hyderabad

వందేళ్ల చరిత్రను బ్రేక్ చేసిన డిసెంబర్

Submitted by chandram on Fri, 12/14/2018 - 13:48

ఈ సంవత్సరంలో డిసెంబర్ నెల వందేండ్ల చరిత్రను బ్రేక్ చేసింది. గురువారం సాయంత్రం నుండి హైదరాబాద్ నగరంలో ఆకాశం మొత్తం మేఘావృతమైంది. నిన్న రాత్రి నుండి నేటి ఉదయం 8:30 గంటల వరకు రికార్డు స్థాయిలో 46.6మి. మీటర్ల వర్షపాతం నమోదైంది. 1918వ సంవత్సరం డిసెంబర్ 1వ తేదీన భాగ్యనగరంలో 44.5 మి.మీ. వర్షపాతం నమోదైనట్లు వాతారణ శాఖ అధికారులు వెల్లడించారు. ఆ రోజు నుండి నేటి వరకు డిసెంబర్ నెలలో ఈ విధంగా అత్యధికంగా వర్షపాతం నమోదు కాలేదని స్పష్టం చేసింది. నిన్న రాత్రి నుండి ఎడతెరిపిలేని వర్షానికి భాగ్యనగరం చుట్టూ ఉన్న మేడ్చల్, సంగారెడ్డి, రంగారెడ్డి జిల్లాల్లో అత్యధికంగా వర్షపాతం నమోదైంది.

కేటీఆర్‌కు కీలక బాధ్యతలు అప్పగించిన కేసీఆర్

Submitted by arun on Fri, 12/14/2018 - 10:13

టీఆర్‌ఎస్‌ వర్కింగ్‌ ప్రెసిండెంట్‌గా కేటీఆర్‌ నియమితుడయ్యారు. దేశ రాజకీయాలపై తాను దృష్టి సారించాల్సి ఉన్నందున  కేటీఆర్‌కు భాద్యతలు అప్పగిస్తున్నట్టు  కేసీఆర్ ప్రకటించారు. ఇటీవల జరిగిన జరిగిన శాసనసభ ఎన్నికల్లో టీఆర్‌ఎస్‌పార్టీ భారీ మెజార్టీతో గెలిచి నిన్న ముఖ్యమంత్రి కేసీఆర్ ప్రమాణ స్వీకారం చేసిన సంగతి తెలిసిందే.

లక్షల ఓట్లు గల్లంతు!

Submitted by chandram on Sun, 12/09/2018 - 11:51

తెలంగాణ ఏర్పాటు తర్వాత తొలిసారి జరిగిన అసెంబ్లీ ఎన్నికల్లో చాలా మంది ఓటు హక్కు ఉపయోగించుకోలేకపోయారు. ఓటు వేద్దామని వచ్చి వేయలేక తిరిగి వెళ్ళిన వారెందరో ఉన్నారు. దీనికి కారణం ఓటర్ల జాబితాలో వారి పేర్లు లేకపోవడమే. ఓటు నమోదు చేసుకున్నా వారి పేర్లు జాబితాలో కనిపించకపోవడమే. ఓట్లు గల్లంతయిన వారి సంఖ్య వందలు వేలల్లో కాదు లక్షల్లో ఉందంటే ఎవరైనా సరే అవాక్కవ్వాల్సిందే. అవును ఇది నిజం. పలు తెలంగాణ జిల్లాల్లో లక్షల సంఖ్యలో ఓట్లు మాయమయ్యాయి. గ్రేటర్ హైదరాబాద్‌ పరిధిలోని 24 నియోజకవర్గాలతో పాటు ఆదిలాబాద్, కుమ్రం భీం జిల్లా వనపర్తి, నిజమాబాద్, కామారెడ్డి జిల్లాల్లో భారీగా ఓట్ల గల్లంతు జరిగింది.

స్ట్రాంగ్‌ రూముల వద్ద కాంగ్రెస్‌ కాపలా

Submitted by chandram on Sun, 12/09/2018 - 10:42

పోలింగ్‌ ముగిసి- ఈవీఎంలన్నీ స్ట్రాంగ్‌ రూములకు చేరడంతో ఇపుడు అందరి దృష్టీ వాటి భద్రతపైకి మళ్లింది. ఈవీఎంలను ట్యాంపరింగ్‌ చేసే అవకాశాలున్నట్లు అనుమానాలు రావడంతో  స్ట్రాంగ్‌ రూముల వద్ద నిరంతర కాపలాకు తమ పార్టీ బృందాలను అనుమతించాలని కాంగ్రెస్ ఎన్నికల కమిషన్‌కు విజ్ఞప్తి చేసింది. సీఈఓ రజత్‌ కుమార్‌ వెంటనే అందుకు అనుమతి ఇచ్చారు. అటు కేంద్ర ఎన్నికల సంఘం కూడా తెలంగాణ సహా అసెంబ్లీ ఎన్నికలు జరిగిన అన్ని రాష్ట్రాలకూ ప్రత్యేక హెచ్చరికలు జారీ చేసింది. 

నరాలు తెగే ఉత్కంఠ.. కౌంటింగ్‌కు మొదలైన కౌంట్ డౌన్

Submitted by chandram on Sun, 12/09/2018 - 10:35

ఓట్ల లెక్కింపు ఘట్టానికి సన్నాహాలు మొదలయ్యాయి. ఈనెల 11న 31 జిల్లా కేంద్రాల్లో ఓట్ల లెక్కింపు జరగనుంది. ఇందుకోసం 44 కేంద్రాలను సిద్ధం చేశారు. నియోజకవర్గాలవారీగా ఓట్లను మదింపు చేసేందుకు వీలుగా బెంచీలు, ఈవీఎంలను క్రమపద్ధతిలో అమర్చడం ఇప్పటికే పూర్తయింది. జిల్లాల వారీగా ఓట్ల లెక్కింపు కేంద్రాలు ఎక్కడెక్కడున్నాయో ఎన్నికల అధికారులు ప్రకటించారు. రాష్ట్రవ్యాప్తంగా ఏర్పాటైన 44 లెక్కింపు కేంద్రాల్లో అత్యధికంగా హైదరాబాద్‌లో 13 ఉన్నాయి. రంగారెడ్డి జిల్లాలో 2 కేంద్రాలు సిద్ధమయ్యాయి. మిగిలిన జిల్లాల్లో ఒక్కో కేంద్రం చొప్పున ఏర్పాటు చేశారు. 

ఓట్ల లెక్కింపునకు విస్తృత ఏర్పాట్లు

Submitted by arun on Sat, 12/08/2018 - 13:15

11న హైదరాబాద్ జిల్లాలో కౌంటింగ్‌కు విస్తృత ఏర్పాట్లు చేసినట్లు ఎన్నికల అధికారి దాన కిషోర్‌ తెలిపారు. 15 కేంద్రాలలో ఓట్ల లెక్కింపు ఉంటుందని, ఈవీఎంలు భద్రపరిచిన స్ట్రాంగ్ రూమ్‌లకు మూడంచెల భద్రతను ఏర్పాటు చేసినట్లు ఆయన చెప్పారు. ప్రతీ లెక్కింపు కేంద్రంలో 14 టేబుళ్లు , రిటర్నింగ్ అధికారికి ప్రత్యేక టేబుల్‌ను ఏర్పాటు చేశామని దాన కిషోర్ వెల్లడించారు. ప్రతి టేబుల్ వద్ద కౌంటింగ్ సూపర్‌వైజర్‌, అసిస్టెంట్ సూపర్‌ వైజర్‌, మైక్రో అబ్జర్వర్ ఉంటారన్నారు. ఓట్ల లెక్కింపు సిబ్బందికి తొలివిడత శిక్షణ పూర్తి అయిందని, 10న రెండవ విడత శిక్షణ ఉంటుందని చెప్పారు. ప్రతి టేబుల్‌కు ఒక కౌంటింగ్ ఏజెంట్‌ ఉంటారన్నారు.

హైదరాబాద్ పాతబస్తీలో దొంగ ఓట్ల కలకలం

Submitted by arun on Sat, 12/08/2018 - 11:32

తెలంగాణ శాసనసభ ఎన్నికల పోలింగ్ ప్రశాంతంగా ముగిసింది. ఎలాంటి అవాంఛనీయ ఘటనలు చోటుచేసుకోకపోవడంతో అధికారులు ఊపిరి పీల్చుకున్నారు. స్వల్ప ఉద్రిక్తతలు మినహా పోలింగ్ సజావుగా సాగిందని ఎన్నికల కమిషన్ ప్రకటించింది. అయితే, హైదరాబాద్ పాతబస్తీలో దొంగ ఓట్ల కలకలం రేగింది. సిరా చుక్క చెరిపేసి కొందరు మహిళలు పదే పదే ఓట్లు వేశారు. చార్మినార్, చంద్రాయణగుట్ట, యకుత్ పురాల్లో ఈ సైకిలింగ్ ఓటింగ్ యదేచ్ఛగా కొనసాగింది. దొంగనోట్లపై ఎలక్షన్ కమిషన్ ఆగ్రహం వ్యక్తం చేసింది. 

ఈ నగరానికి ఏమైంది : కొరటాల శివ

Submitted by chandram on Fri, 12/07/2018 - 17:33

తెలంగాణ వ్యాప్తంగా అసెంబ్లీ ఎన్నికల వాతావరణం నెలకొంది. ఓటర్లు తమ బాధ్యతగా వారి ఓటు హక్కును వినియోగించుకున్నారు. అయితే హైదరాబాద్ మహానగరంలో ఎన్నికల పోలింగ్ శాతంపై ప్రముఖ సినీ దర్శకుడు కొరటాల శివ స్పందించాడు. అసలు ఈ హైదరాబాద్ మహానగరానికి ఏమైందని సమయం 3గంటలు దాటింది. ఇప్పటి వరకు 35శాతమే నమోదు కావడం సిగ్గుచేటు అని అసంతృప్తి వ్యక్తం చేశారు. హైదరాబాద్ నగర ఓటర్లపై తీవ్రస్థాయిలో అని ట్విటర్‌లో మండిపడ్డారు. గతంలోనూ హైదరాబాద్ లో 50శాతం మించలేదు. కాగా తెలంగాణ వ్యాప్తంగా 56.17 శాతమే పోలింగ్ నమోదైంది. అత్యధికంగా ఒక్క మెదక్ నియోజకవర్గంలో ఓటర్లు తమ ఓటును భారీ సంఖ్యలో వినియోగించుకున్నారు.

ఐమ్యాక్స్‌ వద్ద ప్రేక్షకుల ఆందోళన

Submitted by chandram on Fri, 12/07/2018 - 13:11

డిసెంబర్ 7కోసం అందరూ ఉత్కంఠగా ఎదురుచూశారు. శుక్రవారం తెలంగాణ అసెంబ్లీ ఎన్నికల నేపథ్యంలో తెలంగాణ అంతటా జోరుగా ఎన్నికలు జరుగుతున్నాయి. కాగా ఎన్నికల సందర్భంగా నేడు అన్ని  ప్రయివేటు, ప్రభుత్వ కార్యాలయాలు, పాఠశాలలు, ప్రయివేట్ సంస్థలకు సెలవు దినంగా ఈసి ప్రకటించిన విషయం తెలిసిందే. ఈ సందర్భంగా తెలంగాణ అంతటా ఎక్కడిక్కడ బంద్ వాతావరణం కనిపిస్తుంది. అయితే కొందరు సెలువు దినాన్ని అదునుగా చేసుకొని సినిమా థియేటర్ల వైపు బాట పట్టారు. కాగా నగరంలోని ఐమ్యాక్స్ థియేటర్ కు కొందరు సినీ అభిమానులు చేరుకున్నారు. ఎన్నిల కోడ్ నేపథ్యంలో నేటి ఉదయం షో ను ప్రదర్శించలేదు.