Telangana Elections 2018

హరీశ్‌రావు అభిమానులతో కిక్కిరిసిన మినిస్టర్స్ క్వార్టర్

Submitted by arun on Sat, 12/15/2018 - 11:46

రాజకీయాల్లో రికార్డుల మీద రికార్డులు సృష్టించిన టీఆర్‌ఎస్‌ నేత, సిద్దిపేట ఎమ్మెల్యే హరీష్‌రావుపై అభిమానం వెల్లువెత్తింది. తెలంగాణ ఎన్నికల్లో 1,18,699 ఓట్ల మెజారిటీతో గెలిచి చరిత్ర సృష్టించిన ఈ టీఆర్‌ఎస్‌ ట్రబుల్‌ షూటర్‌కు అభినందనలు తెలిపేందుకు ఆయన అభిమానగణం తరలింది. ఎమ్మెల్యే హరీశ్‌రావు అభిమానులతో మినిస్టర్స్ క్వార్టర్స్ సమీపంలో ట్రాఫిక్ జాం ఏర్పడింది. హరీష్‌రావును కలిసేందుకు అభిమానులు, కార్యకర్తలు భారీగా తరలివచ్చారు. హరీశ్‌ అభిమానులతో క్వార్టర్స్ కిక్కిరిసిపోయింది. వందలాది వాహనాల్లో హరీష్‌రావు అభిమానులు, కార్యకర్తలు అక్కడకు చేరుకున్నారు.

కారు ఓట్లు ట్రక్కుకు...పలుచోట్ల టీఆర్‌ఎస్ ఓటమికి ఈ గుర్తే కారణం?

Submitted by arun on Fri, 12/14/2018 - 14:44

తెలంగాణ ఎన్నికల్లో జెట్ స్పీడ్‌తో పరుగులు పెట్టిన కారుకు అనుకోని కష్టమొచ్చి పడింది. ప్రత్యర్ధులను ముచ్చెమటలు పట్టించిన కారు పార్టీకి అనుకోని స్పీడ్ బ్రేకులు వచ్చి పడ్డాయి.  కారు రూపంలో ఉన్న మరో గుర్తు  టీఆర్ఎస్‌ అభ్యర్ధుల విజయాలతో పాటు మెజార్టీలను తీవ్రంగా ప్రభావితం చేసింది. సెంచరీ అందుకోవాలని భావించిన కారు ఆశలను అడియాసలు చేసింది.   

రాష్ట్రాల్లో బీజేపీ ఓటమిపై స్పందించిన యోగి!

Submitted by chandram on Thu, 12/13/2018 - 18:24

తాజాగా ఐదు రాష్ట్రాలలో జరిగిన అసెంబ్లీ ఎన్నికల్లో  బీజేపీ గట్టి ఎదురుదెబ్బె తగిలిందని తెలిసిందే. మధ్యప్రదేశ్‌, రాజస్థాన్‌, ఛత్తీస్‌గఢ్‌లలో బీజేపీకి ఘోరపరజయం చవిచూసింది. ఈ మూడు స్థానాల్లో కాంగ్రెస్ తన సత్తా చాటుకుంది. అయితే కాంగ్రెస్‌ పార్టీ విజయాలపై ఎట్టకేలకు తాజాగా బీజేపీ స్టార్‌ క్యాంపెయినర్‌, యూపీ సీఎం యోగి ఆదిత్యానాథ్‌ స్పందించారు. కాంగ్రెస్ పార్టీ మోసపూరిత హామిలతోనే గెలిచిందన్నారు. కాంగ్రెస్ అడిన అబద్దాలు అతి త్వరలోనే వెలుగులోకి వస్తాయని అన్నారు. వీళ్ల అబద్దాలే త్వరలో బీజేపీ భవిష్యత్తు ఎన్నికల్లో తప్పకుండ లాభపడుతుందని ఆయన చెప్పుకొచ్చారు.

రాబోయే ఎన్నికలకు సిద్ధమవుతున్నాం: ఎల్ రమణ

Submitted by arun on Wed, 12/12/2018 - 17:49

దేశ రాజకీయాల్లో పెను మార్పులకు తెలంగాణ ప్రజాకూటమి దోహదపడుతుందన్నారు టీటీడీపీ అధ్యక్షుడు ఎల్.రమణ. రాబోయే ఎన్నికలకు సిద్ధమవుతున్నామని తెలిపారు. తెలుగుదేశం పార్టీపై బీజేపీ కుట్రలకు పాల్పడుతోందని తమను విమర్శించే హక్కు బీజేపీ నేతలకు లేదని అన్నారు. అధికారపక్ష దూకుడును కొంతవరకు అడ్డుకున్నామని తెలిపారు. గెలుపు, ఓటములు రాజకీయాల్లో సాధారణమే అని చెప్పారు.  ప్రజాస్వామ్య గొంతుకగా టీడీపీ పని చేస్తుందని తెలిపారు. హైదరాబాదులోని ఎన్టీఆర్ ట్రస్టు భవన్ లో మీడియాతో మాట్లాడుతూ ఆయన ఈ వ్యాఖ్యలు చేశారు. ఈ సందర్భంగా ఎన్నికల్లో గెలుపొందిన కేసీఆర్ కు శుభాకాంక్షలు తెలిపారు.

కేసీఆర్‌ రిటర్న్‌ గిఫ్ట్‌పై స్పందించిన చంద్రబాబు

Submitted by arun on Wed, 12/12/2018 - 16:04

రిటర్న్‌ గిఫ్ట్‌ ఇస్తానన్న కేసీఆర్‌ కామెంట్స్‌‌కు ఏపీ సీఎం చంద్రబాబు స్పందించారు. ప్రజాస్వామ్యంలో ఎవరు ఎక్కడికైనా వెళ్లవచ్చు రావొచ్చని వ్యాఖ్యానించారు. తెలంగాణలో ఎన్నికల ప్రచారానికి తాను వెళ్లానని అక్కడి సీఎం కేసీఆర్‌ ఆంధ్రప్రదేశ్‌కు వచ్చి తనకేదో గిఫ్ట్‌ ఇస్తానంటున్నారని అన్నారు. ప్రకాశం జిల్లా ఒంగోలులో జరిగిన జ్ఞాన భేరిలో పాల్గొన్న చంద్రబాబు ప్రజాస్వామ్యంలో ప్రజల్ని మెప్పించేందుకు ఎక్కడికైనా వెళ్లి రావొచ్చన్నారు. ఎన్టీఆర్‌ టీడీపీని తెలుగుజాతి కోసం పెట్టారని గుర్తు చేసిన చంద్రబాబు కొందరు అటూ ఇటూ లాలూచీ పడొచ్చేమోగానీ తాము మాత్రం తెలుగువారు ఎక్కడ ఉన్నా వారి కోసం పని చేస్తామన్నారు. 

కుదేలైన కూటమి...మట్టికరచిన మహామహులు

Submitted by arun on Wed, 12/12/2018 - 12:18

కేసీఆర్‌ను గద్దె దించడమే లక్ష్యమన్నారు ఆయన్ని ఫామ్‌ హౌజ్‌కే పరిమితం చేయడమే టార్గెట్‌ అన్నారు అందుకు ఎంతటి త్యాగాలకైనా సిద్ధం అన్నారు నాలుగు పార్టీలు కలిసి కూటమి కట్టారు. ముమ్మర ప్రచారం చేశారు కానీ ఫలితాల్లో ఆ కూటమి కుదేలయ్యింది. కనీసం చాలాచోట్ల పోటీ ఇవ్వలేక కకావికలం అయ్యింది. కారు జోరుకు కూటమి కూకటి వేళ్లతో సహా కూలిపోయింది. కూటమిలో పెద్దన్న పాత్ర పోషించిన కాంగ్రెస్‌ తిరుగులేని పరాజయం మూటగట్టుకుంది. 

దేశంలో మరో కొత్త పార్టీ...త్వరలోనే కొత్త పార్టీ వస్తుంద్న కేసీఆర్‌

Submitted by arun on Wed, 12/12/2018 - 12:05

తెలంగాణలో ఘన విజయం సాధించిన కేసీఆర్‌ ఇక ఢిల్లీపై కన్నేశారు. జాతీయ రాజకీయాల్లో కీలక పాత్ర పోషించేందుకు సిద్ధమయ్యారు. త్వరలోనే ఢిల్లీ వెళ్తానని చెప్పిన కేసీఆర్‌ జాతీయ రాజకీయాల్లోకి మరో కొత్త పార్టీ రాబోతున్నట్టు ప్రకటించారు. కేంద్రంలో బీజేపీ, కాంగ్రెస్‌యేతర ప్రభుత్వ ఏర్పాటే లక్ష్యంగా జాతీయ స్థాయిలో కొత్త పార్టీ రావాల్సిన ఆవశ్యకతను కేసీఆర్‌ వివరించారు. ఇందుకోసం ఎంఐఎం అధినేత అసదుద్దీన్‌తో కలిసి దేశవ్యాప్తంగా పర్యటించనున్నట్టు కేసీఆర్‌ ప్రకటించారు.
 

బాబు కాలుపెడితే బూడిదే

Submitted by arun on Wed, 12/12/2018 - 11:56

టీడీపీ, కాంగ్రెస్‌ల అపవిత్ర పొత్తును తెలంగాణ ప్రజలు విజ్ఞతతో తిప్పికొట్టారంటూ వ్యాఖ్యానించారు ఏపీ ప్రతిపక్ష నేత వైఎస్ జగన్‌.  ప్రజాసంకల్పయాత్రలో భాగంగా నిన్న శ్రీకాకుళం జిల్లాలో పాదయాత్ర చేస్తున్న ఆయన ఆముదాల వలసలో నిర్వహించిన బహిరంగ సభలో పాల్గొన్నారు. ఈ సందర్భంగా తెలంగాణ ఎన్నికల ఫలితాలను ప్రస్తావించిన ఆయన భస్మాసురుడు చేయి పెట్టినా చంద్రబాబు కాలు పెట్టినా అంతా బుడిదేనంటూ వ్యాఖ్యానించారు. తెలంగాణ ఎన్నికల ఫలితాలతో ఈ విషయం దేశం అంతా అర్థమైందంటూ  తెలిపారు. అవసరానికో పొత్తు పూటకో మాట, రోజుకో బాట పట్టే చంద్రబాబుకు ఏపీ ప్రజలు కూడా బుద్ది చెబుతారని జగన్ తేల్చిచెప్పారు.  
 

ఫలించిన కేసీఆర్ టీ.20 వ్యూహం...

Submitted by arun on Wed, 12/12/2018 - 11:40

తెలంగాణలోని 20 నియోజకవర్గాలపై ప్రత్యేక దృష్టిపెట్టిన కేసీఆర్ విస్తృత వ్యూహాన్ని అమలు చేశారు. ఆ స్థానాల్లో ఎలాగైనా గెలవాలన్న ఉద్దేశంతో సీనియర్ మంత్రులు, ఎంపీలు, ఇతర నేతలను ఇన్‌చార్జీలుగా నియమించి వారికి దిశానిర్దేశం చేశారు. ముందుగా 105 మంది అభ్యర్థులను ప్రకటించి ఆ తర్వాత ప్రతి వారం రోజులకోసారి సర్వేలు జరిపించారు. ఆ ఫలితాల ఆధారంగా 20 సమస్యాత్మక నియోజకవర్గాలను గుర్తించిన కేసీఆర్ బలమైన ప్రత్యర్థులను ఎదుర్కొనేందుకు చేసిన టీ.20 వ్యూహాలు ఫలించాయి.