bjp

బీజేపీ నుంచి ఒకే ఒక్కడుగా రాజాసింగ్...

Submitted by chandram on Tue, 12/11/2018 - 21:24

తెలంగాణలో 118 స్థానాల్లో పోటీ చేసిన బీజేపీ కేవలం ఒక్కటంటే ఒక్క సీటు గెలిచింది. హేమాహేమీలు సైతం ఓటమి చవిచూశారు. కొందరు నేతల డిపాజిట్లు గల్లంతయ్యాయి. బీజేపీ జాతీయ నేతలు ప్రచారం చేసినప్పటికీ ప్రయోజనం చేకూరలేదు. భారతీయ జనతాపార్టీ తెలంగాణలో 119 స్థానాల్లో 118 స్థానాల్లో పోటీ చేసింది. యువ తెలంగాణ పార్టీకి ఒక సీటు కేటాయించింది. పోటీ చేసిన 118 స్థానాల్లో ఒకేలం గోషా మహల్ సీటును మాత్రమే దక్కించుకుంది. రాజాసింగ్ మాత్రమే ప్రత్యర్ధులను తట్టుకుని విజయం సాధించారు. ముషీరాబాద్‌లో తెలంగాణ బీజేపీ అధ్యక్షుడు లక్ష్మణ్ ఓటమి చవిచూశారు. టీఆర్‌ఎస్ అభ్యర్థి ముఠా గోపాల్ చేతిలో ఓడిపోయారు.

హంగ్ దిశగా మధ్యప్రదేశ్ !

Submitted by chandram on Tue, 12/11/2018 - 14:37

మధ్యప్రదేశ్ లో ఎన్నికల ఫలితాలను చూస్తుంటే హంగ్ దిశగా పయనం చేస్తున్నాయి. అక్కడ బీజేపీ పార్టీ మరియు కాంగ్రెస్ కు మధ్య ‍హోరాహోరా మధ్య తీవ్ర ఉత్కంఠత పోటీ సాగుతోంది. అక్కడి ఫలితాలను బట్టి తప్పకుండ హంగ్ ఏర్పడే అవకాశాలు ఎక్కువగానే ఉన్నాయని ప్రముఖ రాజకీయ విశ్లేషకులు. మధ్యప్రదేశ్ లో ఇద్దరు మంత్రులు వెనకంజలో ఉన్నట్లు సమాచారం. కాంగ్రెస్ పార్టీ మాత్రం నెమ్మదిగా పుంజుకుంటున్నట్లు ఫలితాలు తెలుపుతున్నాయి. ఇక మధ్యప్రదేశ్ ఎన్నికల ఫలితాల నేపథ్యంలో అక్కడ కాంగ్రెస్ నాయకులు, కార్యకర్తలు కమల్ నాథ్ ఇంటి వద్ద సంబురాలు అంబరాన్ని అంటేలా టపాసులతో ఆనందం వ్యక్తం చేస్తున్నారు.

నరాలు తెగే ఉత్కంఠకు తెరపడాలంటే...మరి కొన్ని గంటలు

Submitted by chandram on Mon, 12/10/2018 - 19:02

తెలంగాణ అసెంబ్లీ ఓట్ల లెక్కింపుకు ఏర్పాట్లు చకచకా జరుగుతున్నాయి. ఈనెల 11న 31 జిల్లా కేంద్రాల్లో ఓట్ల లెక్కింపు జరగనుంది. ఆ రోజు మధ్యాహ్నం 12 గంటల నుంచి వరుసగా నియోజకవర్గాల ఫలితాలు వెల్లడికానున్నాయి. మధ్నాహ్నం 2.15 గంటలకు అన్నింటి లెక్కింపు పూర్తయ్యే అవకాశం ఉంది. మొదట్లో చార్మినార్ ఫలితం, చివర్లో యాకుత్ పుర ఫలితాలు రానున్నాయి. తెలంగాణలో అసెంబ్లీ  ఓట్ల లెక్కింపుకు సన్నాహాలు మొదలయ్యాయి. ఈనెల 11న 31 జిల్లా కేంద్రాల్లో ఓట్ల లెక్కింపు జరగనుంది. ఇందుకోసం 44 కేంద్రాలను సిద్ధం చేశారు.  రాష్ట్రవ్యాప్తంగా ఏర్పాటైన 44 లెక్కింపు కేంద్రాల్లో అత్యధికంగా హైదరాబాద్‌లో 13 ఉన్నాయి.

తెలంగాణలో ప్రజాకూటమిదే విజయం: చినరాజప్ప

Submitted by chandram on Mon, 12/10/2018 - 15:48

తెలంగాణలో ప్రజాకూటమి విజయం సాధిస్తుందని ఏపీ ఉపముఖ్యమంత్రి చినరాజప్ప అన్నారు. తెలంగాణలో ఓటింగ్‌ పెరగడం ప్రజాకూటమికి అనుకూలమన్నారు.  చంద్రబాబు ప్రచారంతో ప్రజల్లో భరోసా వచ్చిందన్న ఆయన  ప్రజల సంక్షేమం కోసం తపన పడే వ్యక్తి చంద్రబాబు అన్నారు. సోమవారం ఆయన కర్నూలులో మీడియా సమావేశం నిర్వహించారు ఈ సందర్భంగా చినరాజప్ప వ్యాఖ్యనించారు. రాష్ట్రంలో మైనారిటీలకు ముఖ్యమంత్రి చంద్రబాబు పెద్దపీట వేశారని డిప్యూటీ సీఎం చినరాజప్ప అన్నారు. రెండు తెలుగు రాష్ట్రాలను అణగదొక్కాలని బీజేపీ ప్రయత్నిస్తోందని విమర్శించారు. 

‘టీఆర్‌ఎస్‌కు మద్దతు ఇవ్వం’

Submitted by arun on Mon, 12/10/2018 - 13:14

తెలంగాణలో హంగ్ వస్తే టీఆర్ఎస్‌కు మద్దతిచ్చే అవకాశం లేదని బీజేపీ అధికార ప్రతినిధి కృష్ణ సాగరరావు స్పష్టం చేశారు. టీఆర్ఎస్‌కు మద్దతిస్తామని బీజేపీ నేతలు ఎవరూ ప్రకటించలేదని స్పష్టం చేశారు. అయితే బీజేపీ మద్దతును తిరస్కరిస్తున్నట్లు టీఆర్ఎస్ నేతలు ప్రకటించడం విడ్డూరంగా ఉందని కృష్ణ సాగరరావు ఎద్దేవా చేశారు. టీడీపీ మళ్లీ అమరావతికి సర్దుకోవాలని ఎద్దేవా చేశారు. రేపు (మంగళవారం) వెలువడే ఫలితాలు కాంగ్రెస్‌, టీడీపీ చెంప చెల్లుమనిపిస్తాయని జోస్యం చెప్పారు. టీపీసీపీ చీఫ్‌ ఉత్తమ్‌ కుమార్‌రెడ్డికి గడ్డం గీసుకునే యోగం లేదని, కొందరు కాంగ్రెస్‌ నేతలకు డబుల్‌ డిజిట్‌ ఓట్లు కూడా రావని అన్నారు.

2019 మోడీకి గడ్డుకాలమేనా?

Submitted by arun on Sat, 12/08/2018 - 12:00

మోడీ ప్రభ తగ్గిపోతోందా? వచ్చే సార్వత్రిక ఎన్నికల్లో బిజెపి గడ్డు పరిస్థితి ఎదుర్కొనక తప్పదా? ఎగ్జిట్ పోల్ ఫలితాలు ఇవే సంకేతాలు ఇస్తున్నాయి. వచ్చే పార్లమెంటు ఎన్నికల్లో మోడీ విజయానికి కీలకమైన రాష్ట్రంగా చెప్పుకునే మధ్యప్రదేశ్ లో మూడు ఛానెళ్లు కాంగ్రెస్ కే అనుకూలత ఉందని తేల్చగా, మరో రెండు ఛానెళ్లు మాత్రం బిజెపికి ఛాన్స్ ఉందని లెక్కలేస్తున్నాయి.

బీజెపీకి తప్పదట భారీ మూల్యం..? సర్వేలన్ని కాంగ్రెస్ వైపేనా.?

Submitted by chandram on Fri, 12/07/2018 - 21:48

2019 లోక్‌సభ ఎన్నికలకు సెమీఫైనల్స్ గా జరిగిన నాలుగు రాష్ట్రాల ఎన్నికల్లో అధికార బీజెపీకి ఎదురుగాలి వీస్తున్నట్లే కనిపిస్తోంది. ఐదు ప్రధాన ఛానెళ్లు నిర్వహించిన ఎగ్జిట్ పోల్స్ ఫలితాలు. కమలనాథులకు మింగుడు పడని విధంగా ఉన్నాయి. మరోవైపు హస్తం పార్టీ మూడురాష్ట్రాలలో అధికారం చేపట్టే అవకాశం ఎక్కువగా ఉంది. 2019లో భారత దశదిశను నిర్ణయించే లోక్ సభ ఎన్నికలకు సన్నాహం అన్నట్లుగా సాగిన నాలుగు రాష్ట్రాల ఎన్నికలు ముగియటమే కాదు వివిధ సంస్థలు, ఛానెళ్లు నిర్వహించిన ఎగ్జిట్ పోల్స్ ఫలితాలు. మూడు రాష్ట్రాలలో అధికార పార్టీగా ఉన్న బీజెపీకి మింగుడు పడని విధంగా ఉన్నాయి.

ఛత్తీస్ గఢ్ లో కింగ్ మేకర్ ఏవరు.? ఎగ్జిట్ పోల్స్ ఎం చెబుతున్నాయ్..?

Submitted by chandram on Fri, 12/07/2018 - 21:14

నువ్వా, నేనా అనే రీతిలో సాగిన ఛత్తీస్ గఢ్ అసెంబ్లీ ఎన్నికల్లో  కింగ్ మేకర్ గా అజిత్ జోగీ అవతరిస్తారన్నది జాతీయ ఛానెళ్ల ఎగ్జిట్ పోల్ సర్వే సారంశం. అటు బిజెపి, ఇటు కాంగ్రెస్ హోరా హోరీగా తలపడిన ఈ ఎన్నికల్లో  ఇద్దరికీ బరాబరి సీట్లు వస్తాయన్నది ఎగ్జిట్ పోల్ సర్వేల అంచనా. వరుసగా మూడు సార్లు ముఖ్యమంత్రి పీఠాన్ని అధిష్టించిన రమణ్ సింగ్ ఈసారి మాత్రం గడ్డు పరిస్థితిని ఎదుర్కొనక తప్పదంటున్నాయి ఎగ్జిట్ పోల్ సర్వేలు రమణ్ సింగ్  ప్రభుత్వంపై ఉన్న ప్రభుత్వ వ్యతిరేకత కాంగ్రెస్ కు వరంగా మారే అవకాశాలున్నాయన్న సంకేతాలిస్తున్నాయి ఎగ్జిట్ పోల్స్.

కాంగ్రెస్‌ అభ్యర్థి వంశీచంద్‌ రెడ్డిపై దాడి!

Submitted by arun on Fri, 12/07/2018 - 11:03

ఆమనగల్లు మండలంలోని జంగారెడ్డిపల్లిలో కాంగ్రెస్‌ అభ్యర్థి వంశీచంద్‌ రెడ్డిపై బీజేపీ కార్యకర్తలు దాడి చేశారు. ఆయనపై దాడి చేసిన ఈ ఘటనలో వాహనం అద్దాలు పగిలాయి. దీంతో అక్కడ ఉద్రిక్త పరిస్థితులు నెలకొన్నాయి. తీవ్రంగా గాయపడ్డ వంశీచంద్‌ రెడ్డిని హైదరాబాద్ నిమ్స్ కు తరలించారు. పోలింగ్‌ బూత్‌ను పరిశీలించడానికి వెళ్లిన ఆయనపై బీజేపీ నాయకులు దాడి చేసినట్టు సమాచారం.