Nadendla Manohar

నేడు జనసేనలోకి నాదెండ్ల మనోహర్..

Submitted by arun on Fri, 10/12/2018 - 10:08

ఉమ్మడి ఆంధ్రప్రదేశ్ మాజీ స్పీకర్ నాదెండ్ల మనోహర్ ఈరోజు జనసేన పార్టీలో చేరనున్నారు. కాంగ్రెస్ పార్టీకి రాజీనామా చేసిన మనోహర్ జనసేన అధినేత పవన్ కల్యాణ్ తో కలిసి తిరుమల వెళ్లారు. స్వామివారి దర్శనం అనంతరం జనసేన తీర్థం పుచ్చుకోనున్నారు.
కొద్ది రోజులుగా పార్టీ కార్యక్రమాలకు దూరంగా ఉంటున్న మనోహర్ తాజాగా ఈ నిర్ణయం తీసుకున్నారు. ఏపీలో పార్టీ బలోపేతం అయ్యేందుకు గ్రౌండ్ వర్క్ చేస్తున్న సమయంలో మనోహర్ పార్టీని వీడటం కాంగ్రెస్‌‌కు గట్టి ఎదురు దెబ్బ తగిలినట్లయ్యింది. 

పవన్ కల్యాణ్‌తో మాజీ స్పీకర్ నాదెండ్ల మనోహర్ భేటీ

Submitted by arun on Sat, 06/23/2018 - 14:28

మాజీ స్పీకర్ నాదెండ్ల మనోహర్.. విజయవాడలోని జనసేన అధినేత పవన్ కల్యాణ్‌ కొత్తింట్లో భేటీ అయ్యారు. అరగంట పాటు ఇద్దరూ సమావేశమయ్యారు. ఏపీలో నెలకొన్న తాజా రాజకీయ పరిస్థితుల నేపథ్యంలో.. పవన్, నాదెండ్ల మనోహర్ భేటీ ప్రాధాన్యత సంతరించుకుంది. కాంగ్రెస్ పార్టీ అధినేత రాహుల్ గాంధీతో నాలుగు రోజుల క్రితమే నాదెండ్ల మనోహర్ తో పాటు, ఇతర ఏపీ కాంగ్రెస్ నేతలు భేటీ అయ్యారు. రాష్ట్రంలో పార్టీ బలోపేతంపై చర్చించారు. ఇంతలోనే పవన్ తో మనోహర్ భేటీ కావడం రాష్ట్ర రాజకీయాల్లో చర్చనీయాంశంగా మారింది. వివిధ అంశాలతో పాటు, ఏపీలో నెలకొన్న పరిస్థితులపై వీరిద్దరూ చర్చించినట్టు సమాచారం.