Just In

కువైట్‌లో మూడు రోజులుగా భారీ వర్షం

Submitted by arun on Thu, 11/15/2018 - 12:08

కువైట్‌ దేశాన్ని భారీవర్షాలు అతలాకుతలం చేశాయి. మూడు రోజులుగా బారీ వర్షం కురుస్తుండగా, మరో రెండు రోజులు వర్షాలు ఉంటాయని అక్కడి వాతావరణ శాఖ స్పష్టం చేసింది. దీంతో ప్రభుత్వం తక్షణ చర్యలు చేపట్టింది. అంతేకాకుండా ఇంట్లో నుండి బయటికి రావొద్దని అని కూడా హెచ్చరికలు జారీ చేసింది. ప్రభుత్వ, ప్రైవేట్ పాఠశాలలకు సెలవులు ప్రకటించారు. ఇప్పటికే సహయకచర్యలు చేపట్టేందుకు ప్రభుత్వం రక్షణ దళాలను రంగంలోకి దించింది. ఎప్పటికప్పుడు ప్రమాద పరిస్థితులు తెలుసుకోనేందుకు టోల్ ఫ్రీ నెంబర్లు ఏర్పాటు చేసింది. ఎటువంటి విపత్కర పరిస్థితులు సంబంధించిన వెంటనే  టోల్ ప్రీం నంబర్లకు సమాచారం ఇవ్వాలని సూచించింది.  

టీఆర్ఎస్ లోనూ రెడ్లదే ఆధిపత్యం

Submitted by arun on Thu, 11/15/2018 - 11:53

తెలంగాణలోని 119 అసెంబ్లీ నియోజకవర్గాల్లో 117 నియోజకవర్గాలకు పోటీ పడే అభ్యర్థులను ప్రకటించిన తెలంగాణ రాష్ట్ర సమితి, రెడ్డి సామాజిక వర్గానికే అధిక ప్రాధాన్యత ఇచ్చారు. ఇప్పటివరకూ ప్రకటించిన సీట్లలో ఓసీలకు 58, బీసీలకు 24 సీట్లు దక్కగా, ఎస్సీలకు 19, ఎస్టీలకు 12, సిక్కులకు ఒకటి దక్కాయి. టిఆర్‌ఎస్ పార్టీ ఇప్పటి వరకు 2 విడతలుగా 117 మంది అభ్యర్ధుల పేర్లను వెల్లడించింది. ఇప్పటి వరకు ప్రకటించిన అభ్యర్ధులను సామాజిక వర్గాల వారీగా పరిశీలిస్తే, రెడ్లకు 37, వెలమలకు 12, మున్నూరు కాపులకు 8, గౌడలకు 6, యాదవులకు 5 సీట్లు లభించాయి.

Tags

భూపతిరెడ్డి తన పదవికి రాజీనామా చేయాలి

Submitted by arun on Thu, 11/15/2018 - 11:25

మహాకూటమి దొంగల కూటమన్నారు ఎంపీ కవిత. వారికి అధికారమిస్తే తెలంగాణకు ద్రోహం చేస్తారని అన్నారు. తెలంగాణ లో కాంగ్రెస్ కు ఓటు వేస్తే టీడీపీకి ఓటు వేసినట్లేనని చెప్పారు. మహాకూటమి అభ్యర్థులను ప్రకటించడంలో అపసోపాలు పడుతుందని ఎద్దేవా చేశారు. ఎమ్మెల్సీ భూపతిరెడ్డి పదవికి రాజీనామా చేయాలని కవిత డిమాండ్ చేశారు. చంద్రబాబుతో పొత్తు ఎందుకో కాంగ్రెస్ సమాధానం చెప్పాలన్నారు. కూటమి కుట్రలను ప్రజలు గమనించాలని కోరారు. నిరంతరం ప్రజల మధ్య ఉంటున్న వారినే మళ్లీ గెలిపించాల్సిందిగా ఆమె పిలుపునిచ్చారు. ప్రజా నాయకుడు బాజిరెడ్డి గోవర్దన్‌ని మళ్లీ గెలిపించాలని కోరుతున్నట్లు పేర్కొన్నారు.

నేడు తీరం దాటనున్న ‘గజ’

Submitted by arun on Thu, 11/15/2018 - 11:17

గజ తుపాను ఇవాళ తీరం దాటనుందని, ఏడు జిల్లాలలో భారీ వర్షాలు పడే అవకాశం ఉందని చెన్నై వాతావరణ శాఖ ప్రకటించింది. గజ తుపాను ప్రస్తుతం చెన్నై నుంచి 490, నాగై నుంచి 580 కిలో మీటర్ల దూరంలో కేంద్రీకృతమైందని వాతావరణశాఖ అధికారులు తెలిపారు. గత ఆరు గంటల్లోనే 10 కిలో మీటర్ల వేగంతో  కదులుతూ మరింత బలపడుతోందని, ఇవాళ సాయంత్రం కడలూరు- పాంబన్‌ మధ్య తీరం దాటుతుందని తెలిపారు. అప్పుడు కడలూరు, నాగపట్టణం, కారైక్కాల్‌, తిరువారూరు, తంజావూరు, పుదుకోట, రామనాథపురం జిల్లాలలో గంటకు 80  నుంచి 90 కిలో మీటర్ల వేగంతో గాలులు వీచే అవకాశం ఉందని తెలిపారు.

అక్రమాస్తుల కేసులో జడ్జి వరప్రసాద్ అరెస్ట్

Submitted by arun on Thu, 11/15/2018 - 11:02

ఆదాయానికి మించిన ఆస్తుల కేసులో రంగారెడ్డి జిల్లా 14వ అదనపు జిల్లా జడ్జి వరప్రసాద్ ఏసీబీకి చిక్కారు. వరప్రసాద్‌కు సంబంధించిన ఇళ్లల్లో సోదాలు నిర్వహించిన ఏసీబీ అధికారులు 3కోట్ల విలువైన అక్రమ ఆస్తులను గుర్తించారు. దీంతో హైకోర్టు ఆదేశాల మేరకు ఏసీబీ అధికారులు ఆయనపై కేసు నమోదు చేశారు. మేజిస్ట్రేట్ ఆయనకు 14 రోజుల రిమాండ్ విధించడంతో చంచల్‌గూడ జైలుకు తరలించారు. 

స్టార్ క్యాంపేయినర్లకు ఈసీ షరతులు

Submitted by arun on Thu, 11/15/2018 - 10:57

ఎన్నికలు వచ్చాయంటే చాలు స్టార్ క్యాంపేనర్లు తెరపైకి వస్తుంటారు తమకున్న షరిష్మ వాగ్దాటి. పదునైన మాటలతో అభ్యర్ధుల తరపున ప్రచారంలో ఆకట్టుకుంటారు. అయితే ఈసారి ఎన్నికల్లో స్టార్ కాంపేనర్లు ఈసీ కొత్తగా సూచనలు జారీ చేసింది. అనుమతి పొందిన తర్వాతే  క్షేత్రస్థాయిలో ప్రచారంలోకి వెళ్లాలంటోంది.

కాసేపట్లో కాంగ్రెస్ థర్డ్ లిస్ట్ విడుదల

Submitted by arun on Thu, 11/15/2018 - 10:44

తెలంగాణలో కాంగ్రెస్ థర్డ్ లిస్ట్‌ విడుదలకు రంగం సిద్ధమైంది. కాసేపట్లో ఏఐసీసీ ఇన్‌చార్జి సెక్రటరీలు, పీసీసీ చీఫ్ భేటీ అయి జాబితాను ఖరారు చేయనున్నారు. ఇప్పటిదాకా విడుదలైన జాబితాల్లో కొందరు సీనియర్ల పేర్లు కనపించలేదు. ముఖ్యంగా జనగామ, తుంగతుర్తి, సనత్‌నగర్, ఎల్‌బి.నగర్‌లలో అభ్యర్థులపై క్లారిటీ రాలేదు. దీంతో ఇప్పటికే టిక్కెట్టు రాని సీనియర్లు ఉత్కంఠగా ఎదురు చూస్తున్నారు. 

మహా కూటమిలో మళ్లీ మొదటికొచ్చిన సీట్ల పంచాయతీ

Submitted by arun on Thu, 11/15/2018 - 10:32

కూటమిలో సీట్ల పంచాయతీ మళ్లీ మొదటికొచ్చింది. తెలంగాణ జనసమితికి కేటాయించే సీట్లపై కాంగ్రెస్‌ క్లారిటీ ఇవ్వకపోవడంతో తాము పోటీ చేయబోయే 12 స్థానాలను టీజేఎస్‌ సొంతంగా ప్రకటించుకుంది. అంతేకాదు ఈ 12 నియోజకవర్గాల్లో ఫ్రెండ్లీ ఫైట్‌‌కు ఛాన్సే లేదని టీజేఎస్‌ ఖరాఖండిగా తేల్చిచెప్పింది. పైగా తాము ప్రకటించుకున్న సీట్లే టీజేఎస్‌ అధికారిక జాబితా అంటూ ప్రకటించింది.

కేసీఆర్‌ ఆస్తులు.. అప్పులు

Submitted by arun on Thu, 11/15/2018 - 10:24

నాలుగున్నరేళ్లు సీఎంగా పనిచేస్తున్న కేసీఆర్‌కు ఎంత ఆస్తి ఉంటుంది..? స్థిరాస్తులు ఎన్ని..? చరాస్తులు ఎన్ని..? కేసీఆర్ అప్పులు కూడా చేశారా..? ఆయనకు అప్పులు ఇచ్చిన వారు ఎవరు..? ఆయన ఎవరెవరి వద్ద ఎన్నెన్ని అప్పులు చేశారు..? కేసీఆర్ తాజా అఫిడవిట్ తో ఇలాంటి సమాచారం బయటకు వచ్చింది.
  

టీఆర్ఎస్ 2వ జాబితా విడుదల

Submitted by nanireddy on Thu, 11/15/2018 - 06:33

 సెప్టెంబర్ ఆరు నుంచి రోజురోజుకు ఉత్కంఠ రేపుతున్న టీఆర్ఎస్ రెండో జాబితా ఎట్టకేలకు విడుదలైంది. ఇప్పటికే 107 మంది అభ్యర్థులను ప్రకటించిన టీఆర్ఎస్ రెండోజాబితాలో 10 మంది అభ్యర్థులను ప్రకటించింది. మరో రెండు స్థానాలను పెండింగ్ లో పెట్టింది. కోదాడ, ముషీరాబాద్ నియోజకవర్గాలకు అభ్యర్థులను ప్రకటించలేదు.