు.

విద్యార్థులు చేసిన పనితో వారి తల్లిదండ్రులు తలపట్టుకుంటున్నారు. చదువుకోవాల్సిన వయస్సులో ఈ పిచ్చి పనులేంటంటూ ఆవేదన చెందుతున్నారు. ఎంతో పవిత్రంగా భావించే పెళ్లిని ఎగతాలి చేస్తూ ఇలా బొమ్మల పెళ్లిళ్లు చేసుకోవడమేంటంటూ మండిపడుతున్నారు.