Congress party

పిచ్చి పిచ్చి ఆరోపణలు మానుకోవాలి: విశ్వేశ్వర్ రెడ్డి 

Submitted by chandram on Mon, 12/10/2018 - 23:20

టీఆర్‌ఎస్‌ ఎమ్మెల్యేలను కొనేందుకు అప్పుడే బేరాలు మొదలుపెట్టారని ఆరోపణలను చేవెళ్ల ఎంపీ కొండా విశ్వేశ్వర్ రెడ్డి తిప్పికొట్టారు. టీఆర్‌ఎస్‌ నాగర్ కర్నూల్ ఎమ్మెల్యే అభ్యర్థి మర్రి జనార్దన్ రెడ్డే తనకు ఫోన్‌ చేశారన్నారు. మర్రి జనార్ధన్‌ రెడ్డి పిచ్చి పిచ్చి ఆరోపణలు మానుకోవాలని తీవ్రస్థాయిలో మండిపడ్డారు. ఒకే ఒక్క ఫోన్ కాల్ తో అమ్ముడుపోయే గుణము మర్రిజనార్ధన్ రెడ్డిదని ప్రశ్నించారు. జనార్ధన ఖచ్చితంగా ఓడిపోతననే భయంతోనే నాపై ఆరోపణలు చేస్తూన్నరని ఎద్దేవా చేశారు. తనకు సుమారు 50 మంది టీఆర్‌ఎస్‌ నేతలతో సన్నిహిత సంబంధాలున్నాయని విశ్వేశ్వర్ రెడ్డి సంచలన వ్యాఖ్యలు చేశారు. 

బాబును నమ్ముకుని ఏపీ రైతులు రోడ్డునపడ్డారు

Submitted by arun on Thu, 11/29/2018 - 11:44

అది ప్రజాకూటమి కాదు.. దగా కూటమి అని మండిపడ్డారు టీఆర్‌ఎస్ నేత హరీశ్‌రావు. తెలంగాణ భవన్‌లో మీడియాతో మాట్లాడిన ఆయన 2004,2009లో కాంగ్రెస్ మేనిఫెస్టోలోని ఒక్క హామీని కూడా నెరవేర్చలేదన్నారు. అలాగే, డ్వాక్రా రుణాలు రద్దు చేస్తామన్న చంద్రబాబు కనీసం వడ్డీలు కూడా కట్టలేదన్నారు. బాబును నమ్ముకుని రైతులు రోడ్డునపడ్డారన్నారు. ఇప్పుడు కొత్తగా వీళ్ల మేనిఫెస్టోను ఎవరు నమ్ముతారని హరీశ్‌ ప్రశ్నించారు. కాంగ్రెస్‌, టీడీపీ ముందు ప్రజలకు క్షమాపణ చెప్పాలని హరీశ్‌రావు డిమాండ్ చేశారు. 

ఆదివాసి, లంబాడీల మధ్య చిచ్చు పెట్టింది వాళ్లే

Submitted by arun on Wed, 11/28/2018 - 11:41

టీఆర్ఎస్ ప్రభుత్వం ఆదివాసీ, లంబాడీల మధ్య చిచ్చు పెట్టిందని కాంగ్రెస్ నేత రేవంత్ రెడ్డి విమర్శించారు. మంగళవారం జయశంకర్ భూపాల పల్లి జిల్లా ములుగు నియోజకవర్గ కేంద్రంలోని బహిరంగ సభలో పాల్గొన్న రేవంత్ కాంగ్రెస్ అభ్యర్థి దనసరి అనసూయ సీతక్కను భారీ మెజారటీతో గెలిపించాలని కోరారు రాష్ట్రంలో కేసీఆర్ ములుగు నియోజక వర్గంలో చందులాల్ తన కుమారుడు ప్రహ్లాద్ అవినీతి పరిపాలన కొనసాగిస్తున్నారని రేవంత్ రెడ్డి అన్నారు 14 సంవత్సరాల తెలంగాణ ఉద్యమంలో అమరులైన వారికుటుంబాలకు టీఆర్ఎస్ ఏమేరకు న్యాయం చేసిందని ఆయన ప్రశ్నించారు.

కేసీఆర్‌ ఉద్యోగం పీకేస్తే...వంద రోజుల్లోగా లక్ష ఉద్యోగాలిస్తాం

Submitted by arun on Mon, 11/26/2018 - 10:54

కేసీఆర్‌ ఉద్యోగం పీకేస్తే.. వంద రోజుల్లోగా తెలంగాణలో లక్ష ఉద్యోగాలు ఇస్తామని రేవంత్‌‌ రెడ్డి అన్నారు. ఆసిఫాబాద్‌ ఎన్నికల ప్రచారంలో పాల్గొన్న రేవంత్‌ రెడ్డి అర్హులైన పది లక్షల మంది నిరుద్యోగులకు నెలకు మూడు వేల భృతి ఇస్తామన్నారు. రైతులకు రెండు లక్షల రుణ మాఫీ అమలు చేస్తామన్నారు. అర్హులైనవారికి ఐదు లక్షలతో ఇందిరమ్మ ఇళ్లు కట్టిస్తామని రేవంత్‌ రెడ్డి హామీ ఇచ్చారు.

గద్దర్ ను గందరగోళంలో పడేసిన కాంగ్రెస్

Submitted by chandram on Tue, 11/20/2018 - 14:43

పొడుస్తున్న పొద్దుమీద అంటూ తెలంగాణ ఉద్యమాన్ని త‌న పాట‌తో శిఖరాగ్రానికి తీసుకు వెళ్లిన ప్రజా గాయ‌కుడు, యుద్దనౌక గ‌ద్దర్. ప్రస్తుత తెలంగాణ అసెంబ్లీ ఎన్నికల్లో గద్దర్ పరిస్థితి అయోమయంలో పడిపోయిందనే చెబుతున్నారు. ఈ ఎన్నికల బరిలో దిగాలని ప్రయత్నించినప్పటికి ఫలితం దక్కలేదని అర్థమౌతుంది. కాగా గద్దర్ తనయుడు సూర్యం బెల్లంపల్లి నుండి శాసనసభ అభ్యర్ధిగా పోటీ చేయాలని చూసినా కాంగ్రెస్ మాత్రం మహాకూటమిలో భాగంగా సీపీఐకి కేటాయించింది. కాగా ఇటు గద్దర్ కు,కుమారుడికి అన్యాయం జరిగిందనే భావనలో గద్దర్ ఉన్నట్లు విశ్లేశకులు చెబుతున్నారు. ఢిల్లీకి వెళ్లి రాహుల్ తో గద్దర్ మంతనాలు జరిపిన ఫలితం దక్కలేదు.

మిగిలినవి.. మూడే...కూటమి పొత్తులో ...

Submitted by arun on Tue, 11/20/2018 - 10:48

కూటమి రాజకీయాలు మరింత రసవత్తరంగా మారాయి. పొత్తు పేరుతో సీట్లు పంచుకునేందుకు సిద్ధమైనా సర్దుబాట్ల పేర్లతో చర్చల మీద చర్చలు జరిపారు. చివరకు ఫ్రెండ్లీ కాంటెస్ట్‌ పేరుతో మిత్రులకు కేటాయించిన సీట్లలోనే కయ్యానికి కాలుదువ్వారు. ముందు అనుకున్న పొత్తుల ప్రకారం కాంగ్రెస్‌ 94, టీడీపీ 14, టీజేఎస్‌ 8, సీపీఐ 3 స్థానాల్లో పోటీకి సిద్ధపడ్డాయి. అయితే చివరి నిముషంలో సీన్‌ కంప్లీట్‌గా రివర్స్‌ అయ్యింది. జనసమితిని అడ్డంగా బుక్‌ చేసింది కాంగ్రెస్‌. కేటాయించిన 8 స్థానాల్లో ఐదింట్లో పోటీకి నామినేషన్ వేసింది. దీంతో జనసమితి పోటీ చేసేది కేవలం 3 స్థానాల్లోనే. 

రెండో జాబితాలోనూ పొన్నాలకు దక్కని చోటు...

Submitted by arun on Wed, 11/14/2018 - 12:50

మాజీ పీసీసీ అధ్యక్షుడు పొన్నాల లక్ష్మయ్యకు సొంత పార్టీ మరోసారి మొండి చేయి చూపించింది. ఇవాళ కాంగ్రెస్ పార్టీ 10 మంది అభ్యర్థులతో కూడిన రెండో జాబితాను విడుదల చేసింది. ఈ జాబితాలో కూడా పొన్నాల లక్ష్మయ్య పేరు లేకపోవడంతో ఆయనతో పాటు అనుచరులు తీవ్ర అసంతృప్తికి లోనయ్యారు. కొద్దిరోజుల క్రితం 65 మందితో తొలి జాబితాను విడుదల చేసిన కాంగ్రెస్‌.. 10 మందితో రెండో జాబితా విడుదల చేసింది. వివాదాలు, అసంతృప్తులు లేని స్థానాలకు అభ్యర్థులను ప్రకటించింది. మొదటి జాబితాలో 65 స్థానాలకు అభ్యర్థులను ప్రకటించిన కాంగ్రెస్ నేడు మరో పది మందితో రెండో జాబితాను విడుదల చేసింది.

నేతలు ఎక్కడ కొడతారోనన్న భయంతో కాంగ్రెస్ పార్టీ పెద్దలు ...

Submitted by arun on Tue, 11/13/2018 - 15:58

టీఆర్ఎస్ తమ అభ్యర్థులను రెండు నెలల క్రితం ప్రకటిస్తే, కాంగ్రెస్ నేతృత్వంలోని మహాకూటమి మాత్రం ఇంకా ఆపసోపాలు పడుతోందని మంత్రి కేటీఆర్ విమర్శించారు. నేతలు ఎక్కడ కొడతారోనన్న భయంతో కాంగ్రెస్ పార్టీ పెద్దలు నిన్న అర్థరాత్రి అభ్యర్థుల జాబితాను ప్రకటించారని ఎద్దేవా చేశారు. ప్రస్తుతం గాంధీ భవన్ దగ్గర రచ్చరచ్చ జరుగుతోందనీ, టికెట్లు రాని అభ్యర్థులు అక్కడే వంటావార్పు చేసుకుని ధర్నాలకు దిగుతున్నారని వెల్లడించారు. కొందరు కాంగ్రెస్ నాయకులు గాంధీ భవన్ ముందు సెలైన్లు పెట్టుకుని మరీ ఆందోళనలు చేస్తున్నారని వ్యాఖ్యానించారు. పత్రికల్లో ఫొటోలు చూస్తుంటే నాంపల్లి దగ్గర ఉన్నది గాంధీ భవనా? లేదా గాంధీ ఆసుపత్రా?

రాహుల్‌ని పెళ్లిచేసుకోవాలనే కాంగ్రెస్‌లో చేరా

Submitted by chandram on Tue, 11/13/2018 - 15:38

ఎవరైనా  ఏ పార్టీలో అయినా పదవీని ఆశించో, లేక హోదాను ఆశించో పార్టీలో చేరుతారు. కాని ఛత్తీస్‌గఢ్‌లో మాత్రం తనూ కాంగ్రెస్ పార్టీలో చేరాడానికి కాంగ్రెస్ పార్టీ అధ్యక్షుడు రాహుల్ గాంధీని పెళ్లిచేసుకోవాడానికే తను కాంగ్రెస్ లో చేరినట్లు ఓ యువతి సంచలన వ్యాఖ్యలు చేసింది. అయితే  ఈ నేపథ్యంలో అక్కడ ఉన్న కాంగ్రెస్ కార్యాలయానికి వెళ్లింది. అక్కడ ఉన్న మీడియా తనను కాంగ్రెస్ పార్టీలో చేరడానికి గల కారణమేటిటని అడిగిన మీడియాకు దిమ్మతిరిగే షాక్ ఇచ్చింది ఆ యువతి. మీడియాతో యువతి మాట్లాడుతూ నేను కాంగ్రెస్ పార్టీలో చేరింది రాహుల్ గాంధీని పెళ్లీ చేసుకోవాడానికే అని సమాధానం ఇచ్చింది.

ఆయనకు టికెట్‌ ఇవ్వకపోతే.. నేను పోటీ చేయను..!

Submitted by chandram on Fri, 11/09/2018 - 17:39

రానున్న తెలంగాణ అసెంబ్లీ ఎన్నికల నేపథ్యంలో నకిరేకల్ టికెట్ కోసం చిరుమూర్తి లింగయ్యకే కేటాయించాలని మాజీ ఎంపీ కోమటిరెడ్డి రాజగోపాల్ పట్టుపడుతున్నారు. లింగయ్యకు టికెట్ ఇవ్వని పక్షంలో మునుగోడు పోటి నుండి తప్పుకుంటా అని ఆగ్రహం వ్యక్తం చేశారు. అలాగే కోమటిరెడ్డి వెంకటరెడ్డి నల్లగొండ నుండి పోటీ నుండి తప్పుకుంటడని రాజగోపాల్ స్పష్టం చేశారు. తెలంగాణ ఇంటి పార్టీకి ఒక్కసీటు కేటాయిస్తామని కుంతియా ప్రకటనతో ఈ గందరగోళం మొదలైందన్నారు. గెలిచే అభ్యర్థులకే కాంగ్రెస్‌ టికెట్లు కేటాఇస్తుందని అన్నారు.