bike racers

బెజవాడలో రెచ్చిపోతున్న బైక్‌ రేసర్లు

Submitted by arun on Thu, 06/14/2018 - 12:14

బెజవాడలో యువకులు బైక్ రేసింగ్‌లతో రెచ్చిపోతున్నారు. అర్థరాత్రివేళ మితిమీరిన వేగంతో బైకులను దూకిస్తున్నారు. దీంతో రోడ్డుపై వెళుతున్నవారు భయపడే పరిస్థితి నెలకొంది. కనకదుర్గమ్మ వారధి, కృష్ణలంక నేషనల్ హైవేపై ఈ బైక్ రేసింగ్‌లు ఎక్కువగా జరుగుతున్నాయి. అసలే ఇరుకు రోడ్లు, ఇలాంటి రోడ్లపై సాధారణ ప్రయాణమే కష్టం. అలాంటి చోట రేస్‌లంటే ఎంత ప్రమాదమో అర్థం చేసుకోవాలి. ఈ విషయంలో పోలీసులు తీసుకుంటున్న చర్యలు పెద్దగా కనిపించడంలేదు. బడాబాబుల కొడుకులు కూడా రేసింగ్‌లో పాల్గొంటున్నట్టు తెలుస్తోంది. గతంలో రేసింగ్‌ల వల్ల కొన్ని ప్రమాదాలు కూడా జరిగాయి. అయినా బైక్ రేసింగ్‌లు మాత్రం ఆగడం లేదు.