Crime

కృష్ణాజిల్లాలో క్రూరత్వం.. మూడేళ్ల పసిబిడ్డపై..

Submitted by nanireddy on Tue, 07/10/2018 - 12:33

ఎంతకీ ఏడుపు ఆపడం లేదని అభం శుభం తెలియని పసిబిడ్డపై ఓ ఆయా ప్రతాపాన్ని చూపించింది . కృష్ణాజిల్లా పెదపారుపూడి మండలం భూషణగుళ్ల అంగన్ వాడీ కేంద్రంలో మూడేళ్ల చిన్నారి ఆపకుండా ఏడ్చాడు. ఎంతకీ నోరుమూయక పోవడంతో.. ఆయా కుమారికి ఎక్కడలేని కోపం వచ్చింది. దీంతో చిన్నారి నోట్లో కారం పెట్టి.. అరవకుండా నోరు మూసేసింది. ఈ తతంగాన్ని  చూసిన స్థానికులు.. విషయాన్ని తల్లిదండ్రులకు చెప్పడంతో.. వారు అంగన్ వాడీ కేంద్రం ఎదుట ఆందోళనకు దిగారు. సమాచారం తెలుసుకున్న అధికారులు.. ఆయా కుమారిపై శాఖా పరమైన చర్యలు తీసుకుంటామని హామీ ఇవ్వడంతో.. వారు ఆందోళన విరమించారు.

మూడు రోజుల పసికందు కిడ్నాప్‌..గంటలవ్యవధిలో కేసును చేధించిన పోలీసులు..

Submitted by nanireddy on Tue, 07/10/2018 - 12:06

ఆదిలాబాద్ రిమ్స్ ఆస్పత్రిలో మూడు రోజుల పసికందు కిడ్నాప్‌కు గురైంది. తెల్లవారుజామున మూడున్నర గంటల ప్రాంతంలో ప్రసూతి వార్డు నుండి మగబిడ్డను గుర్తు తెలియని వ్యక్తులు ఎత్తుకెళ్లారు. తల్లిపక్కలో ఉండాల్సిన చిన్నారి కనిపించకపోయే సరికి.. బంధువులు.. ఆస్పత్రి ఔట్ పోస్ట్ పోలీసులకు ఫిర్యాదు చేయడంతో అలర్టైన పోలీసులు.. సీసీటీవీ ఫుటేజ్‌ను క్షుణ్ణంగా పరిశీలించారు. ఇచ్చోడలో ఓ మహిళను అదుపులోకి తీసుకున్నారు. ఆమె నుండి బిడ్డను స్వాధీనం చేసుకున్నారు. సీసీటీవీ ఫుటేజ్ ను పరిశీలించిన పోలీసులు.. కిడ్నాపర్‌ను గుర్తించారు. ఐదు గంటల వ్యవధిలో కేసును ఛేదించారు.

ఒకే ఇంట్లో 11 మంది చనిపోవడానికి వెనుక విస్తుపోయే రహస్యం..

Submitted by nanireddy on Mon, 07/02/2018 - 15:11

 దేశవ్యాప్తంగా తీవ్ర సంచలనం సృష్టించిన ఒకే ఇంట్లో 11 మంది ఆత్మహత్యపై ఢిల్లీ పోలీసులు పలు కోణాల్లో దర్యాప్తు చేస్తున్నారు. అయితే వారు ఆత్మహత్య చేసుకున్నారా లేక ఎవరైనా హత్య చేశారా అన్న విషయంపై పోలీసులు ఎటూ తేల్చలేకపోతున్నారు. కానీ వాస్తవంగా బురారీ కుటుంబానికి విపరీతమైన భక్తి భావం ఉంది. దీనికితోడు మూఢవిశ్వాసాలను అపారంగా నమ్ముతారు. ఇందుకు కారణం గతంలో జరిగిన ఓ సంఘటనే అని తెలుస్తోంది. 

ఒకే ఇంట్లో 11 మంది మృతి కేసులో సంచలన విషయాలు..

Submitted by nanireddy on Mon, 07/02/2018 - 07:57

దేశ రాజధాని ఢిల్లీలో కలకలం రేపిన 11 మంది మృతి వెనుక సంచలన విషయాలు వెలుగులోకి వస్తున్నాయి. వారందరిది సామూహిక ఆత్మహత్యగా అనుమానిస్తున్నప్పటికీ.. ఈ విషాదంపై పలు అనుమానాలు వ్యక్తమవుతున్నాయి. కుటుంబంలోని ఓ వ్యక్తే అందర్నీ చంపి.. అనంతరం తానూ ఆత్మహత్య చేసుకొని ఉండొచ్చని కూడా పోలీసులు అనుమానిస్తున్నారు. ఆ కుటుంబం శనివారం రాత్రి తిన్న ఆహారంలో మత్తుపదార్థం ఉన్నట్లు ప్రాథమిక నివేదికలు అందడమే ఇందుకు కారణం. హత్యలకు పథకం రచించిన వ్యక్తి.. మత్తుతో అందరూ స్పృహ కోల్పోయాక ఒక్కొక్కరికీ ఉరి వేసి ఉండొచ్చని అనుమానం వ్యక్తమవుతోంది.

చంద్రిక హత్య కేసులో కొత్త కోణం.. ప్రియుడు..

Submitted by nanireddy on Sun, 07/01/2018 - 14:02

ప్రియుడితో రహస్యంగా ఫోనులో మాట్లాడుతోందనే అనుమానంతో చంద్రిక అనే యువతిని ఆమె తండ్రి కర్రతో కొట్టి చంపిన ఘటనలో కొత్తకోణం వెలుగులోకి వచ్చింది. శుక్రవారం చంద్రిక తల్లిదండ్రుల మధ్య గొడవలో జరిగిన పొరపాటు కారణంగా చంద్రికను తండ్రి హత్య చేసినట్టు భావిస్తున్నారు. మరోవైపు ఆమె ఫోన్‌లో మాట్లాడిన యువకుడిని పోలీసులు ప్రశ్నించగా తమ ఇద్దరి మధ్య ప్రేమ ఉన్నట్లు అంగీకరించాడు. తమ ప్రేమ విషయాన్ని చంద్రిక ఇంట్లో చెప్పడంతోనే ఈ దారుణం జరిగిందని వెల్లడించాడు. కాగా కృష్ణాజిల్లా చందర్లపాడు మండలంలో కోటయ్య కుమార్తె చంద్రిక(24) ఇటీవల బీఫార్మసీ పూర్తిచేసి ఎంఫార్మసీ లో చేరారు.

ఒకే ఇంట్లో 11 మృతదేహాల కలకలం..

Submitted by nanireddy on Sun, 07/01/2018 - 11:35

దేశ రాజధాని ఢిల్లీలో ఘోరం జరిగింది. బురారీలోని ఒకే ఇంట్లో 11 మంది ఆత్మహత్య చేసుకున్నారు. మృతుల్లో  ఏడుగురు మహిళలు, నలుగురు పురుషులు ఉన్నారు.  ఒకే ఇంట్లో అంతమంది మరణించారనే వార్త.. కలకలం రేపుతోంది. అందరూ ఉరి వేసుకుని ఉండి. కళ్లు, నోళ్లు కట్టేసి ఉండడం పలు అనుమానాలను కలిగిస్తోంది. మృతుల కుటుంబానికి ఫర్నిచర్ , కిరాణా దుకాణాలున్నాయి. వ్యాపారంలో నష్టాలు రావడం వల్ల ఆత్మహత్యలు చేసుకున్నారా.. లేక .. ఎవరైనా హత్య చేసారా అన్న దానిపై విచారణ సాగుతోంది. మృతులు కొంతకాలంగా ఆర్ధిక ఇబ్బందుల్లో ఉన్నట్టు స్థానికులు చెబుతున్నారు. 

యువకుడు దారుణ హత్య.. పరారీలో తండ్రి!

Submitted by nanireddy on Sun, 07/01/2018 - 08:26

పెద్దపల్లి  జిల్లాలో దారుణం చోటుచేసుకుంది. పెద్దపల్లి ఓదెల మండలం ఉప్పరపల్లెలో ఓ యువకుడు దారుణ హత్యకు గురయ్యాడు. గుర్తుతెలియని వ్యక్తులు అతన్ని గొడ్డలితో నరికి పరారయ్యారు.కాగా యువకుడిని అతని తండ్రేహత్య 
చేసినట్టు స్థానికులు అనుమానం వ్యక్తం చేస్తున్నారు. తండ్రి ప్రస్తుతం పరారీలో ఉన్నాడు. కొంతకాలంగా తండ్రి కొడుకుల మధ్య  ఘర్షణలు జరుగుతున్నట్టు స్థానికులు చెబుతున్నారు.కుటుంబసభ్యుల ఫిర్యాదు మేరకు పోలీసులు సంఘటనా స్థలానికి చేరుకుని దర్యాప్తు చేపడుతున్నారు. 

కులాల అడ్డు.. ప్రేమజంట ఆత్మహత్య!

Submitted by nanireddy on Sat, 06/30/2018 - 08:23

పెద్దలు తమ ప్రేమను అంగీకరించలేదని ప్రేమజంట బలవన్మరణానికి పాల్పడ్డారు. ఈ ఘటన తమిలనాడు రాష్ట్రం కృష్ణగిరి జిల్లా మాదినాయన్‌పల్లిలో జరిగింది. మాదినాయన్‌పల్లి మండలం  ఇంద్రానగర్‌కు చెందిన  అశోక్‌ (19). అదే ప్రాంతానికి మాదేవి (19). ఓ ప్రైవేటు సంస్థలో పనిచేస్తున్నారు. ఒకే గ్రామంలో నివసిస్తున్న అశోక్, మాదేవికి మధ్య పరిచయం ఏర్పడి ప్రేమగా మారింది. ఇద్దరు రెండేళ్లుగా ప్రేమించుకుంటున్నారు. ఈ విషయం ఇరుకుటుంబాలకు తెలిసి వారిని మందలించారు. అయితే తాము విడిపోమని.. తమకు పెళ్లి చెయ్యాలని కుటుంబసభ్యుల్ని వేడుకున్నారు. ఇద్దరి కులాలు వేరని పెళ్ళికి ససేమీరా అన్నారు. దీంతో మనస్థాపం చెంది విషం తాగారు.

పరువు కోసం హత్య.. స్కెచ్ వేసింది అతనే!

Submitted by nanireddy on Fri, 06/29/2018 - 09:08

తల్లి తన బిడ్డల బాగుకోరుతుంది. కానీ ఈ కొడుకు తల్లి చావు కోరాడు. కర్రతో కొట్టి, గొంతు నులిమి అత్యంత దారుణంగా చంపేశాడు. పేగు తెంచుకుపుట్టిన కొడుకే తన ప్రాణాలు తీస్తాడని ఆ తల్లి ఊహించలేదు.. బుధవారం హైదరాబాద్ లోని ఎల్లారెడ్డి గూడలో కన్న తల్లిని కొడుకే హత్య చేసిన సంఘటన సంచలనం రేపింది. చిట్టీల పేరుతో తల్లి మమత అప్పులు మిగిలించిందన్న కారణంగా ఆమెను తీవ్రంగా కొట్టి హతమార్చాడు కొడుకు మదన్. అయితే ఈ హత్యలో ఆమె భర్త హస్తం కూడా ఉన్నట్టు  మమత తండ్రి చెబుతున్నారు..

పరువు పోతోందని తల్లిని హతమార్చిన కుమారుడు

Submitted by nanireddy on Thu, 06/28/2018 - 08:21

తన పరువుపోతుందని కన్న తల్లిని దారుణంగా హత్య చేసాడో కొడుకు. ఈ ఘటన హైదరాబాద్ ఎల్లారెడ్డి గూడలో జరిగింది. వివరాల్లోకి వెళితే ఎల్లారెడ్డి గూడకు చెందిన మమతా కొంతకాలంగా చిట్టీల వ్యాపారం నిర్వహిస్తుంస్తోంది. అయితే ఈ మధ్యకాలంలో వ్యాపారంలో బాగా నష్టాలు వచ్చాయి. ఈ క్రమంలో నష్టాలను పూడ్చేందుకు మమత అప్పులు చేసింది. అయితే అప్పులు ఇచ్చిన వారు తమ డబ్బు తిరిగి ఇచ్చెయ్యమని రోజు ఇంటివద్ద గొడవకు దిగుతున్నారు. దీంతో